ພະນັກງານທະນາຄານເຫັນລູກຄ້າຖອນເງິນຫຼາຍຈຶ່ງນຳໄປປຸ້ນຮອດເຮືອນ

0
7710

ທ້າວ ນາທາ ນູເວລ ພະນັກງານທະນາຄານອາຍຸ 19 ປີ, ສັນຊາດອາເມຣິກາ ໄດ້ບຸກເຂົ້າໄປໃນເຮືອນຂອງລູກຄ້າອາຍຸ 78 ປີໃນເມືອງເບລແອຣ ລັດແມຣິແລນ ແລ້ວໄດ້ທຳຮ້າຍຮ່າງກາຍ ລວມທັງປຸ້ນຈີ້ຊີງຊັບ, ເຫດການນີ້ເກີດຂຶ້ນໃນຕອນເຊົ້າຂອງວັນທີ 11 ພະຈິກທີ່ຜ່ານມາ.

ໂດຍເຈົ້າໜ້າທີ່ຕຳຫຼວດທ້ອງຖິ່ນເປີດເຜີຍວ່າ: ກ່ອນຈະເກີດເຫດດັ່ງກ່າວ ທ້າວ ນູເວລ (ຄົນຮ້າຍ) ເຫັນລູກຄ້າຜູ້ນີ້ມາຖອນເງິນຈຳນວນຫຼາຍອອກຈາກທະນາຄານ, ເຮັດໃຫ້ຜູ້ກໍ່ເຫດເຫັນວ່າເປັນໂອກາດຈຶ່ງຕັດສິນໃຈບຸກປຸນເຮືອນຂອງລູກຄ້າຄົນດັ່ງກ່າວ ແລະ ເມື່ອບຸກເຂົ້າໄປໃນບ້ານກໍທຳຮ້າຍຮ່າງກາຍຈົນເຮັດໃຫ້ກະດູກຂາຂອງພໍ່ເຖົ້າຫັກ ຊໍ້າຮ້າຍຍັງເຂົ້າໄປທຳຮ້າຍແມ່ເຖົ້າອາຍຸ 57 ປີຢູ່ໃນເຮືອນອີກດ້ວຍ.

ທ່ານ ໄມເຄິລ ແມັດຟໍສັນ ປະທານຄະນະເຈົ້າໜ້າທີ່ບໍລິຫຫານຂອງທະນາຄານ ຟຣີດອມ ເຟເດີຣອລ ເຄຣດິດ ຢູນຽນ ກ່າວກັບສື່ທ້ອງຖິ່ນວ່າ: ທະນາຄານຮູ້ສຶກຕົກໃຈແຮງທີ່ໄດ້ຍິນວ່າມີເລື່ອງແບບນີ້ເກີດຂຶ້ນກັບລູກຄ້າທີ່ມາໃຊ້ບໍລິການກັບທະນາຄານ ແລະ ທະ ນາຄານຂໍສົ່ງກຳລັງໃຈໄປເຖິງຜູ່ຖືກທຳຮ້າຍ ແລະ ຄອບຄົວຂອງເຂົາດ້ວຍ.

ເຈົ້າໜ້າທີ່ຕຳຫຼວດກ່າວຕື່ມວ່າ: ແຮງຈູງໃຈທີ່ເຮັດໃຫ້ ທ້າວ ນູເວລ ກໍ່ເຫດໃນຄັ້ງນີ້ແມ່ນເປັນເພາະເງິນບໍ່ພໍໃຊ້, ຈຶ່ງຕ້ອງເຮັດວຽກ 2 ຢ່າງ ແລະ ບໍ່ຢາກເໝື່ອຍອີກຕໍ່ໄປ. ດັ່ງນັ້ນ ຈຶ່ງຫາທຸກວິທີທາງທີ່ຈະລວຍທາງລັດ ແລະ ໜຶ່ງໃນວິທີນັ້ນກໍຄືການກໍ່ເຫດດັ່ງກ່າວ.

ຮຽບຮຽງຂ່າວ: ພຸດສະດີ ລາວລີ
ແຫຼ່ງຂໍ້ມູນ: www.foxnews.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.