ພະຍຸໄຕ້ຝຸ່ນ “ຄຳມູຣິ” ຂຶ້ນຝັ່ງຟີິລິິບປິນ… ອາດກະທົບການແຂ່ງຂັນຊີເກມ

0
182

ທາງການຟີລິບປິນສັ່ງອົບພະຍົບປະຊາຊົນເກືອບ 70.000 ຄົນ ແລະ ກຽມພ້ອມຮັບມືກັບພະຍຸໄຕ້ຝຸ່ນ “ຄຳມູຣິ” ພ້ອມນີ້ ກໍໄດ້ສັ່ງປິດສະໜາມບິນມະນິລາຊົ່ວຄວາມເພື່ອປ້ອງກນລ່ວງໜ້າກ່ອນທີ່ຄຳມູຣິຂະພັດເຂົ້າຖະຫຼົ່ມ.

ຂະນະທີ່ພະຍາກອນອາກາດຄາດວ່າ: ພະຍຸລູກນີ້ຈະເຄື່ອນຂຶ້ນຮອດຝັ່ງຟີລິບປິນໃນຕອນເຊົ້າຂອງວັນທີ 3 ທັນວາ 2019, ຈາກນັ້ນກໍຈະເຄື່ອນລົງພາກໃຕ້ສູ່ນະຄອນມະນິລາຊຶ່ງມີປະຊາກອນປະມານ 13 ລ້ານຄົນຊຶ່ງກຳລັງຈັດການແຂ່ງຂັນກີລາຊີເກມຄັ້ງທີ 30.

ສ່ວນເຈົ້າໜ້າທີ່ກ່ຽວຂ້ອງໄດ້ກ່າວວ່າ: ການທີ່ຕັດສິນໃຈປິດສະໜາມບິນເປັນການຊົ່ວຄາວນັບແຕ່ເວລາ 11:00 ໂມງເຖິງ 23:00 ໂມງຂອງວັນທີ 3 ທັນວາໂດຍໄດ້ອ້າງອິງຈາກພະຍາກອນອາກາດເຖິງຜົນກະທົບຈາກພະຍຸໜ່ວຍນີ້, ຊຶ່ງຄາດວ່າຈະເຮັດໃຫ້ເກີດຝົນຕົກໜັກທີ່ມາກັບຄວາມແຮງລົມສູງສຸດທີ່ 165 ກີໂລແມັດຕໍ່ຊົ່ວໂມງ ແລະ ຄວາມໄວລົມໃກ້ຈຸດສູນກາງ 230 ກີໂລແມັດຕໍ່ຊົ່ວໂມງ.

ຂະນະທີ່ເຈົ້າໜ້າທີ່ດ້ານບັນເທົາໄພພິບັດກໍໄດ້ເປີດເຜີຍວ່າ: ທີ່ເຂດບີໂກລຊຶ່ງຄາດວ່າຈະໄດ້ຮັບຜົນກະທົບຈາກພະຍຸຄຳມູຣິພັດກະໜໍ່າເປັນພື້ນທີ່ທຳອິດຊຶ່ງເຂດດັ່ງກ່າວມີປະຊາກອນອົບພະຍົບອອກມາໃນເຂດດັ່ງກ່າວແລ້ວເກືອບ 70.000 ຄົນ.

 

 

ຮຽບຮຽງ: ເພັງສະຫວັນ

ຮູບພາບ: thaipost

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.