ພາກກາງ ຫາ ພາກໃຕ້ຈະມີຝົນຕົກໃນໄລຍະວັນທີ 7-10 ພະຈິກນີ້

0
182

ກົມອຸຕຸນິຍົມ ແລະ ອຸທົກກະສາດໄດ້ຄາດຄະເນກ່ຽວກັບສະພາບອາກາດໃນໄລຍະວັນທີ 7-10 ພະຈິກ 2019 ໂດຍໄດ້ລະບຸວ່າ: ຄວາມກົດດັນອາກາດສູງຂອງອາກາດເຢັນຍັງຈະສືບຕໍ່ປົກຄຸມຢູ່ແຂວງພາກເໜືອຫາພາກກາງ, ສ່ວນພາກໃຕ້ຄວາມກົດດັນອາ ກາດຕໍ່າຂອງອາກາດຮ້ອນປົກຄຸມ, ຊຶ່ງຈະເຮັດໃຫ້ອາກາດຮ້ອນຂຶ້ນໃນຕອນບ່າຍ ແລະ ຍັງຈະມີຝົນຕົກຟ້າຮ້ອງ ແລະ ມີລົມພັດແຮງຢູ່ຫຼາຍທ້ອງຖິ່ນໃນແຂວງພາກກາງຫາພາກໃຕ້.

ພາກເໜືອດ້ານຕາເວັນອອກ: ໃນໄລຍະວັນທີ 7-10 ພະຈິກ 2019 ອາກາດຍັງຈະສືບຕໍ່ເຢັນຫາໜາວ ແລະ ຈະມີຝົນຕົກກະ ຈາຍຢູ່ບາງທ້ອງຖິ່ນໃນແຂວງຫົວພັນ ແລະ ຊຽງຂວາງ.

ພາກເໜືອດ້ານຕາເວັນຕົກ: ໃນໄລຍະວັນທີ 7-10 ພະຈິກ 2019 ອາກາດຍັງຈະເຢັນຢູ່ຕື່ມອີກ, ພ້ອມມີໝອກບາງປົກຫຸ້ມຢູ່ທົ່ວໄປ ແລະ ຈະມີຝົນຕົກກະຈາຍຢູ່ບາງທ້ອງຖິ່ນ.

ພາກກາງ: ໃນໄລຍະວັນທີ 7-10 ພະຈິກ 2019 ຈະມີຝົນຕົກຟ້າຮ້ອງໃນລະດັບຄ່ອຍຢູ່ທາງດ້ານຕາເວັນອອກຂອງພາກ ພ້ອມຈະມີລົມພັດແຮງຢູ່ບາງທ້ອງຖິ່ນໃນແຂວງວຽງຈັນ ແລະ ບໍລິຄຳໄຊ.

ສະເພາະແຂວງໄຊສົມບູນ, ເຂດຫຼັກ 20, ເມືອງວຽງທອງ ແລະ ເມືອງນາກາຍ: ໃນໄລະວັນທີ 7-10 ພະຈິກ 2019 ອາກາດຍັງຈະສືບຕໍ່ໜາວເຢັນໃນຕອນກາງຄືນຫາຕອນເຊົ້າ, ພ້ອມມີໝອກບາງປົກຫຸ້ມຢູ່ທົ່ວໄປ ແລະ ມີໝອກໜາປົກຫຸ້ມຢູ່ບາງບໍລິເວນ.

ພາກໃຕ້: ໃນໄລຍະວັນທີ 7-10 ພະຈິກ 2019 ຈະມີຝົນຕົກຟ້າຮ້ອງໃນລະດັບຄ່ອຍ ແລະ ມີລົມພັດແຮງຢູ່ຫຼາຍທ້ອງຖິ່ນແຂວງ ຈຳປາສັກ, ສາລະວັນ, ເຊກອງ ແລະ ອັດຕະປື.

ສະເພາະເຂດພູພຽງບໍລະເວນ: ໃນໄລຍະວັນທີ 4-10 ພະຈິກ 2019 ອາກາດຍັງຈະເຢັນຫາໜາວ ພ້ອມມີໝອກບາງປົກຫຸ້ມໃນຕອນກາງຄືນຫາຕອນເຊົ້າ ແລະ ຈະມີຝົນຕົກໃນລະດັບຄ່ອຍພ້ອມມີລົມພັດແຮງເປັນບາງໂອກາດຢູ່ບາງບໍລິເວນ.

ນະຄອນຫຼວງວຽງຈັນ: ໃນໄລຍະວັນທີ 7-10 ອາກາດຈະອ່າວເຢັນໃນຕອນກາງຄືນຫາຕອນເຊົ້າ ແລະ ຈະມີເຝື້ອປົກຄຸມເປັນບາງສ່ວນ ແລະ ຈະມີຝົນຕົກໃນລະດັບຄ່ອຍ ພ້ອມມີລົມພັດແຮງຢູ່ບາງບລິເວນ.

ຄຳເຕືອນ: ເນື່ອງຈາກວ່າໃນໄລຍະວັນທີ 7-10 ພະຈິກ 2019 ຄວາມກົດດັນອາກາດສູງອາກາດເຢັນຍັງຈະປົກຄຸມຢູ່ແຂວງພາກເໜືອຫາພາກກາງ, ສ່ວນພາກໃຕ້ຄວາມກົດດັນຕໍ່າຂອງອາກາດຮ້ອນຍັງຈະປົກຄຸມ, ຊຶ່ງຈະເຮັດໃຫ້ອາກາດຮ້ອນຂຶ້ນໃນຕອນບ່າຍ ແລະ ຈະມີຝົນຕົກຟ້າຮ້ອງຢູ່ຫຼານທ້ອງຖິ່ນໃນບັນດາແຂວງບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊກອງ ແລະ ອັດຕະປຶ.

ຮຽບຮຽງຂ່າວ:​ພຸດສະດີ ລາວລີ
ແຫຼ່ງຂໍ້ມູນ: ກົມອຸຕຸນິຍົມ ແລະ ອຸທົກກະສາດ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.