ປກສ ເມືອງໝື່ນເຊືອມຊຶມຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ

0
58

ໃນຕອນເຊົ້າຂອງວັນທີ  11 ກໍລະກົດຜ່ານມາຢູ່ທີ່ຫ້ອງປະຊຸມກອງບັນຊາການ ປກສ ເມືອງໝື່ນ ແຂວງວຽງຈັນ ໄດ້ຈັດກອງປະຊຸມເຊື່ອມຊຶມຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບວ່າດ້ວຍ “ຂໍ້ຫ້າມຕໍ່ນາຍ ແລະ ພົນຕຳຫຼວດ” ໃຫ້ກຽດເຂົ້າຮ່ວມໂດຍ ທ່ານພັທ ຄຳຟອງ ວົງດາລາແສນ ຮອງກອງບັນຊາການ ປກສ ແຂວງວຽງຈັນ ມີທ່ານພັທ ອາພິນັນ ສ້າງຄຳ ຫົວໜ້າກອງບັນຊາການ ປກສ ເມືອງໝື່ນ ພ້ອມທັງນາຍພົນຕຳຫຼວດຈາກຫ້ອງການ ແລະ ກຸ່ມບ້ານເຂົ້າຮ່ວມ.

ໃນພິທີ ທ່ານພັທ ອາພິນັນ ສ້າງຄຳ ຫົວໜ້າກອງບັນຊາການ ປກສ ເມືອງໝື່ນໄດ້ຂຶ້ນເຜີຍແຜ່ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບວ່າດ້ວຍ ຂໍ້ຫ້າມຕໍ່ນາຍ ແລະ ພົນຕໍາຫຼວດ ໃນນັ້ນ ປະກອບມີ 6 ໝວດ 21 ມາດຕາ ໃນຂໍ້ຫ້າມກຳນົດລະບຽບຫຼັກການ ຂໍ້ຫ້າມມາດຖານຕ່າງໆຕໍ່ນາຍ ແລະ ພົນຕຳຫຼວດ ຫ້າມເຜີຍແຜ່ ຫຼື ເປີດເຜີຍຂໍ້ມູນ-ຂ່າວສານທາງລັດຖະການ ຄວາມລັບ ແລະ ສີ່ງສຳຄັນທີ່ພາໃຫ້ເຊື່ອມພາບພົດ ບົດບາດຂອງກຳລັງ ເປັນຕົ້ນແມ່ນເອກະສານລັບ ຮູບພາບໃນເຄື່ອງແບບ ຂໍ້ຄວາມສຽງ ລົງຄຳເຫັນທີ່ບໍ່ເໝາະສົມລົງອຸປະກອນເອເລັກໂຕຣນິກ ສື່ສິງພິມ ແລະ ຮູບການອື່ນໆໂດຍທີ່ບໍ່ໄດ້ຮັບອະນຸຍາດຈາກພາກສ່ວນທີ່ກ່ຽວຂ້ອງ ລວມທັງຫ້າມເປັນນາຍໜ້າ ແຊກແຊງ ການແກ້ໄຂຄະດີ ສວຍໃຊ້ໜ້າທີ່ເອົາເງິນຂອງລັດ ຫຼື ປ່ອຍເງິນກູ້ອອກນອກລະບົບ ເຮັດສັນຍະກຳ ດັດແປງໃບໜ້າ ເສີມດັງ ດັດແຂ້ວ ສີຜົມ ຫ້າມນຳໃຊ້ເຄື່ອງແບບຂອງກຳລັງປ້ອງກັນຄວາມສະຫງົບເຄື່ອນໄຫວໃນທາງທີ່ບໍ່ເໝາະສົມໃນຮ້ານບັນເທິງ ຫຼີ້ນການພະນັນ ດື່ມສີ່ງມຶນເມົາທຸກປະເພດ ໂຄສະນາບິດເບືອນປັນປ່ວນສ້າງຄວາມຂັດແຍ່ງ ແຕະຕ້ອງຮອດຮີດຄອງປະເພນີ ໂພສລົງເຟສບຸ໊ກ ຢູທູບ ສັງຄົມອອນລາຍທີ່ຜິດຕໍ່ລະບຽບ ທັ້ງນີ້ ກໍເພື່ອເຮັດໃຫ້ກຳລັງປ້ອງກັນຄວາມສະຫງົບມີຄວາມປອດໃສ ໜັກແໜ້ນ ມີແບບແຜນວິທີເຮັດວຽກ ມີລະບຽບວິໃນຢ່າງເຂັ້ມງວດ ນອກນັ້ນ ທ່ານພັທ ລັງສີ ສຸຂະລິວົງ ຮອງກອງບັນຊາການ ປກສ ເມືອງກໍໃດ້ຜ່ານຄຳສັ່ງຂອງທ່ານເຈົ້າແຂວງໆວຽງຈັນກ່ຽວກັບການເກັບກູ້ທ້ອນໂຮມອາວຸດປືນລ່າເນື້ອ ໝໍ້ຊ໊ອດ ແລະ ເຄື່ອງປະກອບທຸກຊະນິດຜ່ານແຈ້ງການຂອງກອງບັນຊາການ ປກສ ແຂວງວຽງຈັນ ເລື່ອງເກັບກຳຮີບໂຮມ ແລະ ຂຶ້ນບັນຊີຄຸ້ມຄອງອາວຸດເສິກ (ປະເພດປືນ).

ໃນຕອນທ້າຍກອງປະຊຸມກໍໄດ້ຮັບຟັງກາໂອ້ລົມຂອງ ທ່ານພັທ ຄຳຟອງ ວົງດາລາແສນ ຮອງກອງບັນຊາການ ປກສ ແຂວງວຽງຈັນ ໂດຍທ່ານໄດ້ເນັ້ນໜັກກ່ຽວກັບຂໍ້ຫ້າມຕ່າງໆໂດຍໃຫ້ອ້າຍນ້ອງກຳລັງທຸກຄົນຈົ່ງມີສະຕິໃນການເຄື່ອນໄຫວ ການເຮັດວຽກງານໃດໜຶ່ງຈົ່ງຢູ່ໃນຄວາມຮັບຜິດຊອບຂອງກຳລັງ ເພື່ອແນ່ໃສ່ຫຼຸດຜ່ອນຫາງສຽງວິພາກວິຈານຂອງສັງຄົມເຮັດວຽກໃຫ້ມີຄວາມປອດໃສ ເຂັ້ມແຂງ ໜັກແໜ້ນ ມີຈັນຍາບັນ ມີລະບຽບວິໄນຢ່າງເຂັ້ມງວດໃຫ້ສົມກັບວ່າເປັນກຳລັງປະກອບອາວຸດປ້ອງກັນຄວາມສະຫງົບ.

 

ແຫຼ່ງຂ່າວໂດຍ: ວັນນາ (ເມືອງໝື່ນ ແຂວງວຽງຈັນ)

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.