ປີ 2020 ລັດຈະສູ້ຊົນເຮັດໃຫ້ຂະແໜງກະສິກຳ ແລະ ປ່າໄມ້ ຂະຫຍາຍຕົວໃນລະດັບ 2,7%

0
770

ປີ 2019 ຖືວ່າເປັນປີໜຶ່ງທີ່ແຫ້ງແລ້ງໃນຮອບຫຼາຍສິບປີ ແລະ ເຫັນໄດ້ວ່າປະລິມານນໍ້າທີ່ໄຫຼເຂົ້າອ່າງກັກເກັບນໍ້າໄດ້ພຽງ 60% ຂອງບັນດາເຂື່ອນໄຟຟ້າເຂດພາກເໜືອ. ດັ່ງນັ້ນ ກະຊວງພະລັງງານ ແລະ ບໍ່ແຮ່ ຈຶ່ງໄດ້ມີການປະສານສົມທົບກັບບັນດາແຫຼ່ງຜະ ລິດພະລັງງານໄຟຟ້າຢ່າງເປັນລະບົບ ແລະ ມີມາດຕະການທີ່ຊັດເຈນເພື່ອຮັບປະກັນໃນການຈັດຕັ້ງປະຕິບັດຕາມແຜນການຜະລິດພະລັງງານໄຟຟ້າໃນປີ 2020 ໃຫ້ໄດ້ 44.148 ລ້ານກີໂລວັດໂມງ ລວມມູນຄ່າປະມານ 22.812 ຕື້ກີບ.

ທ່ານ ຄຳມະນີ ອິນທີລາດ ລັດຖະມົນຕີກະຊວງພະລັງງານ ແລະ ບໍ່ແຮ່ໄດ້ລາຍງານໃນວາລະການດໍາເນີນກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ VIII ໃນວັນທີ 15 ພະຈິກ 2019 ວ່າ: ເພື່ອຮັບປະກັນການສະໜອງໄຟຟ້າຮັບໃຊ້ທັງພາຍໃນ ແລະ ສົ່ງອອກໃຫ້ບັນລຸຕາມແຜນການທີ່ວາງໄວ້ແມ່ນຈະໄດ້ສືບຕໍ່ສຸມໃສ່ຕິດຕາມ, ກວດກາ ແລະ ວາງແຜນການຜະລິດພະລັງງານໄຟຟ້າຂອງແຕ່ລະແຫຼ່ງຜະລິດໃຫ້ປະຕິບັດຕາມແຜນການຜະລິດ, ພ້ອມທັງຊຸກຍູ້ໃຫ້ມີການວາງແຜນການຜະລິດໃຫ້ມີປະສິດທິຜົນສູງ ໂດຍການຄວບຄຸມແຫຼ່ງຜະລິດພະລັງໄຟຟ້າຈາກເຂື່ອນທີ່ມີອ່າງເກັບນໍ້າ, ເຂື່ອນຝາຍນໍ້າລົ້ນ ແລະ ໄຟຟ້າແສງຕາ ເວັນ. ບັນດາເຂື່ອນໄຟຟ້າເຂດພາກເໜືອທີ່ສາມາດຜະລິດໄດ້ 60% ປະກອບມີໂຄງການນໍ້າທາ 1, ໂຄງການເຂື່ອນໄຟຟ້ານໍ້າອູໄລຍະ 1, ເຂື່ອນໄຟຟ້ານໍ້າງື່ມ 2 ແລະ ເຂື່ອນໄຟຟ້ານໍ້າເທີນຫີນບູນ. ພ້ອມດຽວກັນນີ້ກໍຍັງມີໂຄງການທີ່ຄາດວ່າຈະສາມາດຜະລິດໄດ້ຕາມແຜນມີທັງໝົດ 59 ໂຄງການ ແລະ ຄາດວ່າຈະຜະລິດໄດ້ປະມານ 33.658 ລ້ານກີໂລວັດໂມງຕໍ່ປີ.

ນອກຈາກນີ້, ກໍຍັງມີໂຄງການທີ່ຈະສໍາເລັດໃນທ້າຍປີ 2019 ອີກ 4 ໂຄງການຄື: ເຂື່ອນໄຟຟ້ານໍ້າຂອງໄຊຍະບູລີ, ເຂື່ອນນໍ້າງຽບ 1, ເຂື່ອນໄຟຟ້າດອນສະໂຮງ ແລະ ເຂື່ອນໄຟຟ້າເຊປຽນ-ເຊນໍ້ານ້ອຍ ຊຶ່ງທັງ​​​ 4 ເຂື່ອນນີ້ສາມາດຜະລິດກະແສໄຟຟ້າໄດ້ 12.294 ລ້ານກີໂລວັດໂມງຕໍ່ປີ. ມາດຮອດປັດຈຸບັນ ສປປ ລາວ ມີແຫຼ່ງຜະລິດພະລັງງານໄຟຟ້າ 71 ແຫ່ງ ແລະ ມີກຳລັງຕິດຕັ້ງທັງໝົດ 9.700 ເມກາວັດ.

 

ໂດຍ: ດອກຕາເວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.