ປະເທດທຳອິດໃນສະຫະຣາຊະອານາຈັກທີ່ກຳນົດໃຫ້ການ “ຕີເດັກ” ເປັນອາຊະຍາກຳ

0
115

ສະກ໊ອດແລນກາຍເປັນປະເທດທຳອິດໃນສະຫະຣາຊະອານາຈັກທີ່ກຳນົດໃຫ້ການທາລຸນ ຫຼື ຕີເດັກເປັນອາຊະຍາກຳ ຫຼື ມີຄວາມຜິດທາງອາຍາ ໂດຍກົດໝາຍຫ້າມລົງໂທດເດັກທາງຮ່າງກາຍໄດ້ຮັບຄວາມເຫັນດີຈາກລັດຖະສະພາຂອງສະກ໊ອດແລນດ້ວຍຄະແນນສຽງ 84 ຕໍ່ 29 ສຽງ (ມະຕິດັ່ງກ່າວເຫັນດີເມື່ອວັນທີ 3 ຕຸລາຜ່ານມາ).

ປັດຈຸບັນ ພໍ່ແມ່ ແລະ ຜູ້ດູແລເດັກສາມາດໃຊ້ກຳລັງແບບສົມເຫດສົມຜົນໃນການຝຶກໃຫ້ເດັກຢູ່ໃນລະບຽບວິໄນ ແຕ່ລັດຖະບານສະກ໊ອດແລນສະໜັບສະໜູນຂັ້ນຕອນທີ່ຈະເຮັດໃຫ້ເດັກໄດ້ຮັບການປົກປ້ອງຈາກການຖືກທຳຮ້າຍຮ່າງກາຍເຊັ່ນດຽວກັບການຄຸ້ມ ຄອງຜູ້ໃຫຍ່.

ທັງນີ້ ສະວີເດນຖືເປັນປະເທດທຳອິດໃນໂລກທີ່ກຳນົດໃຫ້ການຕີລູກເປັນເລື່ອງຜິດກົດໝາຍ ຊຶ່ງນຳໃຊ້ຢ່າງເປັນທາງການເມື່ອປີ 1979 ແລະ ສະກ໊ອດແລນຈະເປັນປະເທດລຳດັບທີ 58 ພາຍໃຕ້ກົດໝາຍຂອງສະກ໊ອດແລນໃນປັດຈຸບັນໂດຍຜູ້ໃຫຍ່ຈະໄດ້ຮັບການປົກປ້ອງຈາກການຖືກທຳຮ້າຍຮ່າງກາຍ ແຕ່ເດັກນ້ອຍຜັດບໍ່ໄດ້ຮັບການປົກປ້ອງເພາະຜູ້ກະທຳສາມາດອ້າງໄດ້ວ່າເປັນການລົງໂທດທີ່ສົມເຫດສົມຜົນເພື່ອຝຶກລະບຽບເດັກນ້ອຍທີ່ອາຍຸຕ່ຳກວ່າ 16 ປີ.

ຊຶ່ງໃນທາງປະຕິບັດໝາຍຄວາມວ່າ ພໍ່ແມ່ສາມາດຕີຮ່າງກາຍຂອງເດັກໄດ້ ແຕ່ການຕີຫົວ ຫຼື ໃຊ້ອຸປະກອນຕ່າງໆໃນການຕີລູກຖື ວ່າຜິດກົດໝາຍ ຊຶ່ງປັດຈຸບັນມີຂໍ້ຫ້າມການທຳຮ້າຍຮ່າງກາຍເພື່ອລົງໂທດໃນໂຮງຮຽນ ແລະ ສະຖານການສຶກສາອື່ນໆຮຽບຮ້ອຍແລ້ວ.

ມາເບິ່ງສະຖິຕິທີ່ພໍ່ແມ່ໃນສະຫະຣາຊະອານາຈັກຕີເດັກນ້ອຍວ່າຈະມີໜ້ອຍຫຼາຍສ່ຳໃດ? ໂດຍລາຍງານຂອງກຸ່ມອົງກອນການກຸສົນໃນສະກ໊ອດແລນເມື່ອປີ 2015 ພົບວ່າ ພໍ່ແມ່ໃນສະຫະຣາຊະອານາຈັກລົງໂທດເດັກດ້ວຍການຕີຫຼາຍກວ່າປະເທດອື່ນໆທົ່ວໂລກເຊັ່ນ ອາເມຣິກາ ການາດາ ອີຕາລີ ເຢຍລະມັນ ແລະ ສະວີເດນ ຂະນະທີ່ທີມນັກວິໄຈຄາດຄະເນວ່າ ພໍ່ແມ່ໃນສະຫະຣາຊະອານາຈັກປະມານ 70-80% ເຄີຍລົງໂທດເດັກດ້ວຍການທຳຮ້າຍຮ່າງກາຍ ພ້ອມນີ້ ຍັງພົບອີກວ່າພໍ່ແມ່ຫຼາຍຄົນບໍ່ໄດ້ເບິ່ງວ່າການຕີເດັກເປັນສິ່ງທີ່ດີ ແຕ່ເຂົາເຈົ້າເຊື່ອວ່ານີ້ອາດເປັນວິທີດຽວທີ່ໄດ້ຜົນ.

 

 

 

 

ຮຽບຮຽງ: ພ.ສະຫວັນ

ຮູບພາບ: khaosod

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.