ຜົນວິໄຈຈາກອະນາໄມໂລກລະບຸ ປະຊາກອນໂລກຂ້າໂຕຕາຍທຸກໆ 40 ວິນາທີ

0
98

ລາຍງານຂອງອົງການອະນານາໄມໂລກ ຫຼື WHO ໄດ້ອອກມາເຕືອນວ່າ ໃນແຕ່ລະປີມີຄົນຂ້າໂຕຕາຍເກືອບ 8 ແສນຄົນ ຫຼື ສະເລ່ຍທຸກໆ 40 ວິນາທີ ຊຶ່ງເປັນຈຳນວນທີ່ຫຼາຍ ກວ່າຄົນເສຍຊີວິດໃນສົງຄາມ ແລະ ການຄາຕະກຳ ຫຼື ພະຍາດມະເຮັງເຕົ້ານົມ ຊຶ່ງລັດ ຖະບານທົ່ວໂລກຄວນມີມາດຕະການປ້ອງກັນທີ່ເຂັ້ມງວດກວ່ານີ້.

ອົງການອະນາໄມໂລກກ່າວວ່າ ອັດຕາການຂ້າໂຕຕາຍທົ່ວໂລກຫຼຸດລົງມາໃນຊ່ວງລະຫວ່າງປີ 2010-2016 ແຕ່ຈຳນວນຄົນທີ່ຂ້າໂຕຕາຍຍັງຄົງເໝືອນເດີມ ເພາະວ່າປະຊາກອນໂລກມີຈຳນວນເພີ່ມຂຶ້ນ ພ້ອມນີ້ WHO ໄດ້ກ່າວວ່າ ເຖິງແມ່ນຈະມີການພັດທະ ນາທີ່ດີຂຶ້ນແຕ່ກໍຍັງມີຄົນເສຍຊີວິດຍ້ອນການຂ້າໂຕຕາຍໃນທຸກໆ 40 ວິນາທີ.

ຢ່າງໃດກໍຕາມ ອັດຕາການຂ້າໂຕຕາຍທົ່ວໂລກໃນປີ 2016 ຊຶ່ງເປັນປີຫຼ້າສຸດທີ່ສາມາດລວບລວມຂໍ້ມູນໄດ້ໂດຍໂຕເລກຢູ່ທີ່ 10,5 ຄົນຕໍ່ປະຊາກອນ 100.000 ຄົນ ຂະນະທີ່ໃນແຕ່ລະປະເທດອັດຕາການຂ້າໂຕຕາຍກໍແຕກຕ່າງກັນ ບາງປະເທດຢູ່ທີ່ 5 ຄົນຕໍ່ 100.000 ຄົນ ສ່ວນປະເທດທີ່ມີອັດຕາຂ້າໂຕຕາຍຕໍ່ປະຊາກອນຫຼາຍທີ່ກໍຄື ກາຍອານາ (ໃນທະວີບອາເມຣິກາໃຕ້) ມີຄົນຂ້າໂຕຕາຍ 30 ຄົນຕໍ່ປະຊາກອນ 100.000 ຄົນ.

ທັງນີ້ ອັດຕາທີ່ຫຼຸດລົງໃນພາບລວມເປັນຜົນສະທ້ອນຂອງເຫດຜົນທີ່ວ່າ ມີ 38 ປະເທດທີ່ນຳໃຊ້ຍຸດທະສາດປ້ອງກັນການຂ້າໂຕຕາຍເພື່ອຊ່ວຍເຫຼືອປະຊາຊົນໃນການຮັບມືກັບຄວາມຄຽດ ແລະ ຫຼຸດການເຂົ້າເຖິງຊ່ອງທາງທີ່ຈະນຳໄປສູ່ການຂ້າໂຕຕາຍ ດັ່ງນັ້ນ ປະເທດອື່ນໆທົ່ວໂລກກໍຄວນນຳໃຊ້ມາດຕະການປ້ອງກັນວິທີດຽວກັນ.

“ການຂ້າໂຕຕາຍປ້ອງສາມາດປ້ອງກັນ” ຊຶ່ງຜູ້ອຳນວຍການຂອງ WHO ກໍໄດ້ຮຽກຮ້ອງໃຫ້ທຸກປະເທດນຳໃຊ້ຍຸດທະສາດປ້ອງກັນການຂ້າໂຕຕາຍທີ່ຜ່ານການທົດສອບແລ້ວບັນຈຸໄວ້ໃນໂຄງການດ້ານການສຶກສາ ແລະ ສາທາລະນະສຸກແບບຍືນຍົງ.

 

 

 

ຮຽບຮຽງ: ພ.ສະຫວັນ

ຮູບພາບ: thaipost

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.