ພູໄຟກີວີໃນນິວຊີແລນປະທຸ… ນັກທ່ອງທ່ຽວແຕກຕື່ນ-ໜີຕາຍສົນລະວົນ

0
1402

ສຳນັກຂ່າວຕ່າງປະເທດລາຍງານເມື່ອວັນທີ 9 ທັນວາຜ່ານວ່າ: ເມື່ອເວລາປະມານ 14:00 ໂມງ (ຕາມເວລາທ້ອງຖິ່ນ) ໄດ້ເກີດເຫດພູໄຟວາຄາອາຣີ ຫຼື ພູໄຟເກາະຂາວ, ນອກແຄມຝັ່ງເກາະເໜືອປະທຸ ແລະ ພົ່ນຄວັນຈຳນວນຫຼາຍ ສົ່ງຜົນໃຫ້ມີຜູ້ເສຍຊີວິດແລ້ວຢ່າງໜ້ອຍ 5 ລາຍ ແລະ ສູນຫາຍຫຼາຍກວ່າ 20 ຄົນ, ພ້ອມນີ້ ຍັງມີຜູ້ບາດເຈັບເລັກນ້ອຍ 7 ຄົນ ແລະ ເຈັບສາຫັດກວ່າ 23 ຄົນ.

ທ່ານ ນາງ ຈາຊິນດາ ອາຣເດີນ ນາຍົກລັດຖະມົນຕີໄດ້ຖະແຫຼງສະແດງຄວາມຫ່ວງໃຍໄປຍັງຜູ້ທີ່ປະສົບໄພ, ຊຶ່ງເຈົ້າໜ້າທີ່ຕຳຫຼວດໄດ້ລະບຸວ່າ: ຊ່ວງເກີດການປະທຸມີນັກທ່ອງທ່ຽວ ຢູ່ໃກ້ພູໄຟວາຄາອາຣີປະມານ 50 ຄົນ (ຫຼຸດລົງຈາກລາຍງານເບື້ອງຕົ້ນທີ່ມີຈຳ ນວນ 100 ຄົນ).

ຂະນະທີ່ມີການເຜີຍແຜ່ພາບໃນຊ່ວງເວລາທີ່ມີການປະທຸ ແລະ ຄວັນປົກຄຸມເປັນວົງກວ້າງ ຊຶ່ງມີກຸ່ມນັກທ່ອງທ່ຽວຢືນລວມຕົວຢູ່ແຄມຝັ່ງເກາະຂາວ, ຊຶ່ງໜ່ວຍສຸກເສີນພະຍາຍາມຊ່ວຍເຫຼືອ ແລະ ພານັກທ່ອງທ່ຽວອອກຈາກເກາະເພື່ອຄວາມປອດໄພ.

 

ຮຽບຮຽງ: ເພັງສະຫວັນ

ຮູບພາບ: khaosod

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.