ຜູ້ນຳຈີນພ້ອມໃຫ້ການຊ່ວຍເຫຼືອ ແລະ ສະໜັບສະໜູນຜູ້ນຳຮົງກົງ

0
1004

ໄຊນ່າເດລີລາຍງານເມື່ອວັນທີ 4 ພະຈິກຜ່ານມາວ່າ: ທ່ານ ສີ ຈິ້ນຜິງ ປະທານາທິບໍດີ ສປ ຈີນ ໄດ້ພົບກັບ ທ່ານ ນາງ ແຄຣີ ແລມ ຫົວໜ້າຜູ້ບໍລິຫານເຂດປົກຄອງພິເສດຮົງກົງໃນງານ China International Import Expo ຊຶ່ງຈັດຂຶ້ນເປັນຄັ້ງທີ 2 ທີ່ນະ ຄອນຫຼວງຊຽງໄຮ້.

ຫຼັງຈາກໄດ້ຮັບຟັງລາຍງານກ່ຽວກັບສະຖານະການຫຼ້າສຸດໃນຮົງກົງ, ທ່ານ ສີ ຈິ້ນຜິງ ກໍໄດ້ກ່າວວ່າ: ແຄຣີ ແລມ ໄດ້ໃຊ້ຄວາມພະຍາ ຍາມຢ່າງເຕັມທີ່, ພະຍາຍາມຮັກສາຄວາມສະຫງົບ ແລະ ຢັບຢັ້ງສະຖານະການ, ທັງປັບປຸງບັນຍາກາດທາງສັງຄົມໃຫ້ດີຂຶ້ນ. ພ້ອມນີ້ ຜູ້ນຳຈີນກໍໄດ້ກ່າວອີກວ່າ: ຄະນະລັດຖະບານແຜ່ນດິນໃຫຍ່ມີຄວາມໄວ້ວາງໃຈໃນຕົວຜູ້ນຳຮົງກົງ ແລະ ຍອມຮັບຢ່າງເຕັມທີ່ເຖິງການເຮັດວຽກຕະຫຼອດເຖິງການຕັດສິນໃຈຕ່າງໆຂອງທ່ານນາງ ແລະ ຄະນະບໍລິຫານ.

ການຍຸຕິຄວາມຮຸນແຮງ ແລະ ຄວາມວຸ້ນວາຍທີ່ສ້າງຄວາມບໍ່ສະຫງົບຍັງຄົງເປັນພາລະກິດທີ່ສຳຄັນທີ່ສຸດຂອງຮົງກົງໃນປັດຈຸບັນ. ທ່ານ ສີ ຍັງຮຽກຮ້ອງຄວາມພະຍາຍາມທີ່ຈິງຈັງໃນການຍຸຕິຄວາມຮຸນແຮງ ແລະ ລົງໂທດຜູ້ກະທຳຜິດຕາມກົດໝາຍເພື່ອປົກປ້ອງຄວາມເປັນຢູ່ທີ່ດີຂອງປະຊາຊົນທົ່ວໄປໃນຮົງກົງ.

ຂະນະດຽວກັນ ລັດຖະບານຄວນພະຍາຍາມເຮັດວຽກຢ່າງມີປະສິດທິພາບ, ລວມເຖິງການເຈລະຈາກັບທຸກພາກສ່ວນຂອງສັງຄົມເພື່ອປັບປຸງຄວາມເປັນຢູ່ ແລະ ຄຸນນະພາບຊວິດຂອງຊາວຮົງກົງ. ພ້ອມນີ້ ທ່ານ ສີ ຍັງສະແດງຄວາມຫວັງວ່າຜູ້ຄົນທຸກເພດທຸກໄວໃນຮົງກົງປະຕິບັດຕາມຫຼັກການຂອງ “ໜຶ່ງປະເທດສອງລະບົບ” ແລະ ກົດໝາຍພື້ນຖານຂອງເຂດປົກຄອງພິເສດຮົງກົງຢ່າງຊື່ສັດ, ພະຍາຍາມຮັກສາຄວາມຈະເລີນຮຸ່ງເຮືອງ ແລະ ຄວາມໝັ້ນຄົງຂອງຮົງກົງ.

ຮຽບຮຽງ: ເພັງສະຫວັນ

ຮູບພາບ: mgronline

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.