ຜູ້ປ່ວຍໄຂ້ເລືອດອອກ (ເດັງກີ) ໃນມາເລເຊຍເພີ່ມສູງເປັນປະຫວັດສາດ

0
58

ຈຳນວນຜູ້ຕິດເຊື້ອໄວຣັສໄຂ້ເລືອດອອກເດັງກີໃນມາເລເຊຍໃນ 2019 ເພີ່ມສູງຂຶ້ນເປັນປະຫວັດການ ໃນນັ້ນ ເສຍຊີວິດແລ້ວ 113 ລາຍ ແລະ ມີທ່າອຽງວ່າຈະເພີ່ມສູງຂຶ້ນເລື້ອຍໆ.

ສຳນັກຂ່າວຕ່າງປະເທດລາຍງານຈາກນະຄອນກົວລາລຳເປີ ປະເທດມາເລເຊຍໃນວັນທີ 12 ສິງຫາວ່າ ກະຊວງສາທາລະນະສຸກຂອງມາເລເຊຍເປີດເຜີຍສະຖິຕິຜູ້ປ່ວຍຈາກພະຍາດໄຂ້ເລືອດອອກເດັງກີນັບແຕ່ວັນທີ 1 ມັງກອນຫາວັນທີ 3 ສິງຫາມີເກືອບ 800.000 ຄົນ ຖືເປັນສະຖິຕິທີ່ສູງທີ່ສຸດເທົ່າທີ່ເຄີຍມີມາ ຊຶ່ງເມື່ອທຽບກັບສະຖານະການແຜ່ລະບາດຮຸນແຮງໃນຄັ້ງກ່ອນ (ເມື່ອປີ 2015) ພົບວ່າ ຕະຫຼອດປີນັ້ນມີລາຍງານຈຳນວນຜູ້ຕິດເຊື້ອຢ່າງເປັນທາງການຢູ່ທີ່ 120.836 ຄົນ ໃນນັ້ນ ເສຍຊີວິດ 336 ລາຍ.

ທັງນີ້ ກະຊວງສາທາລະນະສຸກປະກາດຕື່ມວ່າ ພື້ນທີ່ສີແດງທີ່ໝາຍເຖິງການແຜ່ລະບາດຢ່າງຮຸນແຮງ 251 ແຫ່ງໃນ 9 ລັດ ແລະ ພື້ນທີ່ສ່ຽງສ່ວນໃຫຍ່ເປັນອາພາດເມັນ ແລະ ຊຸມຊົນແອອັດ ໃນນັ້ນ ປະກອບມີລັດສະລັງງໍຣ ນະຄອນກົວລາລຳເປີ ລັດຍະໂຮຣ ລັດກລັນຕັນ ລັດຊາບາ ລັດປີນັງ ລັດຊາຣາວັກ ລັດເນກຣີເຊມບີລັນ ແລະ ລັດປະຫັງ ພ້ອມນີ້ ກໍມີການປະເມີນວ່າ ຖ້າຫາກໜ່ວຍງານທຸກແຫ່ງທີ່ກ່ຽວຂ້ອງ ແລະ ພາກປະຊາຊົນຍັງຂາດ ການຈັດການ ແລະ ຄວາມຮ່ວມມືກັນຢ່າງຈິງຈັງໃນການຄວບຄຸມສະຖາ ນະການ ກໍອາດສົ່ງຜົນໃຫ້ຈຳນວນຜູ້ປ່ວຍພະຍາດໄຂ້ເລືອດອອກເດັງກີເພີ່ມຂຶ້ນຫຼາຍກວ່າ 150.000 ຄົນພາຍໃນທ້າຍປີ 2019 ນີ້.

ສຳລັບການລາຍງານສະຖານະການຂອງການແຜ່ລະບາດຂອງໄຂ້ເລືອດອອກເດັງກີໃນມາເລເຊຍຊຶ່ງເປັນພະຍາດລະບາດໃນເຂດ ຮ້ອນທີ່ມີຍຸງລາຍເປັນພາຫະເກີດຂຶ້ນ 1 ອາທິດຫຼັງຈາກທີ່ກະຊວງສາທາລະນະສຸກຂອງຟີລິບປິນປະກາດໃກ້ການແຜ່ລະບາດຂອງພະຍາດໄວຣັສເດັງກີ ຫຼື ໄຂ້ເລືອດອອກເດັງກີເປັນ “ພາວະສຸກເສີນດ້ານສາທາລະນະສຸກລະດັບປະເທດ”.

 

 

 

ຮຽບຮຽງ: ພ.ສະຫວັນ

ຮູບພາບ: dailynews

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.