ປະທານປະເທດຕ້ອນຮັບຄະນະຜູ້ແທນຂັ້ນສູງກະຊວງຍຸຕິທຳແຫ່ງ ສສ ຫວຽດນາມ

0
531

ເມື່ອວັນທີ 6 ທັນວາຜ່ານມາທີ່ທຳນຽບປະທານປະເທດ, ທ່ານ ບຸນຍັງ ວໍລະຈິດ ປະທານປະເທດແຫ່ງສາທາລະນະລັດ ປະຊາທິປະ ໄຕ ປະຊາຊົນລາວ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ເລ ແທັງ ລອງ ກຳມະການສູນກາງພັກ, ລັດຖະມົນຕີກະຊວງຍຸຕິ ທຳແຫ່ງ ສສ ຫວຽດນາມ ແລະ ຄະນະ ໃນໂອກາດເດີນທາງມາຢ້ຽມຢາມ ສປປ ລາວ ໃນລະຫວ່າງວັນທີ 5-7 ທັນວາ 2019.

​ໃນໂອກາດດັ່ງກ່າວ, ທ່ານ ບຸນຍັງ ວໍລະຈິດ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ ທ່ານ ເລ ແທັງ ລອງ ທີ່ໄດ້ນຳພາຄະນະເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້, ຊຶ່ງເປັນການປະກອບສ່ວນອັນສຳຄັນ ເຂົ້າໃນການເສີມຂະ  ຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ສປປ ລາວ ແລະ ສສຫວຽດນາມ ໃຫ້ນັບມື້ນັບແຕກດອກອອກຜົນຍິ່ງໆຂຶ້ນ.

​ການເຂົ້າຢ້ຽມຂ່ຳນັບຂອງຄະນະຜູ້ແທນຂັ້ນສູງຈາກກະຊວງຍຸຕິທຳແຫ່ງ ສສ ຫວຽດນາມ ໃນຄັ້ງນີ້ກໍເພື່ອລາຍງານການຈັດຕັ້ງປະ ຕິບັດການຮ່ວມມືລະຫວ່າງກະຊວງຍຸຕິທຳ ສປປ ລາວ ແລະ ກະຊວງຍຸຕິທຳແຫ່ງ ສສ ຫວຽດນາມ ໃນໄລຍະ 1 ປີ ຜ່ານມາ, ພ້ອມທັງແຜນການຮ່ວມມືໃນປີ 2020 ແລະ ລາຍງານການຈັດຕັ້ງປະຕິບັດໂຄງການຊ່ວຍໜູນສະຖາບັນຍຸຕິທຳແຫ່ງ ສປປ ລາວ ພາຍ ໃຕ້ງົບປະມານຊ່ວຍເຫຼືອລ້າຂອງລັດຖະບານ ສສ ຫວຽດນາມ ໃນໄລຍະປີ 2017 ແລະ ແຜນການປີ 2020.

​ການຢ້ຽມຢາມ ສປປ ລາວ ໃນຄັ້ງນີ້ຍັງເປັນການຜັນຂະຫຍາຍບົດບັນທຶກການຮ່ວມມືລະຫວ່າງສອງກະຊວງຍຸຕິທຳ ສປປ ລາວ ແລະ ສສ ຫວຽດນາມ ໃນໄລຍະປີ 2015-2020 ໃຫ້ປະກົດຜົນເປັນຈິງ, ທັງເປັນການປະກອບສ່ວນຢ່າງສະໜິດແໜ້ນ ແລະ ເລິກຊຶ່ງເຂົ້າໃນສາຍພົວພັນມິດຕະພາບແບບພິເສດ, ເພີ່ມທະວີການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາ ຊົນສອງຊາດ “ລາວ-ຫວຽດນາມ” ໂອກາດດຽວກັນ ທ່ານ ເລ ແທັງ ລອງ ກໍໄດ້ສະແດງຄວາມຂອບໃຈຢ່າງຈິງໃຈມາຍັງ ທ່ານ ບຸນຍັງ ວໍລະຈິດ ທີ່ໃຫ້ກຽດຕ້ອນຮັບອັນອົບອຸ່ນໃນຄັ້ງນີ້.

 

ໂດຍ: ດອກຕາເວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.