ປກສ ນະຄອນຫຼວງວຽງຈັນປັບປຸງ, ຍ້າຍ ແລະ ແຕ່ງຕັ້ງໃໝ່ຫຼາຍຕຳແໜ່ງ

0
7053

ເມື່ອວັນທີ 15 ພະຈິກຜ່ານມາ, ໜັງສືພິມປ້ອງກັນຄວາມສະຫງົບໄດ້ລາຍງານວ່າ: ກອງບັນຊາການ ປກສ ນະຄອນຫຼວງວຽງຈັນ ໄດ້ມີການປັບປຸງ, ໂຍກຍ້າຍ ແລະ ແຕ່ງຕັ້ງໃໝ່ຫຼາຍຕຳແໜ່ງ.

ກອງບັນຊາການ ປກສ ນະຄອນຫຼວງວຽງຈັນໄດ້ຈັດພິທີປະກາດແຕ່ງຕັ້ງຮອງຫົວໜ້າກອງບັນຊາການ ປກສ ນະຄອນຫຼວງວຽງຈັນ ເພີ່ມ ແລະ ແຕ່ງຕັ້ງນາຍຕໍາຫຼວດຂັ້ນນຳພາ-ບັນຊາອ້ອມຂ້າງ, ກອງບັນຊາການ ປກສ ນະຄອນຫຼວງວຽງຈັນ ແລະ ປກສ 9 ຕົວເມືອງ, ໂດຍການເປັນທານຂອງ ທ່ານ ພົຕ ວັນທອງ ກອງມະນີ ຫົວໜ້າກົມໃຫຍ່ການເມືອງ ກະຊວງປ້ອງກັນຄວາມສະຫງົບ, ມີທ່ານ ພົຈວ ບຸບຜາ ສີພົມມາ ຫົວໜ້າກອງບັນຊາການ ປກສ ນະຄອນຫຼວງວຽງຈັນ ພ້ອມດ້ວຍພະນັກງານນຳພາ-ບັນຊາ, ຕະ ຫຼອດຮອດ ປກສ ກຸ່ມເຂົ້າຮ່ວມ.

ທ່ານ ພັທ ຄອນສະຫວັນ ສົມພາໄຊ ຫົວໜ້າກົມຈັດຕັ້ງພະນັກງານ ກົມໃຫຍ່ການເມືອງ ກະຊວງປ້ອງກັນປະເທດໄດ້ຂຶ້ນຜ່ານຂໍ້ຕົກ ລົງສະບັບເລກທີ 2449/ປກສ, ລົງວັນທີ 8 ພະຈິກ 2019 ວ່າດ້ວຍການແຕ່ງຕັ້ງນາຍຕຳຫຼວດທີ່ຂຶ້ນກັບກອງບັນຊາການ ປກສ ນະຄອນຫຼວງວຽງຈັນ ໂດຍໄດ້ແຕ່ງຕັ້ງ ທ່ານ ພັອ ພິມມະສອນ ທຳມະວົງ ເລຂາຊາວໜຸ່ມ ກະຊວງປ້ອງກັນປະເທດເປັນຮອງຫົວ ໜ້າກອງບັນຊາການ ປກສ ນະຄອນຫຼວງວຽງຈັນ, ສ່ວນຫົວໜ້າ ແລະ ຮອງທີ່ມີຢູ່ແລ້ວແມ່ນຮັກສາໄວ້ຄືເກົ່າ.

ຈາກນັ້ນ, ໄດ້ປະກາດໂຍກຍ້າຍ ແລະ ແຕ່ງຕັ້ງນາຍຕຳຫຼວດທີ່ຂຶ້ນກັບກອງບັນຊາການ ປກສ ນະຄອນຫຼວງວຽງຈັນໄປຮັບໜ້າທີ່ໃໝ່ຢູ່ບັນດາຫ້ອງການທີ່ຂຶ້ນກັບກ້ອງບັນຊາການ ປກສ ເມືອງ ຈຳນວນ 34 ສະຫາຍ ໃນນັ້ນ ໄດ້ແຕ່ງຕັ້ງດັ່ງນີ້:

