spot_img
Homeຂ່າວການພັດທະນາພາກລັດຕັ້ງເປົ້າ ປີນີ້ຈະປູກໄມ້ໃຫ້ເປັນປ່າ ບັນລຸ 7 ພັນ​​ເຮັກຕາ ໃນຂອບເຂດທົ່ວປະເທດ!

ພາກລັດຕັ້ງເປົ້າ ປີນີ້ຈະປູກໄມ້ໃຫ້ເປັນປ່າ ບັນລຸ 7 ພັນ​​ເຮັກຕາ ໃນຂອບເຂດທົ່ວປະເທດ!

Published on

ຕາມ​ການ​ລາຍ​ງານ​ຂອງ​ກອງ​ພື້ນ​ຟູ​ປ່າ​ໄມ້, ກະຊວງ​ຊັບພະຍາກອນ​ທຳ​ມະ​ຊາດ ​​ແລະ ສິ່ງ​ແວດ​ລ້ອມ ​ໃຫ້​ຮູ້​ວ່າ: ​ເພື່ອຜັນ​ຂະຫຍາຍ​ຍຸດ​ທະ​ສາດວຽກງານ​ປ່າ​ໄມ້ ​ຮອດປີ 2020 ​​ແລະ ​ແຜນ 5 ປີ​ຂອງ​ ຂະ​ແໜງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​​ແວດລ້ອມ ກ່ຽວ​ກັບ​ການ​ພື້ນ​ຟູປ່​າ​ໄມ້​ ໃຫ້​ໄດ້ 1,5 ລ້ານເຮັກຕາ ​ແລະ ປູກ​ເສີມ​ກ້ອງ​ປ່າ ​ໃຫ້​ໄດ້ 35 ພັນ​ເຮັກ​ຕາ​ໃຫ້​ສຳ​ເລັດ ​ແລ​ະ ປະກົດ​ຜົນ​ເປັນ​ຈິງ,​ ໂດຍ​ສະ​ເພາະ​ແມ່ນ​ຄາດໝາຍ​ສູ້​ຊົນ ​ຂອງ​ວຽກ​ງານ​ຟື້ນ​ຟູ​ປ່າ​​ໄມ້​ ໃຫ້​ມີ​ເນື່ອທີ່​ປົກ​ຫຸ້ມ 70% ​ໃນ​ປີ 2020 ​ໃນ​ຂອບ​ເຂດ​ທ່ົວ​ປະ​ເທດ, ຊຶ່ງ​ຕະຫຼອດ​ໄລຍະ​ຜ່ານ​ມາ​ພັກ ​ແລະ ລັດຖະບານ​ຖື​ເອົາ​ວຽກ​ງານ​ຄຸ້ມ​ຄອງ​,ປົກ​ປັກ​ຮັກສາ ​ແລະ ພັດທະນາ​ປ່າ​ໄມ້ ​ເປັນ​ວຽກ​ຍຸດ​ທະ​ສາດ​ສຳຄັນ, ​ໂດຍ​ສະ​ເພາະ​ແມ່ນ​ເລັ່ງ​ໃສ່​ວຽກ​ງານ​ການ​ຟື້ນ​ຟູ​ປ່າ​ໄມ້​ທຳ​ມະ​ຊາດ ​ແລະ ປູກ​ເສີມ​ກ້ອງ​ປ່າ​ໃນ​ແຕ່ລະ​ປີ ​ແລະ ສະ​​​ເພາະ​ວັນ​ປູກ​​ໄມ້​​ແຫ່ງ​ຊາດປີ​ນີ້ ​ໄດ້ວາງ​ຄາດໝາຍຈະ​ປູກ​​ໄມ້ ​​ໃນ​​ເຂດ​ປ່າ​ປ້ອງ​ກັນ ​ແລະ ປ່າ​ສະຫງວນ​ໃຫ້​ບັນລຸ 7 ພັນ​ເຮັກຕາ, ຟື້ນ​ຟູ​ປ່າ​ທຳ​ມະ​ຊາດ​ໃຫ້​ໄດ້ 3 ​ແສນ​ເຮັກຕາ, ​​ເກັບແກ່ນ​​ໃຫ້​ໄດ້ 10 ​ໂຕນ, ​ກ້າ​ເບ້ຍ​ໄມ້​ໃຫ້​ໄດ້ 18 ລ້ານ​ເບ້​ຍ, ສຳລັບ​ການ​ປູກ​ ແມ່ນ​ຈະ​​ເລັ່ງ​ໃສ່​ປ່າ​ທຳ​ມະ​ຊາດ, ປ່າ​ປ້ອງ​ກັນ ​ແລະ ປ່າ​ສະຫງວນ ​​ແລະ ​ເພື່ອ​ໃຫ້​ບັນລຸ​ຕາມ​ຄາດໝາຍ​ທີ່​ວາງ​ໄວ້​ ທາງ​ກະຊວງ​ໄດ້​ມອບ​ໃຫ້​ອຳນາດ​ການ​ປົກຄອງ​ທ້ອງ​ຖິ່ນ ​ແລະ ພາກສ່ວນ​ກ່ຽວຂ້ອງ​ ນຳພາ​ຈັດ​ຕັ້ງ​ປະຕິບັດ​ໃນ​ເຂດ​ແຂວງ​ຂອງ​ຕົນ​ຄື: ​ແຂວງ​ຜົ້ງ​ສາລີ​ ຕ້ອງ​ປູກ​ໃຫ້​ໄດ້ 370 ​ເຮັກຕາ, ຫຼວງ​ນ້ຳ​ທາ 300 ​ເຮັກຕາ, ບໍ່​ແກ້ວ 300 ​ເຮັກຕາ, ອຸດົມ​​ໄຊ 350 ​ເຮັກຕາ, ຫົວພັນ 420 ​ເຮັກຕາ, ຫຼວງ​ພະ​ບາງ 450 ​ເຮັກຕາ, ​ໄຊ​ຍະ​ບູລີ 400 ​ເຮັກຕາ, ​ຊຽງ​​ຂວງ 450 ​ເຮັກຕາ, ​ໄຊ​ສົມບູນ 260 ​ເຮັກຕາ, ວຽງ​ຈັນ 450 ​ເຮັກຕາ, ນະຄອນຫຼວງ 150 ​ເຮັກຕາ, ບໍລິ​ຄຳ​ໄຊ 470 ​ເຮັກຕາ, ຄຳ​ມ່ວນ 460 ​ເຮັກຕາ, ສະຫວັນ​ນະ​ເຂດ 550 ​ເຮັກ​ຕາ, ສາລະ​ວັນ 370 ​ເຮັກຕາ, ຈຳປາ​ສັກ 480 ​ເຮັກຕາ, ​ເຊ​ກອງ 380 ​ເຮັກຕາ ​ແລະ ອັດ​ຕະປື 390 ​ເຮັກຕາ, ​ດັ່ງ​ນັ້ນ​ ຈຶ່ງ​ຮຽກ​ຮ້ອງໃຫ້​ທຸກ​ພາກສ່ວນ ​ທັງ​ພາກ​ລັດ ​ແລະ ​ເອກະ​ຊົນ, ຫົວໜ່ວຍ​ທຸລະ​ກິດ ​ຕະຫຼອດ​ຮອດ​ປະຊາຊົນ​ທ້ອງ​ຖິ່ນ​ຕ່າງໆ​ ຈົ່ງ​ພ້ອມ​ກັນປູກ​ໄມ້​ໃຫ້​ເປັນປ່າ, ​ເພື່ອ​ຍົກ​ສູງ​ເນື່ອທີ່​ປົກ​ຫຸ້ມປ່າ​ ໃຫ້​ບັນລຸ​ໄດ້​ຕາມ​ຄາດໝາຍ ​ຂອງ​ລັດຖະບານ​ວາງ​ອອກ ​ແລະ ​ເພື່ອ​ສົ່ງ​ແວດ​ລ້ອມ​ທີ່​ດີ, ​ເຮັ​ດອາກາດ​ສົດ​ຊື່ນ, ປົກ​ປັກ​ຮັກສາ​ແຫຼ່ງນ້ຳ ​ແລະ ຊ່ວຍ​ຫຼຸດຜ່ອນ​ພາວະ​ໂລກ​ຮ້ອນ​ ດັ່ງ​ທີ່​ເປັນ​ຢູ່​ໃນ​ປັດຈຸບັນ​.

 

ແຫລ່ງຂ່າວ:

ລພນ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

ບົດຄວາມຫຼ້າສຸດ

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...

ລາວ-ສ.ເກົາຫຼີ ລົງນາມຮ່ວມມື ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ມູນຄ່າ 9.9 ລ້ານໂດລາ

ລາວ-ສ.ເກົາຫຼີ ລົງນາມບົດບັນທຶກການຮ່ວມມື (Record of Discussion-ROD) ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການຮ່ວມມືສາກົນ ສ.ເກົາຫຼີ (KOICA) ໄດ້ຈັດພິທີລົງນາມບົດບັນທຶກການຮ່ວມມື...

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...