ບົ້ງຝູງສາລີກຳລັງລະບາດໝັກຢູ່ແຂວງພາກເໜືອ

0
314

ບົ້ງຝູງແມ່ນສັດຕູພືດຊະນິດໜຶ່ງທີ່ເປັນໄພຄຸກຄາມອັນຕະລາຍໃຫຍ່ຫຼວງຕໍ່ຜົນຜະລິດຂອງປະຊາຊົນບັນດາເຜົ່າກໍຄືຕໍ່ສັງຄົມໃນປັດ ຈຸບັນ ໃນນີ້ ພືດອາຫານທີ່ເປັນແຫຼ່ງອາໄສຂອງບົ້ງຝູງມີຫຼາຍກ່າວ 80 ຊະນິດ ເປັນຕົ້ນແມ່ນສາລີ ເຂົ້າ ອ້ອຍ ເຂົ້າຝ້າງ ໝາກເລັ່ນ ມັນຝຣັ່ງ ຢາສູບ ຝ້າຍ ຕົ້ນຕາເວັນ ກ້ວຍ ມັນດ້າງ ໝາກເຜັດໃຫຍ່ ພືດຕະກຸນໝາກແຕ່ງ ຖົ້ວ ຫຍ້າ ແລະ ພືດຜັກອື່ນໆ.

ໃນຕົ້ນເດືອນກໍລະກົດ 2019 ຜ່ານມາອີງຕາມການລາຍງານຂອງຂະແໜງປູກຝັງ ພະແນກກະສິກຳ ແລະ ປ່າໄມ້ແຂວງຜົ້ງສາລີໃຫ້ຮູ້ວ່າ ປັດຈຸບັນໄດ້ມີການເກີດລະບາດຂອງບົ້ງຝູງສາລີທຳລາຍຜົນລະປູກຂອງຊາວກະສິກອນເປັນບໍລິເວນກວ້າງຢູ່ 7 ເມືອງຄື (ເມືອງຜົ້ງສາລີ ເມືອງບູນເໜືອ ເມືອງບູນໃຕ້ ເມືອງຍອດອູ ເມືອງຂວາ ເມືອງໃໝ່ ແລະ ເມືອງສຳພັນ ແຂວງຜົ້ງສາລີ) ຊື່ງການລະບາດຂອງບົ້ງຝູງສາລີຢູ່ແຂວງຜົ້ງສາລີແມ່ນໄດ້ເກີດມີການລະບາດຂຶ້ນແຕ່ທ້າຍເດືອນມີຖຸນາ 2019 ຜ່ານມາຈົນເຖິງປັດຈຸບັນສ່ວນຜົນລະປູກຂອງຊາວກະສິກອນທີ່ຖືກຜົກກະທົບຈາກການທຳລາຍຂອງບົ້ງຝູງສ່ວນຫຼາຍແມ່ນເຂົ້າໄຮ່ ເຂົ້ານາ ແລະ ສາລີ ຊຶ່ງໄດ້ສ້າງຄວາມເສຍຫາຍໄປແລ້ວ 92 ບ້ານ 3.062 ຄອບຄົວ ໃນເນື້ອກວ່າ 1.864 ເຮັກຕາ ຕໍ່ບັນຫາສຳຄັນດັ່ງກ່າວທາງແຂວງກໍຄືພະແນກກະສິກໍາ ແລະ ປ່າໄມ້ ກໍໄດ້ປະສານຂໍຂໍ້ມູນ ຫຼື ຜົນການລົງສໍາຫຼວດພື້ນທີ່ເສຍຫາຍຜົນລະປູກຂອງຊາວກະສິກອນຢ່າງຮີບດ່ວນກັບຫ້ອງການກະສິກຳ ແລະ ປ່າໄມ້ເມືອງ 7 ເມືອງ.

ຈາກນັ້ນທາງພະແນກກະສິກໍາ ແລະ ປ່າໄມ້ແຂວງກໍໄດ້ຮີບຮ້ອນລາຍງານຕໍ່ການນຳແຂວງ ຮອງເຈົ້າແຂວງ ແຂວງຜົ້ງສາລີ ຜູ້ຊີ້ນໍາຂົງເຂດວຽກງານເສດຖະກິດ ແລະ ພາກສ່ວນກ່ຽວຂ້ອງໃຫ້ຮັບຊາບ ເພື່ອປຶກສາຫາລື ແລະ ຊອກຫາວິທີທາງແກ້ໄຂໂດຍດ່ວນ.

 

 

ໂດຍ: ສະຫະລັດ ວອນທິວົງໄຊ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.