ຜູ້ນຳອາຊຽນຮ່ວມໃຈຄ້ານອາເມຣິກາ.. ກໍລະນີສົ່ງທີ່ປຶກສາຝ່າຍຄວາມໝັ້ນຄົງມາປະຊຸມ

0
516

ສຳນັກຂ່າວຕ່າງປະເທດລາຍງານໃນວັນທີ 4 ພະຈິກ 2019 ວ່າ: ຫຼັງຈາກປະທານາທິບໍດີ ໂດນັລ ທຣັມ ໄດ້ສົ່ງ ທ່ານ ໂຣເບີດ ຊີ ໂອ ໄບຣອັນ ທີ່ປຶກສາຝ່າຍຄວາມໝັ້ນຄົງແຫ່ງຊາດຂອງອາເມຣິກາມາເປັນຜູ້ແທນພິເສດໃນການເຂົ້າຮ່ວມປະຊຸມສຸດຍອດອາຊຽນຄັ້ງທີ 35 (ASEAN Summit) ທີ່ຈັດຂຶ້ນໃນລະຫວ່າງວັນທີ 2-4 ພະຈິກ 2019 ທີ່ປະເທດໄທ.

ໂດຍຜູ້ນຳອາຊຽນທີ່ຈະເຂົ້າຮ່ວມປະຊຸມມີພຽງ 3 ທ່ານຄື: ພົນເອກ ປຣະຢຸດ ຈັນໂອຊາ ນາຍົກລັດຖະມົນຕີແຫ່ງຣາຊະອານາຈັກໄທໃນຖານະປະທານອາຊຽນຄົນປັດຈຸບັນ, ທ່ານ ຫວຽນ ຊວນ ຟຸກ ນາຍົກລັດຖະມົນຕີແຫ່ງ ສສ ຫວຽດນາມ ໃນຖານະປະທານອາຊຽນໃນອະນາຄົດ ແລະ ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໃນຖານະປະເທດຜູ້ປະສານງານອາຊຽນ-ອາ ເມຣິກາ. ຂະນະທີ່ຜູ້ນຳປະເທດອື່ນໆຈະເຂົ້າຮ່ວມປະຊຸມ ຫຼື ບໍ່ກໍຂຶ້ນຢູ່ກັບຄວາມສະໝັກໃຈ ຫຼື ອາດຈະມີການສົ່ງຜູ້ແທນໃນລະດັບອື່ນເຂົ້າຮ່ວມປະຊຊຸມ.

ລາຍງານຂ່າວດຽວກັນຍັງລະບຸອີກວ່າ: ໃນສ່ວນຂອງອາຊຽນອີກ 7 ປະເທດໜ້າຈະເປັນລັດຖະມົນຕີວ່າການກະຊວງການຕ່າງປະເທດເຂົ້າຮ່ວມຫາລືແທນ.

ຮຽບຮຽງ: ເພັງສະຫວັນ

ຮູບພາບ: matichon

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.