ຜົນສຳຫຼວດເຜີຍ ເດັກອາເມຣິກາຝັນເປັນຢູທູບເບີຣຫຼາຍກວ່ານັກບິນອະວະກາດ

0
138

ເມື່ອປະມານ 50 ປີຜ່ານມາ ທີມນັກບິນອະວະກາດຊາວອາເມຣິກາໄດ້ສ້າງປະຫວັດສາດໃນການຢຽບດວງຈັນເປັນຄັ້ງທຳອິດຂອງມະນຸດ “ຊຶ່ງກ້າວນ້ອຍໆຂອງມະນຸດຄົນໜຶ່ງ ແຕ່ເປັນກ້າວທີ່ຍິ່ງໃຫຍ່ຂອງມວນຊະນຸດຊາດ” ນີ້ແມ່ນຄຳເວົ້າຂອງ ນິລ ອາຣມສະຕອງ ອັນໄດ້ສົ່ງຜົນໃຫ້ ອາຣມສະຕອງ ກາຍເປັນຕົ້ນແບບທີ່ສ້າງແຮງບັນດານໃຈໃນການເປັນນັກບິນອະວະກາດ ແລະ ເຕີມເຕັມຈິນຕະນາການໃນການຜະຈົນໄພໃນອະວະກາດໃຫ້ເກັບບັນເດັກນ້ອຍໃນທົ່ວໂລກ.

ຜ່ານມາຈົນເຖິງຍຸກປັດຈຸບັນ ເຖິງແມ່ນວ່າຫຼາຍປະເທດໃນຂະນະນີ້ກຳລັງພະຍາຍາມແຂ່ງຂັນໃນພາລະກິດສົ່ງມະນຸດໄປຍັງດວງຈັນອີກຄັ້ງ ແຕ່ຜົນສຳຫຼວດຫຼ້າສຸດຈາກສຳນັກສຳຫຼວດ (The Harris) ຮ່ວມກັບບໍລິສັດຜູ້ຜະລິດຂອງຫຼິ້ນ Lego ຂອງດານມາກພົບວ່າ ໃນອາເມຣິກາ ແລະ ອັງກິດມີທ່າອຽງທີ່ຢາກເປັນ YouTubers ແລະ vloggers ຫຼາຍກວ່ານັກບິນອະວະກາດເກືອບ 3 ເທົ່າ ໂດຍຜົນສຳຫຼວດນີ້ໄດ້ເຮັດການສຳຫຼວດເດັກນ້ອຍໃນປະເທດອາເມຣິກາ ອັງກິດ ແລະ ສປ ຈີນ ທີ່ມີອາຍຸແຕ່ 8-12 ປີຈຳນວນ 3.000 ຄົນພົບວ່າ 86% ຂອງເດັກທັງສາມປະເທດທີ່ຕອບແບບທົດສອງຄຳຖາມລະບຸວ່າ ສົນໃຈໃນການສຳຫຼວດອະວະກາດ ແລະ 90% ຂອງເຂົາເຈົ້າຕ້ອງການຮຽນຮູ້ເລື່ອງລາວກ່ຽວກັບອະວະກາດເພີ່ມເຕີມ.

ທັງນີ້ ໃນແບບສອບຖາມເດັກນ້ອຍທັງ 3 ປະເທດສາມາດລະບຸໄດ້ວ່າ ນິລ ອາຣມ ສະຕອງ ຄືມະນຸດຄົນທຳອິດທີ່ຢຽບດວງຈັນເຖິງ 85% ມີພຽງ 2% ເທົ່ານັ້ນທີ່ບອກວ່າ ບັຊ ໄລເຢຍ ຄືຄົນທຳອິດທີ່ຢຽບດວງຈັນ ເມື່ອຜົນສຳຫຼວດສອບຖາມເດັກນ້ອຍວ່າ ໃຫຍ່ຂຶ້ນຢາກເຮັດວຽກດ້ານໃດຫຼາຍທີ່ສຸດ ໂດຍໂຕເລືອກອາຊີບທີ່ເດັກນ້ອຍໃຫ້ຄວາມສົນໃຈປະກອບມີ ຢູທູບເບີຣ ຄູ ນັກກີລາອາຊີບ ນັກດົນຕີ ແລະ ນັກບິນອະວະກາດພົບວ່າ ເດັກນ້ອຍໃນຈີນປະມານ 56% ລະບຸວ່າ ໃຫຍ່ຂຶ້ນຢາກເປັນນັກບິນອະວະກາດ ຄູ ນັກດົນຕີ ນັກກີລາ ແລະ ຢູທູບເບີຣ ຢູ່ທີ່ 18% ຂະນະທີ່ເດັກໃນອາເມຣິກາ ແລະ ອັງກິດປະມານ 30% ລະບຸວ່າ ຢາກເປັນຢູທູບເບີຣຫຼາຍກວ່າ ມີພຽງ 11% ເທົ່ານັ້ນທີ່ຢາກເປັນນັກບິນອະວະກາດ.

ຢ່າງໃດກໍຕາມ ເດັກນ້ອຍໃນຈີນປະມານ 97% ອາເມຣິກາ 88% ແລະ ໃນອັງກິດ 87% ເຊື່ອວ່າຈະໄດ້ເຫັນມວນມະນຸດເດີນ ທາງໄປຢຽບດວງຈັນໃນອະນາຄົດ ໂດຍເດັກນ້ອຍໃນຈີນປະມານ 1 ໃນ 4 ຫຼື 24% ເຊື່ອວ່າມະນຸດສາມາດໄປຢຽບດວງຈັນໄດ້ໃນອີກບໍ່ເກີນ 2 ປີຂ້າງໜ້າ ແລະ ເດັກໃນຈີນເຖິງ 2 ໃນ 4 ເຊື່ອວ່າມະນຸດຈະສາມາດໃຊ້ຊີວິດຢູ່ເທິງດາວອັງຄານ ຫຼື ດາວເຄາະດວງອື່ນໆໄດ້.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.