ປະຊາຊົນປະທະກັບເຈົ້າໜ້າທີ່ຕຳຫຼວດເລື່ອງທີ່ດິນເຖິງຂັ້ນເສຍຊີວິດ!!

0
11057

ສຳນັກຂ່າວຣອຍເຕີ ແລະ ກະຊວງຄວາມໝັ້ນຄົງຂອງ ສສ ຫວຽດນາມ ໄດ້ເປີດເຜີຍເມື່ອວັນທີ 9 ມັງກອນຜ່ານມາວ່າ: ມີຜູ້ເສຍຊີວິດຢ່າງໜ້ອຍ 4 ລາຍຫຼັງຈາກກຸ່ມປະທ້ວງເຂົ້າໂຈມຕີເຈົ້າໜ້າທີ່ຊຶ່ພະຍາຍາມສ້າງກຳແພງໃກ້ກັບສະໜາມບິນທະຫານທີ່ໝູ່ບ້ານດົ່ງຕຳໃກ້ກັບນະຄອນຫຼວງຮ່າໂນຍ, ໂດຍກຸ່ມຜູ້ປະທ້ວງໄດ້ໃຊ້ລະເບີດມື, ລະເບີດຂວດ ແລະ ມີດເປັນອາວຸດ, ເຮັດໃຫ້ມີເຈົ້າໜ້າທີ່ຕຳຫຼວດເສຍຊີວິດ 3 ລາຍ, ຜູ້ປະທ້ວງເສຍຊີວິດ 1 ລາຍ ແລະ ບາດເຈັບ 1 ຄົນ.

ພົນໂທ ອັນໄຊ ກ່າວວ່າ: ຄວາມບໍ່ສະຫງົບໃນສັງຄົມນຳໄປສູ່ການເສຍຊີວິດຂອງເຈົ້າໜ້າທີ່ຕຳຫຼວດ 3 ລາຍ ແລະ ປະຊາຊົນ 1 ລາຍ. ປະຊາຊົນອີກຫຼາຍຄົນທີ່ກ່ຽວຂ້ອງໃນການກໍ່ຄວາມວຸ້ນວາຍຈະຖືກຈັບກຸມໂທດຖານລະເມີດກົດໝາຍຢ່າງຮ້າຍແຮງ.

ຄວາມຂັດແຍ່ງເລື່ອງທີ່ດິນເກີດຂຶ້ນເລື້ອຍໆໃນຫວຽດນາມ ເນື່ອງຈາກວ່າລັດຖະບານບໍ່ຮັບຮອງເອົາຄວາມເປັນເຈົ້າຂອງທີ່ດິນຂອງເອກະຊົນ, ທີ່ດິນສາມາດຍຶດເພື່ອມາກໍ່ສ້າງລະບົບສາທາລະນະ ແລະ ໂຄງການລົງທຶນຕ່າງໆໄດ້, ການທີ່ຊາວບ້ານ ແລະ ລັດຖະບານບໍ່ສາມາດຕົກລົງກັນໄດ້ກ່ຽວກັບເງິນຊົດເຊີີຍຈຶ່ງເຮັດໃຫ້ເກີດມີການປະທະ ແຕ່ເຫດການນີ້ເປັນຄັ້ງທຳອິດໃນຮອບຫຼາຍປີທີ່ມີເຈົ້າ ໜ້າທີ່ຕຳຫຼວດເສຍຊີວິດ.

 

ຮຽບຮຽງຂ່າວ: ພຸດສະດີ 

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.