ພາຊະນະກິນໄດ້ທີ່ເຮັດມາຈາກ “ແອັບເປິລ”

0
50

ບັນຫາຂີ້ເຫຍື້ອລົ້ນໂລກອາດຕ້ອງໃຊ້ເວລາດົນໃນການແກ້ໄຂ ແຕ່ສິ່ງທີ່ທຸກຄົນຄວນຄຳນຶງ ແລະ ເຮັດຄວບຄູ່ກັນໄປກໍຄືຕ້ອງພະຍາ ຍາມຢຸດການໃຊ້ຜະລິດຕະພັນທີ່ເຮັດຈາກພລາສຕິກ ພ້ອມທັງຫັນມາໃຊ້ສິ່ງຂອງທີ່ເຮັດຈາກທຳມະຊາດທີ່ສາມາດຍ່ອຍສະຫຼາຍໄດ້ງ່າຍ ໂດຍສະເພາະເລື່ອງໃກ້ຕົວເຊັ່ນ ການເລືອກພາຊະນະໃສ່ອາຫານບໍ່ວ່າຈະເປັນ ຈານ ຖ້ວຍ ບ່ວງ ສ້ອມ ຈອກນ້ຳ ແລະ ອື່ນໆ ຊຶ່ງປັດຈຸບັນກໍມີຫຼາກຫຼາຍຜະລິດຕະພັນທາງເລືອກທີ່ຜະລິດມາຈາກວັດສະດຸທຳມະຊາດເຊັ່ນ ຈານ ຖ້ວຍ ທີ່ກິນໄດ້ຊຶ່ງເຮັດຈາກເຂົ້າ ກາເຟ ແກ່ນອະໂວຄາໂດ.

ຫຼ້າສຸດ ນັກວິທະຍາສາດດ້ານເຕັກໂນໂລຊີຊີວະພາບຈາກມະຫາວິທະຍາໄລເຕັກນິກແຫ່ງລັດຊາມາຣາໃນຣັດເຊຍໄດ້ພັດທະນາປະດິດພາຊະນະທີ່ກິນໄດ້ຈາກໝາກໄມ້ເຊັ່ນ ແອັບເປິລ ຫຼັງຈາກທົດລອງກັບໝາກໄມ້ຫຼາຍຊະນິດເຊັ່ນ ເບີຣີ ແລະ ຜັກເຊັ່ນ ກາລົດ ໝາກລະແຊັງ ສະຕໍເບີຣີ ຖົ່ວຂຽວ ໝາກອຶ ບຣູເບີຣີ ແລະ ແອັບເປິລ ໂດຍນັກວິທະຍາສາດພົບວ່າ ແອັບເໝາະທີ່ສຸດຕໍ່ການນຳມາຜະລິດເປັນພາຊະນະທີ່ກິນໄດ້ເພາະມີລົດຊາດ ແລະ ຄຸນສົມບັດທີ່ດີທີ່ສຸດ.

ທັງນີ້ ຖ້ວຍທີ່ເຮັດຈາກແອັບເປິລກໍມີຄວາມທົນທານຕໍ່ນ້ຳຮ້ອນ ແລະ ຍັງສາມາດເກັບຂອງແຫຼວໄວ້ໄດ້ດົນປະມານ 2-3 ຊົ່ວໂມງ ທັງມີປະໂຫຍດສຳລັບຜູ້ທີ່ເຮັດວຽກໃນແຖບອາຣກຕິກ ຫຼື ເຂດອຸດສາຫະກຳຂຸດເຈາະນ້ຳມັນນອກແຄມຝັ່ງ ລວມເຖິງນັກເດີນທາງທີ່ຕ້ອງແບກຫາບກະເປົ໋າເປ້ເດີນທາງໄກ ພ້ອມນີ້ ນັກວິທະຍາສາດເຊື່ອວ່າ ພາຊະນະກິນໄດ້ເຫຼົ່ານີ້ສາມາດຫຼຸດປະລິມານຂອງເສຍຈາກບັນຈຸພັນພລາສຕິກແບບດັ່ງເດີມ ຊຶ່ງໃນອະນາຄົດອັນໃກ້ນີ້ນັກວິທະຍາສາດໃນມະຫາວິທະຍາໄລເຕັກໂນໂລຊີແຫ່ງລັດຊາມາຣາກໍມີແຜນຈະນຳພາຊະນະທີ່ເຮັດຈາກແອັບເປິລອອກສູ່ຕະຫຼາດ ຊຶ່ງຈະກາຍເປັນຜະລິດຕະພັນທາງເລືອກທີ່ເປັນມິດຕໍ່ສິ່ງແວດລ້ອມທີ່ຄວນສົ່ງເສີມ.

 

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.