ຝຣັ່ງເດີນໜ້າເກັບພາສີບໍລິສັດດິຈິຕອລຍັກໃຫຍ່ຂອງອາເມຣິກາ

0
163

ລັດຖະບານຝຣັ່ງລົງມະຕິເຫັນດີກ່ຽວກັບກົດໝາຍເກັບພາສີບໍລິສັດດິຈິຕອລຂອງອາເມຣິກາຊຶ່ງປະກອບມີ ແອັບເປິລ ເຟສບຸ໊ກ ກູເກິລ ແລະ ແອມະຊອນ ກົດໝາຍດັ່ງກ່າວຈະເກັບພາສີ 30% ຈາກລາຍໄດ້ທີ່ບໍລິສັດດັ່ງກ່າວໄດ້ຮັບຈາກການໃຫ້ບໍລິການລູກຄ້າໃນປະເທດຝຣັ່ງ.

ທັງນີ້ ກົດໝາຍດັ່ງກ່າວທີ່ເອີ້ນຊື່ຫຍໍ້ວ່າ GAFA ທີ່ມາຈາກອັກສອນຂຶ້ນຕົ້ນຂອງບັນດາບໍລິສັດຍັກໃຫຍ່ໃນອາເມຣິກາຄື Google Apple Facebook ແລະ Amazon ໂດຍຜ່ານການເຫັນດີຂອງສະພາຜູ້ແທນຣາຊະດອນຂອງຝຣັ່ງນັບແຕ່ຕົ້ນເດືອນກໍລະກົດຜ່ານມາ ແລະ ຜ່ານການລົງມະຕິສຽງສ່ວນຫຼາຍຂອງວຸດທິສະພາ ເຖິງແມ່ນວ່າກ່ອນການລົງມະຕິ ຜູ້ນຳອາເມຣິກາຈະສະແດງຄວາມບໍ່ພໍໃຈຕໍ່ກໍລະນີດັ່ງກ່າວໂດຍໄດ້ສັ່ງການໃຫ້ສອບສວນຕາມມາດຕາ 301 ຊຶ່ງເຄີຍເປັນເຄື່ອງມືທີ່ຜູ້ນຳອາເມຣິກາໃຊ້ໃນສົງ ຄາມການຄ້າກັບ ສປ ຈີນ ມາແລ້ວເພື່ອຫາຄວາມເປັນທຳໃນການຈັດເກັບພາສີເພື່ອຕອບໂຕ້ວິທີການທຳການຄ້າທີ່ບໍ່ຍຸຕິທຳ.

ການຜ່ານກົດໝາຍດັ່ງກ່າວຂອງຝຣັ່ງເກີດຂຶ້ນໃກ້ຄຽງກັບທີ່ອັງກິດເປີດເຜີຍຮ່າງກົດໝາຍທີ່ຈະຈັດເກັບພາສີບັນດາບໍລິສັດດິຈິ ຕອລຍັກໃຫຍ່ ຊຶ່ງລັດຖະບານອັງກິດລະບຸວ່າ ອັດຕາຈະຢູ່ທີ່ 2,0% ຂະນະທີ່ບໍລິສັດກູເກິລ ແອັບເປິລ ແລະ ເຟສບຸ໊ກ ຊຶ່ງມີສຳ ນັກງານໃຫຍ່ຕັ້ງຢູ່ໃນເອີຣົບ (ປະເທດໄອແລນ) ຊຶ່ງເຮັດໃຫ້ບໍລິສັດຈາກອາເມຣິກາຈ່າຍພາສີລາຍໄດ້ນິຕິບຸກຄົນໃນອັດຕາຕ່ຳທີ່ສຸດໃນ EU ທັງທີ່ສ້າງລາຍໄດ້ມະຫາສານຈາກການໃຫ້ບໍລິການໃນອັງກິດ ຝຣັ່ງ ແລະ ເຢຍລະມັນ ສ່ວນບໍລິສັດແອມະຊອນຊຶ່ງມີສຳນັກ ງານໃຫຍ່ປະຈຳເອີຣົົບຢູ່ໃນລັກຊຳເບີຣກກໍເກັບພາສີໃນອັດຕາຕ່ຳເຊັ່ນກັນ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: thaipost

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.