– ທ່ານ ພັທ ສົມພຽງ ສຸກປະເສີດ ເປັນຫົວໜ້າຫ້ອງການກອງບັນຊາການ ປກສ ນະຄອນຫຼວງວຽງຈັນ
– ທ່ານ ພັທ ສີທາ ແກ້ວພິທູນ, ພັທ ແສງທອງ ສີຫາມົນຕີ ແລະ ພັທ ບຸນລັບ ໄຊຍະວົງ ເປັນຮອງ
– ແຕ່ງຕັ້ງ ພັທ ນາງ ບົວລະພັນ ທິລະສັກ ເປັນຫົວໜ້າຫ້ອງການເມືອງ
– ແຕ່ງຕັ້ງ ພັທ ສັງວານ ຂາວປະເສີດ ເປັນຫົວໜ້າຫ້ອງສັນຕິບານ
– ພັທ ບຸນຍົງ ສີບຸນເຮືອງ ແລະ ພັທ ຄຳປັກ ລາດຊະວົງສາ ເປັນຮອງ
– ແຕ່ງຕັ້ງ ພັທ ສຸລິວັນ ລາດສະວົງ ເປັນຫົວໜ້າຫ້ອງຕຳຫຼວດ
– ພັທ ກົງຄະນະ ລັງສຸກ, ພັທ ວິລະສອນ ພິໄຂຄຳ, ພັທ ຈັນທະບູນ ມະນີວົງ ແລະ ພັທ ທັດສະພົງ ຫວັນມະນີຈັນ ເປັນຮອງ
– ແຕ່ງຕັ້ງ ພັທ ຢຸດຕະພົງ ສຸວັນນະສິງ ເປັນຮອງຫົວໜ້າຫ້ອງພະລາທິການ
– ແຕ່ງຕັ້ງ ພັທ ເຂັມພອນ ນາມວົງສາ ເປັນຫົວໜ້າຫ້ອງ 504
– ພັທ ອຸໄທ ພິມມະສອນ ເປັນຮອງ
– ແຕ່ງຕັ້ງ ພັທ ເສີມໃສ ປິຍະວົງ ເປັນຫົວໜ້າຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ
– ພັທ ໂທຄຳ ໄຊບຸນເຮືອງ, ພັທ ຊຽງພັນ ອິນທະປັນຍາ ແລະ ພັທ ສະເຫວີຍ ສິງຄະບັນດິດ ເປັນຮອງ
– ແຕ່ງຕັ້ງ ພັທ ບຸນຖົມ ແກ້ວມະນີວົງ ເປັນຫົວໜ້າກອງພັນປ້ອງກັນເຄື່ອນທີ່
– ພັຕ ຖ່າຍທອດ ໄຊນະພາ ເປັນຮອງ
– ແຕ່ງຕັ້ງ ພັທ ຄຳເຜີຍ ພິມພິສາ ເປັນຫົວໜ້າຄ້າຍຄຸມຂັງ-ດັດສ້າງ

ນອກຈາກນີ້ ກໍຍັງໄດ້ແຕ່ງຕັ້ງບັນດາຫົວໜ້າ ປກສ ເມືອງນຳອີກ ຊຶ່ງມີລາຍລະອຽດດັ່ງນີ້:

– ພັທ ຄຳໝອກ ພົມມະວົງສາ ເປັນຫົວໜ້າ ປກສ ເມືອງຈັນທະບູລີ
– ພັທ ສັງທອງ ພັນວົງສາ, ພັທ ຄຳໄຊ ສີສົມສຸກ ເປັນຮອງ
– ແຕ່ງຕັ້ງ ພັທ ສີເພັດ ພີມມະສອນ ເປັນຫົວໜ້າ ປກສ ເມືອງໄຊເສດຖາ
– ພັທ ສາລິກາ ເພັດມະນີ ເປັນຮອງ
– ແຕ່ງຕັ້ງ ພັທ ຄຳຝັ່ງ ເຄືອບພະພອນ ເປັນຫົວໜ້າ ປກສ ເມືອງສີສັດຕະນາກ
– ພັທ ບຸນສົງ ດາລາແສນ, ພັທ ບຸນສອນ ພັນທະວົງ ແລະ ພັທ ອິນປັນ ຫາດາວເຮືອງ ເປັນຮອງ
– ແຕ່ງຕັ້ງ ພັທ ຄຳຫຼ້າ ພົມມະສານ ເປັນຫົວໜ້າ ປກສ ເມືອງສີໂຄດຕະບອງ
– ພັທ ໂຈມມະນີ ແປງບຸນດີ ແລະ ພັທ ສອນເພັດ ພິຈິດ ເປັນຮອງ
– ແຕ່ງຕັ້ງ ພັທ ລຳພອນ ສີສົມບັດ ເປັນຫົວໜ້າ ປກສ ເມືອງນາຊາຍທອງ
– ພັທ ບຸນສົງ ມຸນຕີ ແລະ ພັຕ ບຸນກອງ ພົມມະວົງສາ ເປັນຮອງ.
– ແຕ່ງຕັ້ງ ພັທ ແສງທອງ ເກື້ອບຸນລຳ ເປັນຫົວໜ້າ ປກສ ເມືອງຫາດຊາຍຟອງ
– ພັທ ວຽງທອງ ຜາງພິລາວົງ ເປັນຮອງ
– ແຕ່ງຕັ້ງ ພັທ ສົມພອນ ວົງສາ ເປັນຫົວໜ້າ ປກສ ເມືອງໄຊທານີ
– ພັທ ສົມຫວັງ ທອງປະດິດ ເປັນຮອງ
– ແຕ່ງຕັ້ງ ພັທ ຄຳຜາຍ ທຳມະວົງຄຳ ແລະ ພັທ ອາທອນ ລິດປັນຍາ ເປັນຮອງ ປກສ ເມືອງປາກງື່ມ
– ແຕ່ງຕັ້ງ ພັທ ສຸລິວັນ ແກ້ວມະນີວົງ ແລະ ພັທ ພອນສີ ພັນທະວົງ ເປັນຮອງ ປກສ ເມືອງສັງທອງ

ສ່ວນຫົວໜ້າ ແລະ ຮອງທີ່ມີຢູ່ແລ້ວແມ່ນຮັກສາໄວ້ຄືເກົ່າ.

ຮຽບຮຽງຈາກ: ພຸດສະດີ ລາວລີ
ແຫຼ່ງຂໍ້ມູນ: www.lsecuritynews.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.