ຝຶກອົບຮົມການຄຸ້ມຄອງບໍລິຫານບ້ານ ແລະ ວຽກງານການຈົດທະບຽນພົນລະເມືອງ

0
137

ຫ້ອງການພາຍໃນເມືອງສາມັກຄີໄຊ ແຂວງອັດຕະປື ຈັດຊຸດເຝິກອົບຮົມກ່ຽວກັບວຽກງານຄຸ້ມຄອງບໍລິຫານບ້ານ ແລະ ວຽກງານການຈົດທະບຽນພົນລະເມືອງໃຫ້ແກ່ອຳນາດການປົກຄອງບ້ານລະຍາວເໜືອ ຊຸດເຝິກອົບຮົມຄັ້ງນີ້ຈັດຂື້ນລະຫວ່າງວັນທີ 7–9 ສິງຫາ 2019 ທີ່ຫ້ອງການບ້ານ ໂດຍການເຂົ້າຮ່ວມຂອງ ທ່ານ ນາງ ພຸດມະໄລພອນ ແກ້ວວົງສາ ຄະນະປະຈຳພັກເມືອງ ຮອງເຈົ້າເມືອງສາມັກຄີໄຊ ທ່ານ ນາງ ສຸລິກົງ ສີຊານົນ ກຳມະການພັກເມືອງ ຫົວໜ້າຫ້ອງການພາຍໃນເມືອງ ມີພະນັກງານຫັນລົງກໍ່ສ້າງຮາກຖານການເມືອງ ບັນດາທ່ານຂະແໜງການທິ່ກ່ຽວຂ້ອງທີ່ມາຈາກພະແນກພາຍໃນແຂວງ ພ້ອມດ້ວຍຄະນະພັກອຳນາດການປົກຄອງບ້ານ ຕະຫຼອດຮອດພະນັກງານຊ່ວຍວຽກຂັ້ນບ້ານເຂົ້າຮ່ວມ.

ການເຝິກອົບຮົມໃນຄັ້ງນີ້ ບັນດານັກສຳມະນາກອນຈະໄດ້ຮຽນຮູ້ລະບຽບຫຼັກການໃນການຈັດຕັ້ງປະຕິບັດໜ້າທີ່ວຽກງານຂອງອຳ ນາດການປົກຄອງບ້ານ ແລະ ບັນດາ 5 ໜ່ວຍງານທິ່ເຮັດວຽກຂັ້ນຮາກຖານບ້ານ ແລະ ບັນດາເອກະສານທີ່ສຳຄັນອື່ນໆ ເປັນຕົ້ນແມ່ນຂໍ້ຕົກລົງວ່າດ້ວຍການຈັດຕັ້ງ ແລະ ການເຄຶ່ອນໄຫວຂອງອົງການປົກຄອງບ້ານ ຂໍ້ຕົກລົງວ່າດ້ວຍການປະຕິບັດພັນທະ ແລະ ການປະກອບສ່ວນຂອງປະຊາຊົນໃນການພັດທະນາບ້ານ ຂໍ້ຕົກລົງກ່ຽວກັບການເກັບເງີນປະກອບສ່ວນພັດທະນາບ້ານຂອງປະຊາ ຊົນ ຂໍ້ຕົກລົງວ່າດ້ວຍການອອກເອກະສານທາງການຂອງອົງການປົກຄອງບ້ານ ຄຳແນະນຳກ່ຽວກັບການສ້າງຕັ້ງ ຍຸບເລິກ ໂຮມເຂົ້າ ແຍກອອກ ແລະ ປ່ຽນຊຶ່ບ້ານ ຄຳແນະນຳກ່ຽວກັບການສ້າງກົດລະບຽບບ້ານ ແລະ ຂໍ້ຕົກລົງວ່າດ້ວຍມາດຕະຖານບ້ານໜັກແໜ້ນ-ເຂັ້ມແຂງ.

ທັ້ງນິ້ ກໍເພຶ່ອເປັນການຍົກລະດັບຄວາມຮູ້ຄວາມເຂົ້າໃຈໃຫ້ກັບອຳນາດການປົກຄອງບ້ານລະຍາວເໜືອ ເມືອງສາມັກຄີໄຊ ແຂວງອັດຕະປື ກຳໄດ້ເຖິງຫຼັກການ ລະບຽບການ ພາລະບົດບາດ ສິດ ແລະ ໜ້າທີ່ຂອງຕົນ ເພື່ອໃຫ້ການຈັດຕັ້ງປະຕິບັດໜ້າທີ່ວຽກງານມີຄວາມຖືກຕ້ອງສອດຄ່ອງຕາມຂໍ້ກຳນົດ ກົດລະບຽບ ແນໃສ່ປົກປ້ອງສິດ ແລະ ຜົນປະໂຫຍດອັນຊອບທຳຂອງປະຊາຊົນລາວບັນ ດາເຜົ່າ ຮັບປະກັນຄວາມສະຫົງບຄວາມເປັນລະບຽບຮຽບຮ້ອຍຂອງສັງຄົມ ເພື່ອພ້ອມກັນນຳພາບ້ານຂອງຕົນສູ້ຫົວໜ່ວຍການພັດທະນາແບບຍື່ນຍົງຮອບດ້ານ ສ້າງບ້ານໃຫຍ່ໃຫ້ກາຍເປັນຕົວເມືອງນ້ອຍໃນອະນາຄົດຢ່າງແທ້ຈິງ.

 

 

ໂດຍ: ສຸຫັດ ນຽມທິສອນ (ເມືອງສາມັກຄີໄຊ ແຂວງອັດຕະປື)

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.