ບຸນນະມັດສະການພຣະທາດຫຼວງ 2019 ຈະມີຫຼາກຫຼາຍກິດຈະກຳ

0
295

ໃນວັນທີ 29 ຕຸລາ 2019 ນະຄອນຫຼວງວຽງຈັນ, ໄດ້ມີການຖະແຫຼງກຽມຈັດງານບຸນນະມັດສະການພຣະທາດຫຼວງວຽງຈັນ ແລະ ງານວາງສະແດງສິນຄ້າປະຈໍາປີ 2019 ຊຶ່ງຈະໄດ້ຂຶ້ນໃນວັນທີ 5-11 ພະຈິກ 2019 ທີ່ເດີນພຣະທາດຫຼວງ.

ທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນຫຼວງວຽງຈັນກ່າວວ່າ: ການຈັດງານບຸນນະມັດສະການພຣະທາດຫຼວງວຽງຈັນ ເພື່ອປົກປັກຮັກສາ ແລະ ເສີມຂະຫຍາຍມູນເຊື້ອດີງາມຂອງບຸນນະມັດສະການພຣະທາດຫຼວງຂອງຊາດລາວກໍຄືຊາວນະຄອນຫຼວງວຽງ ຈັນທີ່ເຄີຍສືບທອດກັນມາແຕ່ບູຮານນະການໃຫ້ດໍາລົງຄົງຢູ່ນໍາຊາວລາວຕະຫຼອດໄປ. ພ້ອມນັ້ນ ກໍເປັນການສ້າງໂອກາດ, ຊຸກຍູ້ສົ່ງເສີມທ່ອງທ່ຽວ-ການຄ້າ “ໜຶ່ງເມືອງໜຶ່ງຜະລິດຕະພັນ” ສິນຄ້າຄອບຄົວຕົວແບບທີ່ຈະກ້າວເປັນສິນຄ້າໂອດ໋ອບທີ່ກາຍເປັນກາໝາຍແຫ່ງຊາດ ແລະ ສິນຄ້າຂອງບັນດາວິສາຫະກິດຂະໜາດນ້ອຍ-ກາງໄດ້ມາວາງສະແດງ, ຈໍາໜ່າຍສິນຄ້າທັງພາຍໃນ ແລະ ຕ່າງປະເທດ.

ນອກຈາກນັ້ນ, ເພື່ອເຮັດໃຫ້ງານບຸນນະມັດສະການພຣະທາດຫຼວງວຽງຈັນ ແລະ ງານຕະຫຼາດນັດວາງສະແດງຂາຍສິນຄ້າໃຫ້ມີບັນ ຍາກາດເບີກບານມ່ວນຊື່ນ, ຮັກສາໄດ້ຄວາມສາມັກຄີເປັນປຶກແຜ່ນ, ຍົກສູງຄຸນຄ່າມໍລະດົກມິ່ງເມືອງຂອງຊາດລາວ, ຮັບປະກັນໄດ້ຄວາມສະຫງົບ, ຄວາມເປັນລະບຽບຮຽບຮ້ອຍທາງດ້ານການຄ້າຂາຍດ້ວຍການຄຸ້ມຄອງຢ່າງຖືກຕ້ອງ ແລະ ຫຼຸດຜ່ອນປາກົດການຫຍໍ້ທໍ້ທີ່ເກີດຂຶ້ນພາຍໃນງານຈາກປີທີ່ແລ້ວ ແລະ ຮັກສາໄດ້ຄວາມສະອາດຈົບງາມ.

ກິດຈະກຳພາຍໃນງານບຸນພະທາດຫຼວງປີນີ້ມີດັ່ງລຸ່ມນີ້:

ວັນທີ 5 ພະຈິກ ເວລາ 17:00 ໂມງ ພິທີເປີດງານວາງສະແດງສິນຄ້າ ແລະ ສະຫຼຸບການປະຕິສັງຂອນພຣະທາດຫຼວງຄັ້ງທີ IV.

ວັນທີ 9 ພະຈິກ ເວລາ 16:00 ໂມງ ພິທີສູດປະລິຕະມຸງຄຸນທີ່ພຣະທາດຫຼວງ, ວັນທີ 10 ພະຈິກ ເວລາ 13:30 ໂມງ ພິທີແຫ່ຜາສາດເຜິ້ງ.

ວັນທີ 11 ພະຈິກ ເວລາ 7:00 ໂມງ ພິທີໃສ່ບາດຖວາຍສັງຄະທານ ເວລາ 13:00 ໂມງ ພິທີແຫ່ລູກຄີ ແລະ ການແຂ່ງຂັນກີລາພື້ນບ້ານຕີຄີ ເວລາ 19:00 ໂມງ ພິທີວຽນທຽນ ແລະ ຈູດທູບທຽນ ແລະ ບັ້ງໄຟສັກກາລະບູຊາອົງພຣະທາ.

ບຸນພຣະທາດຫຼວງຈະມີການຈັດງານຢູ່ 2 ຈຸດຄື: ຈັດງານທີ່ເດີ່ນພຣະທາດຫຼວງຊຶ່ງຈະເລີ່ມຕັ້ງແຕ່ວັນທີ 5-11 ພະຈິກ 2019  ແລະ ສູນການຄ້າລາວ-ໄອເຕັກຊຶ່ງຈະຈັດຂຶ້ນວັນທີ 6–17 ພະຈິກ 2019. ພາຍໃນງານຈະປະກອບມີກິດຈະກຳຕ່າງໆ ແລະ ມີ ການວາງສະແດງສິນຄ້າຫຼາຍປະເພດ,​ ສຳລັບຮ້ານຄ້າທີ່ມາຈັດວາງໃນຄັ້ງນີ້ສະເພາະທີ່ເດີ່ນພຣະທາດຫຼວງມີທັງໝົດ 1.018 ຫ້ອງ ປະກອບມີ: ຮ້ານສິນຄ້າໂອດ໊ອບ, ສິນຄ້າຄອບຄົວຕົວແບບ, ສິນຄ້າຜະລິດຕະພັນພາຍໃນ ແລະ ວາງສະແດງສິນຄ້າປະເພດທ່ອງ ທ່ຽວ 215 ຫ້ອງ, ສິນຄ້າປະເພດບໍລິສັດຂາເຂົ້າ–ຂາອອກ, ເສື້ອຜ້າ, ສິນຄ້າທົ່ວໄປ ແລະ ເຄື່ອງຫຼິ້ນ 669 ຫ້ອງ, ອາຫານ, ເຄື່ອງດື່ມ, ເຂົ້າຫຼາມປີ້ງໄກ່ຢູ່ພາຍໃນຂອບເຂດຮອບນອກ 134 ຫ້ອງ, ສ່ວນຢູ່ສູນການຄ້າລາວ–ໄອເຕັກມີຫ້ອງໄວ້ຮອງຮັບ 488 ຫ້ອງ.

ຂ່າວໂດຍ: ບຸດສະດີ ລາວລີ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.