ພຶດຕິກຳທີ່ຜິດໃຈຄົນລາວ ຫຼື ຜິດຕໍ່ວັດທະນະທຳລາວ ແຕ່ອາດເປັນເລື່ອງທຳມະດາຢູ່ປະເທດອື່ນ

0
120

ວັດທະນະທຳ, ຄວາມຄິດ, ຄວາມເຊື່ອ ແລະ ຮູບແບບການດຳລົງຊີວິດຂອງຄົນທາງທະວີບອາຊີກັບຄົນທາງຝັ່ງເອີຣົບຈະມີຄວາມແຕກຕ່າງກັນຄ່ອນຂ້າງຫຼາຍ ແລະ ເມື່ອເວົ້າເຖິງພຶດຕິກຳຂອງຄົນລາວທີ່ມີຄວາມຕິດພັນກັບວັດທະນະທຳ ແລະ ດ້ວຍນິໃສທີ່ບໍ່ມັກຄວາມວຸ້ນວາຍ ແຕ່ກໍ່ບໍ່ມັກໃຫ້ໃຜມາເອົາປຽບ ຫຼື ດູໝິ່ນກຽດສັກສີ ດັ່ງນັນ, ບາງເຫດການອາດເປັນເລື່ອງປົກກະຕິຂອງຊາວຕ່າງຊາດ ແຕ່ສຳລັບຄົນລາວແລ້ວມັນອາດເປັນເລື່ອງທີ່ກະທົບຈິດໃຈຫຼາຍ.

ເລື່ອງທີ່ເຮັດໃຫ້ຄົນລາວຜິດໃຈ ຫຼື ຜິດຕໍ່ວັດທະນະທຳລາວ ແຕ່ອາດເປັນເລື່ອງທຳມະດາຢູ່ປະເທດອື່ນມີຄື:

  1. ນັກຂ່າວບໍ່ສາມາດຖາມຄຳຖາມແຮງໆ ຫຼື ບໍ່ສາມາດຕາມສືບຂ່າວແບບສາຍລັບ ແລະ ໄປເຝົ້າເອົາໄມຈໍປາກຖາມຄຳຖາມໄດ້ຄືກັບປະເທດອື່ນ ແຕ່ໃນຕ່າງປະເທດເລື່ອງແບບນີ້ມັນເລື່ອງທຳມະດາຂອງນັກຂ່າວ.
  2. ການແຕ່ງຕົວໂປ້ ຫຼື ຖ່າຍຮູບທ່າທາງບໍ່ເໝາະສົມຢູ່ໃນວັດ ແລະ ສະຖານທີ່ສຳຄັນຕ່າງໆຂອງປະເທດແມ່ນບໍ່ສາມາດເຮັດໄດ້ ແຕ່ສຳລັບປະເທດອື່ນ (ບາງປະເທດ) ມັນເປັນເລື່ອງທຳມະດາ.
  3. ກໍລະນີທີ່ຫາກໍ່ເກີດມໍ່ໆນີ້ຄືການວາງຂັນລາງວັນລົງພື້ນໃຫ້ກັບນັກກີລາລາວ ພຶດຕິກຳນີ້ກໍ່ບໍ່ເໝາະສົມສຳລັບຄົນລາວ ແຕ່ສຳລັບຄົນຕ່າງຊາດ (ບາງປະເທດ) ອາດເປັນເລື່ອງທຳມະດາ.
  4. ການບີບແກໃນເວລາຂັບລົດ ທີ່ຕ່າງປະເທດຖືເປັນເລື່ອງປົກກະຕິ ແຕ່ສຳລັບປະເທດລາວນັ້ນ ມີພຽງຄົນກຸ່ມຄົນຈຳນວນໜ້ອຍເທົ່ານັ້ນທີ່ສາມາດຮັບເລື່ອງການບີບແກລົດໃສ່ໄດ້.
  5. ການວິພາກວິຈານຜົນງານຂອງຄົນລາວ ຫຼື ການປຽບທຽບຄວາມງາມຂອງຄົນລາວກັບຄົນຕ່າງຊາດໃນຮູບແບບວິຈານຖ້າຄົນລາວເວົ້າໃຫ້ກັນເອງແມ່ນຈະບໍ່ມີບັນຫາ ແຕ່ຖ້າຄົນຕ່າງປະເທດເວົ້າໃຫ້ຄົນລາວແມ່ນຈະເປັນເລື່ອງໃຫຍ່.
  6. ການເວົ້າດູຖູກເງິນລາວ ຫຼື ສະແດງພຶດຕິກຳບໍ່ເໝາະສົມເຊັ່ນ: ການຢຽບເງິນກີບແມ່ນເລື່ອງທີ່ຜິດໃຈຄົນລາວແຮງ ແຕ່ຕ່າງປະເທດອາດເປັນເລື່ອງທຳມະດາ.
  7. ການສະແດງໜັງ ຫຼື MVເພງທີ່ມີການແຕ່ງຕົວໂປ້ໂຊເນື້ອໜັງຫຼາຍເກີນໄປ ແລະ ມີສາກເລີບຊີນ ຫຼື ເນື້ອເພງທີ່ມີລັກສະນະລາມົກ, ແມ່ນຜິດວັດທະນະທຳ ແຕ່ໃນຕ່າງປະເທດເປັນເລື່ອງທຳມະດາ.
  8. ການເອົາຮູບພາບ ຫຼື ວິດີໂອຂອງສະຖານທີ່ສຳຄັນທາງປະຫວັດສາໄປຕັດຕໍ່ ຫຼື ສະແດງໜັງແບບໂລດໂຜນແອັກຊັ່ນປີນໃຕ່ ຫຼື ຈູດເຜົາທຳລາຍ, ລະເບີດຖີ້ມຄືໃນໜັງຮໍລີວູດແມ່ນເຮັດບໍ່ໄດ້ ແຕ່ສຳລັບຕ່າງປະເທດແມ່ນເປັນເລື່ອງທຳມະດາ.
  9. ເວລາກິນເຂົ້າຄົນລາວຈະບໍ່ຂາກຂີ້ກະເຖິງ, ຖົ່ມນໍ້າລາຍ, ເວົ້າແນວເປັນຕາຂີ້ດຽດ ຫຼື ຕົດໃສ່ພາເຂົ້າ.

10 ເລື່ອງທີ່ກ່າວມາຂ້າງເທິງນີ້ມັນເປັນເລື່ອງທີ່ສຳຄັນ ແລະ ມີຜົນຕໍ່ຄວາມຮູ້ສຶກຂອງຄົນລາວບໍ່ຫຼາຍກໍ່ໜ້ອຍ ດັ່ງນັ້ນ, ສຳລັບຄົນທີ່ເພື່ອນ ຫຼື ຄົນຮູ້ຈັກເປັນຊາວຕ່າງກໍ່ຄວນໃຫ້ຂໍ້ມູນພວກເຂົາກ່ຽວກັບເລື່ອງພວກນີ້ ເພື່ອໃຫ້ພວກເຂົາໄດ້ມີຄວາມຮູ້ເລື່ອງສິ່ງທີ່ຄົນລາວມັກກັບສິ່ງທີ່ຄົນລາວບໍ່ມັກ.

 

ບົດໂດຍ: ພຸດສະດີ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.