ຝຸ່ນ PM2.5 ທີ່ອິນເດຍສູງຈົນວັດຄ່າບໍ່ໄດ້

0
45

ຄ່າຝຸ່ນລະອອງໃນອາກາດບໍ່ເກີນ 2,5 ໄມຄຣອນ (PM2,5) ທີ່ນະຄອນຫຼວງນິວເດລີຂອງອິນເດຍຊຶ່ງວັດແທກເມື່ອວັນທີ 3 ພະ ຈິກ 2019 ຢູ່ໃນລະດັບອັນຕະລາຍທີ່ສຸດຂອງປີ 2019 ຈົນເກີນດັດຊະນີຄຸນນະພາບອາກາດ (QAI) ໄປແລ້ວ. ດ້ວຍເຫດນີ້ຈຶ່ງເຮັດໃຫ້ເຮືອບິນ 30 ລຳຕ້ອງປ່ຽນເສັ້ນທາງໄປລົງຈອດທີ່ສະໜາມບິນອື່ນແທນ.

ທ້າວ ວິກຣັມ ຊັນດຣາ ຜູ້ສື່ຂ່າວອິດສະຫຼະຊື່ດັງຊາວອິນເດຍໄດ້ບັນທຶກພາບໜ້າຈໍລົງເວັບໄຊກວດຄຸນນະພາບອາກາດ aqicn.org ຂອງນະຄອນຫຼວງນິວເດລີເມື່ອວັນທີ 3 ພະຈິກໄວ້ໄດ້ ຊຶ່ງໂຕເລກລະບຸວ່າ: ຫຼາຍຈຸດຝຸ່ນລະອອງເກີນດັດຊະນີທີ່ລະດັບ 999 ໄປແລ້ວ. ສ່ວນສຳນັກຂ່າວເອເອຟພີກໍ່ເປີດເຜີຍວ່າ: ພາບຖ່າຍໃນນະຄອນຫຼວງນິວເດລີສະແດງໃຫ້ເຫັນວ່າທ້ອງຟ້າມືດມົວໄປທົ່ວເມືອງ ແລະ ເບິ່ງບໍ່ເຫັນສິ່ງອື່ນທີ່ຢູ່ໄປອອກໄປ.

ທັງນີ້, ໂຮງຮຽນໄດ້ຖືກປິດຢ່າງໜ້ອຍໄປຈົນເຖິງວັນອັງຄານ (ວັນທີ 5 ພະຈິກ), ວຽກກໍ່ສ້າງໄດ້ຖືກສັ່ງໃຫ້ຢຸດເຊົາ ແລະ ລັດຖະບານໄດ້ຈັດໃຫ້ມີໜ້າກາກ 5m ທີ່ຈະມອບໃຫ້. ນັບແຕ່ວັນຈັນເປັນຕົ້ນໄປເມືອງຈະເລີ່ມທົດລອງໃຊ້ລະບົບທີ່ລົດໃຫຍ່ທີ່ມີປ້າຍທະບຽນລົດ ແລະ ເລກທະບຽນລົດຈຶ່ງສາມາດຂັບຂີ່ໄດ້.

ຫຼາຍຄົນໃນເມືອງນິວເດລີເວົ້າວ່າຕ້ອງມີມາດຕະການທີ່ເຂັ້ມແຂງກວ່າເກົ່າ, ໂດຍສະເພາະແມ່ນການຢຸດຕິການກະທຳຕົ້ນຕໍ, ການເຜົາສານພິດ. ພາບຖ່າຍຈາກດາວທຽມໄດ້ສະແດງໃຫ້ເຫັນມີການຈູດຂີ້ເຫຍື້ອໃນລັດໃກ້ຄຽງຫຼາຍກວ່າ 3.000 ຄັ້ງໃນອາທິດແລ້ວນີ້. ຊຶ່ງການກະທຳດັ່ງກ່າວຄາດວ່າອາດເປັນສາເຫດຂອງການເຮັດໃຫ້ເກີດມົນລະພິດທາງອາກາດເຖິງ 44% ໃນນິວເດລີ.

ຂະນະທີ່ໂຮງໝໍໃນເມືອງຫຼວງລາຍງານວ່າ: ມີຜູ້ປ່ວຍຈຳນວນຫຼາຍເຂົ້າມາຮັກສາຕົວກ່ຽວກັບບັນຫາລະບົບທາງເດີນຫາຍໃຈ Dr Sai Kiran Chaudhary ຫົວໜ້າພະແນກປອດທີ່ໂຮງໝໍ  Delhi Heart & Lung Institute ກ່າວວ່າ: ຜູ້ຄົນເລີ່ມຄຳນຶງເຖິງອັນຕະລາຍຂອງມົນລະພິດທາງອາກາດຫຼາຍຂຶ້ນໃນຊ່ວງໄລຍະສອງປີທີ່ຜ່ານມາ ໂດຍມີການສວມໃສ່ໜ້າກາກໃນເວລາອອກໄປກາງແຈ້ງ ຫຼື ແມ່ນແຕ່ອາໄສຢູ່ໃນເຮືອນ.

ຮຽບຮຽງຂ່າວ: ພຸດສະດີ ລາວລີ
ແຫຼ່ງຂໍ້ມູນ: www.theguardian.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.