ປະປານະຄອນຫຼວງເລັ່ງແກ້ໄຂນໍ້າປະປາບໍ່ພຽງພໍໃນ 3 ເມືອງ

0
46

ລັດວິສາຫະກິດນໍ້າປາປານະຄອນຫຼວງວຽງຈັນ ອອກແຈ້ງການໃນວັນທີ 23 ຕຸລາ 2019, ສະບັບເລກທີ 0353/ນປນຄ. ເຖິງບັນດາພໍ່ແມ່ປະຊາຊົນຊາວນະຄອນຫຼວງວຽງຈັນຜູ້ນໍ້າໃຊ້ນໍ້າປາປາ ເນື່ອງຈາກວ່າປັດຈຸບັນທາງ ນປນຄ ບໍ່ສາມາດສະໜອງນໍ້າປະປາໃຫ້ພຽງພໍໃນເຂດເມືອງໄຊທານີ, ບາງສ່ວນໃນເມືອງໄຊເສດຖາ ແລະ ເມືອງຈັນທະບຸລີ ຍ້ອນສາເຫດເກີດມາຈາກແມ່ນໍ້າງື່ມບົກແຫ້ງຢ່າງໄວວາໃນລະດັບຕໍ່າທີ່ວຸດໃນຮອບຫຼາຍປີທີ່ຜ່ານມາ ຊຶ່ງສົ່ງຜົນໃຫ້ໂຮງງານປະລິດນໍ້າປະປາດົງໝາຍຄາຍ II ຊຶ່ງເປັນໂຮງ ງານໃຫຍ່ທີ່ສຸດ ມີກຳລັງການຜະລິດນໍ້າ 100.000 ແມັດກ້ອນຕໍ່ວັນ ບໍ່ສາມາດທຳການຜະລິດນໍ້າປະປາໄດ້.

ປັດຈຸບັນ ສະພາບນໍ້າງື່ມໄດ້ບົກແຫ້ງລົງຜິດປົກກະຕິ ແລະ ຫຼຸດຈາກປາກທໍ່ດູດນໍ້າ, ຈົນເຮັດໃຫ້ໂຮງງານນ້ໍາປະປາທ່າງ່ອນ ບ້ານພູຄໍາ ເມືອງໄຊທານີ ບໍ່ສາມາດສູບນ້ໍາຂຶ້ນມາຜະລິດໄດ້ ແລະ ສົ່ງຕໍ່ໃຫ້ໂຮງງານ ນໍ້າປະປາດົງໝາກຄາຍທີ່ມີກໍາລັງການຜະລິດນໍ້າແຕ່ລະມື້ຫຼາຍກວ່າ 80.000 ແມັດກ້ອນ ກໍບໍ່ສາມາດຜະລິດໄດ້, ຈຶ່ງເຮັດໃຫ້ສັງຄົມໄດ້ຮັບຜົນກະທົບຕໍ່ສະພາບດັ່ງກ່າວ, ກໍໄດ້ເລັ່ງແກ້ໄຂໃຫ້ທ່ວງທັນ ແລະ ຄາດວ່າຈະຕິດຕັ້ງຈັກສູບນໍ້າໃຫ້ສໍາເລັດພາຍໃນ 3 ວັນຂ້າງຫນ້ານີ້, ເພື່ອຮັບປະກັນໃນການຊົມໃຊ້ນ້ໍາທົ່ວເຖິງ ແລະ ພຽງພໍ.

ໃນວັນທີ 22 ຕຸລາ 2019 ທີ່ຜ່ານມາ, ຄະນະອໍານວຍການລັດວິສາຫະກິດນໍ້າປະປານະຄອນຫຼວງວຽງຈັນ ໄດ້ລົງຕິດຕາມສະພາບນໍ້າງື່ມຢູ່ໂຮງງານນໍ້າປະປາທ່າງ່ອນໂດຍໄດ້ຕີລາຄາວ່າ: ສະພາບນໍ້າງື່ມແຫ້ງເທື່ອນີ້ເກີດຈາກໄພທໍາມະຊາດຄືສະພາບຝົນຕົກຂາດໄລ ຍະ ແລະ ປັດຈຸບັນການຊົມໃຊ້ນໍ້າປະປາຢູ່ນະຄອນຫຼວງວຽງຈັນມີຫຼາຍກ່ວາ 2 ແສນແມັດກ້ອນຕໍ່ມື້ ຊຶ່ງໂຮງງານຜະລິດນໍ້າປະປາຢູ່ ນະຄອນຫຼວງວຽງຈັນມີພຽງ 7 ແຫ່ງ, ພ້ອມນັ້ນ ຈັກສູບນໍ້າບາງໂຮງງານກໍເປ່ເພຈຶ່ງເຮັດໃຫ້ການຜະລິດນໍ້າປະປາບໍ່ໄດ້ທ່ວງທັນ, ຈຶ່ງຮຽກຮ້ອງໃຫ້ສັງຄົມໃຊ້ນໍ້າຢ່າງປະຢັດ, ພ້ອມທັງກະກຽມພາຊະນະເພື່ອໂຕ່ງນໍ້າໃຊ້ໃນໄລຍະນີ້.

 

 

 

ຮຽບຮຽງຂ່າວ: ພຸດສະດີ ລາວລີ
ແຫຼ່ງຂໍມູນ: ລັດວິສາຫະກິດນໍ້າປາປານະຄອນຫຼວງວຽງຈັນ, ໜັງສືພິມເສດຖະກິດ-ການຄ້າ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.