ພົນລະເມືອງໃຈດີຈົກເງິນ 350 ໂດລາໃຫ້ພໍ່ຄ້າຂາຍໝໍ້ ເພື່ອຊ່ວຍຊີວິດໝາຫຼາຍໂຕ

0
3641
ປອຍ​ໂຕ​ໝາ

ເປັນອີກຄລິບໜຶ່ງທີ່ເຫັນແລ້ວຕ້ອງຂໍຊົມເຊີຍນໍ້າໃຈຂອງພົນລະເມືອງດີທີ່ເສຍສະຫຼະຊັບສິນສ່ວນຕົວເພື່ອປົດປ່ອຍຫຼາຍຊີວິດໃຫ້ເປັນອິດສະຫຼະ ເລື່ອງລາວດັ່ງກ່າວເກີດຂຶ້ນຢູ່ໃນປະເທດກຳປູເຈຍ.

ໃນຄລິບບັນດາທ່ານຈະເຫັນວ່າ ມີພົນລະເມືອງດີທ່ານໜຶ່ງໄດ້ຈ່າຍເງິນໃຫ້ພໍ່ຄ້າທີ່ຂີ່ລົດຈັກເລາະຂາຍໝໍ້ ແຕ່ວ່າຢູ່ໃນລົດຂອງພໍ່ຄ້າຄົນດັ່ງກ່າວຜັດມີໝາປະມານ 8-9 ໂຕທີ່ຖືກຂັງລວມກັນຢູ່ໃນກົງນ້ອຍໆຢ່າງທໍລະມານ ດັ່ງນັ້ນ ພົນລະເມືອງດີຄົນດັ່ງກ່າວກໍໄດ້ ຈ່າຍເງິນຈຳນວນ 350 ໂດລາເພື່ອຊື້ຊີວິດຂອງໝາຈຳນວນດັ່ງກ່າວໃຫ້ຫຼຸດພົ້ນ ແລະ ປ່ອຍພວກມັນໃຫ້ເປັນອິດສະຫຼະ.

ສຳລັບ ສປປ ລາວ ກໍມີກົດໝາຍປົກປ້ອງ ການທໍລະມານສັດ ໃນປະມວນກົດໝາຍອາຍາສະບັບຫຼ້າສຸດ ຊຶ່ງໄດ້ຮັບການຢັ້ງຢືນ ແລະ ມີຜົນສັກສິດທຽບເທົ່າບັນດາກົດໝາຍຕ່າງໆທີ່ ສປປ ລາວ ໄດ້ກຳນົດອອກ ແລະ ໄດ້ປະກາດນຳໃຊ້ຢ່າງເປັນທາງການເມື່ອວັນທີ 18 ພະຈິກ 2018.

ໃນນັ້ນ ຕາມປະມວນກົດໝາຍອາຍາມາດຕາ 353 ວ່າດ້ວຍການທໍລະມານສັດ ຊຶ່ງມີເນື້ອໃນມີຄື ບຸກຄົນໃດຫາກໄດ້ກະທຳຜິດຕໍ່ສັດທີ່ເປັນການທໍລະມານ ເປັນຕົ້ນແມ່ນການກັກຂັງໂດຍໃຫ້ອົດອາຫານ ນໍ້າ ແລະ ການໃຊ້ແຮງງານໜັກເກີນຂອບເຂດໂດຍບໍ່ໃຫ້ສັດໄດ້ພັກຜ່ອນ ທຸບຕີ-ທຳຮ້າຍໃນລັກສະນະທາລຸນ ບັນທຸກ-ຂົນສົ່ງແບບແອອັດ ແລະ ທໍລະມານ ລວມເຖິງການຂ້າສັດແບບໂຫດຮ້າຍປ່າເຖື່ອນ ຫຼື ໃຊ້ສານພິດເບື່ອ ບຸກຄົນນັ້ນໆຈະຖືກລົງໂທດດັດສ້າງຕັດອິດສະຫຼະພາບ ຫຼື ຖືກປັບໄໝ ເປັນເງິນຈຳນວນ 500.000-3.000.000 ກີບ.

Posted by Sam Phannarith on ວັນພຸດ ທີ 18 ກັນຍາ 2019

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.