spot_img
Homeຂ່າວການພັດທະນາປີ 2017 ລາວ​ມີ​ແຜນ​ສ້າງ​ກັນ​ຕາ​ຝັ່ງ​ເຈື່ອນ 4 ຈຸດ ຍາວ 3 ພັນ​ກວ່າ​ແມັດ

ປີ 2017 ລາວ​ມີ​ແຜນ​ສ້າງ​ກັນ​ຕາ​ຝັ່ງ​ເຈື່ອນ 4 ຈຸດ ຍາວ 3 ພັນ​ກວ່າ​ແມັດ

Published on

ກະຊວງ​ໂຍທາ​ທິການ ​ແລະ ຂົນ​ສົ່ງ ​ໃຫ້​ຮູ້​ວ່າ: ​ໃນ​ປີ 2017 ນີ້, ຂະ​ແໜງການຂອງ​ຕົນ​ມີ​ແຜນ​ກໍ່ສ້າງ​ປ້ອງ​ກັນ​ຕາ​ຝັ່ງ​ເຈື່ອນ​ທີ່​ເປັນ​ບູລິ​ມະ​ສິດ​ຮີບ​ດ່ວນ​ທັງ​ໝົດ 4 ຈຸດ ຄື​: ບ້ານ​ຍາງ​ຄຳ ​ເມືອງ​ຕົ້ນ​ເຜິ້ງ ​ແຂວງ​ບໍ່​ແກ້ວ ມີ​ຄວາມ​ຍາວ 520 ​ແມັດ ໃນມີ​ມູນ​ຄ່າ 13,83 ຕື້ກີບ, ​ເຂດ​ບ້ານ​ຈອມ​ແກ້ວ ​ເມືອງ​ແກ່ນ​ທ້າວ ​ແຂວງ​ໄຊ​ຍະ​ບູລີ ມີ​ຄວາມ​ຍາວ 1.100 ​ແມັດ ມູນ​ຄ່າ​ກໍ່ສ້າງ​ປະມານ 16 ຕື້ກວ່າ​ກີບ, ບ້ານ​ນາ​ຂ່າ​​ເໜືອ ​ເມືອງ​ທ່າ​ພະ​ບາດ ​ແຂວງ​ບໍລິ​ຄຳ​ໄຊ ມີ​ຄວາມ​ຍາວ 820 ​​ແມັດ ລວມມີ​ມູນ​ຄ່າ​ກໍ່ສ້າງ​ຫລາຍ​ກວ່າ 8,8 ຕື້ກີບ ​ແລະ ​ເຂດ​ບ້ານ​ໂພນ​ສັນ ​ເມືອງ​ທ່າ​ພະ​ບາດ ​ແຂວງ​ບໍລິ​ຄຳ​ໄຊ ​ເຊັ່ນ​ກັນ ມີ​ຄວາມ​ຍາວ 700 ​ແມັດ ​ໃນ​ມູນ​ຄ່າ​ກໍ່ສ້າງ​ປະມານ 24 ຕື້ກວ່າ​ກີບ.
ກະຊວງ​ດັ່ງກ່າວ​ ໃຫ້​ຮູ້​ວ່າ: ປັດຈຸບັນຢູ່​ທົ່ວ​ປະ​ເທດ​ມີ​ຕາ​ຝັ່ງ​ເຈື່ອນ​ທີ່​ຈຳ​ເປັນ​ຕ້ອງກໍ່ສ້າງປ້ອງ ກັນ​ທັງ​ໝົດຫລາຍກວ່າ 289 ກິ​ໂລ​ແມັດ, ​ໃນ​ນີ້​ໄດ້​ກໍ່ສ້າງ​ສຳ​ເລັດ​ແລ້ວ​ປະມານ 120 ກວ່າ​ກິ​ໂລ​ແມັດ ​ເທົ່າ​ກັບ 41%, ຍັງ​ເຫລືອ 168 ກວ່າ​ກິ​ໂລ​ແມັດ ​ແລະ ຕ້ອງການ​ງົບປະມານ​ໃນ​ການ​ກໍ່ສ້າງ​ທັງ​ໝົດ ກວ່າ 4.369 ຕື້ກີບ, ​ເຊິ່ງ​ແບ່ງ​ການ​ກໍ່ສ້າງ​ອອກ​ເປັນ​ໄລຍະ ຄື​ແຕ່ 2016-2020 ມີ​ຄວາມ​ຍາວ​ປະ ມານ 65 ກວ່າ​ກິ​ໂລ​ແມັດ ມີ​ມູນ​ຄ່າ​ກໍ່ສ້າງ​ຫລາຍ​ກວ່າ 1.731 ຕື້ກວ່າ​ກີບ ​ແລະ ​ແຕ່ 2020-2025 ມີ​ຄວາມ​ຍາວ 102 ກວ່າ​ກິ​ໂລ​ແມັດ ມີ​ມູນ​ຄ່າ​ການ​ກໍ່ສ້າງ​ຫລາຍ​ກວ່າ 2.636 ຕື້ກີບ. ສ່ວນ​ການ​ກໍ່ສ້າງ​ຕາ​ຝັ່ງ​ເຈື່ອນ​ຢູ່​ເບື້ອງ​ໄທ​ທີ່​ມີ​ຄວາມ​ຍາວ​ປະມານ 220 ກິ​ໂລ​ແມັດ ​ແມ່ນ​ສຳ​ເລັດ​ແລ້ວ 200 ກິ​ໂລ​ແມັດ ​ເທົ່າ​ກັບ 90%.

ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...