ປີ 2025 ຄົນຈີນຈະໃຊ້ລະບົບ 5ຈີ ກວມ 1 ສ່ວນ 3 ຂອງໂລກ

0
23

ສຳນັກຂ່າວຊິນຮວາລາຍງານເມື່ອວັນທີ 5 ພະຈິກຜ່ານມວ່າ: ໃນກອງປະຊຸມເວທີປຶກສາຫາລືການປະຕິຮູບ ແລະ ການພັດທະນາຂອງວິສາຫະກິດຈີນຄັ້ງທີ 3 ຊຶ່ງຈັດຂຶ້ນຢູ່ເມືອງຈີນານ ແຂວງຊານຕຸງເມື່ອຕົ້ນເດືອນຜ່ານມາ ໂດຍ ສປ ຈີນ ໄດ້ປະກາດໃຊ້ເຕັກນິກ 5ຈີ (5G) ຢ່າງສົມບູນ.

ໂດຍນັກວິຊາການໄດ້ກ່າວວ່າ: ຄວາມໄວຂອງການພັດທະນາລະບົບເຄືອຂ່າຍ 5ຈີ ແມ່ນກ້າວໜ້າ ແລະ ໄວກວ່າການພັທດະນາເຕັກນິກລະບົບ 4ຈີ, ຊຶ່ງສອດຄ່ອງກັບຄວາມຕ້ອງການດ້ານລະບົບເຕັກນິກທີ່ກຳລັງຂະຫຍາຍຕົວຢ່າງຕໍ່ເນື່ອງໃນປັດຈຸບັນ. ການນຳໃຊ້ເຕັກນິກ 5ຈີ ໃນທາງທຸລະກິດແມ່ນພວມໄດ້ຮັບຄວາມນິຍົມໃນວົງກວ້າງຢູ່ໃນ ສປ ຈີນ.

ໂອກາດດຽວກັນ, ທ່ານ ຈ້າວ ຕ້າຊຸນ ຮອງຜູ້ອຳນວຍການໃຫຍ່ກຸ່ມບໍລິສັດໄຊນ່າໂມບາຍໄດ້ກ່າວວ່າ: ນັບຈາກນີ້ອີກ 6 ປີ ຫຼື ປະມານປີ 2025 ທົ່ວໂລກຈະມີ 409 ບໍລິສັດທີ່ເຮັດທຸລະກິດກ່ຽວກັບເຄືອຂ່າຍ 5ຈີ ຢູ່ພາຍໃນ 117 ປະເທດ ເທົ່າກັບວ່າ ທົ່ວໂລກຈະມີລູກຄ້າທີ່ນຳໃຊ້ເຕັກນິກໃນລະບົບ 5ຈີ ທະລຸ 1 ຕື້ 600 ລ້ານຄົນ, ໃນນັ້ນ ຊາວຈີນຈະກວມເຖິງ 1 ໃນ 3 ຂອງຈຳນວນທັງໝົດ.

ຮຽບຮຽງ: ເພັງສະຫວັນ

ຮູບພາບ: thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.