ບຣິຕິຊແອຣເວ ຖືກປັບໄໝ 183 ລ້ານປອນ

0
290

ບໍລິສັດເຈົ້າຂອງສາຍການບິນ ບຣິຕິຊແອຣເວ ຖືກທາງການສັ່ງປັບໄໝເປັນເງິນຈຳນວນ 183 ລ້ານປອນຈາກກໍລະນີຂໍ້ມູນບັດເຄຣດິດ ແລະ ຂໍ້ມູນສ່ວນຕົວຂອງຜູ້ໂດຍສານປະມານ 4 ແສນຄົນຖືກເຈາະ (ແຮັກຂໍ້ມູນ).

ລາຍງານຂ່າວຕ່າງປະເທດເມື່ອວັນທີ 8 ກໍລະກົດຜ່ານມາໃຫ້ຮູ້ວ່າ ບໍລິສັດ ໄອເອຈີ (IAG) ເຈົ້າຂອງສາຍການບິນບຣິຕິຊແອຣເວ ໃນອັງກິດກຳລັງຜະເຊີນກັບການຖືກສຳນັກງານຄະນະກຳມະການຂໍ້ມູນ-ຂ່າວສານ ຫຼື ໄອຊີໂອ (ICO) ຂອງອັງກິດສັ່ງປັບໄໝ ທັງນີ້ ICO ຊີ້ວ່າການສັ່ງປັບໄໝເງິນສາຍການບິນດັ່ງກ່າວເປັນການລົງໂທດປັບໄໝເງິນຈຳນວນຫຼາຍທີ່ສຸດເທົ່າທີ່ເຄີຍເກີດຂຶ້ນ ແລະ ເປັນການສັ່ງປັບໄໝເງິນຄັ້ງທຳອິດນັບແຕ່ລັດຖະບານອັງກິດມີການບັງຄັບໃຊ້ກົດໝາຍໃໝ່ກ່ຽວກັບການຄຸ້ມຄອງຂໍ້ມູນທົ່ວໄປສ່ວນບຸກຄົນເມື່ອປີຜ່ານມາ ຊຶ່ງຈະເຮັດໃຫ້ປະຊາຊົນສາມາດຄວບຄຸມບໍລິສັດຕ່າງໆໃນການໃຊ້ຂໍ້ມູນສ່ວນຕົວຂອງເຂົາເຈົ້າໄດ້ ອີກທັງເງິນຄ່າປັບດັ່ງກ່າວ ICO ແມ່ນຄິດໄລ່ຈາກ 1,5% ຂອງລາຍຮັບຂອງບໍລິສັດບຣິຕິຊແອຣເວເມື່ອປີ 2018.

ສ່ວນບໍລິສັດ IAG ເຈົ້າຂອງສາຍການບິນບຣິຕິຊແອຣເວລະບຸວ່າ ການທີ່ບໍລິສັດຖືກສັ່ງປັບໄໝເປັນເງິນຈຳນວນ 183 ລ້ານປອນໂດຍ ICO ເປັນເລື່ອງທີ່ເຮັດໃຫ້ຮູ້ສຶກປະຫຼາດໃຈ ແລະ ສ້າງຄວາມຜິດຫວັງ ເນື່ອງຈາກທາງບລິສັດ IAG ໄດ້ຮີບເຂົ້າມາແກ້ໄຂສະ ຖານະການກ່ຽວກັບການກະທຳທາງອາຊະຍາກຳໃນການລັກຂໍ້ມູນຂອງລູກຄ້າທັນທີ ແລະ ທາງບໍລິສັດ IAG ຈະດຳເນີນການທີ່ເໝາະສົມໃນການປົກປ້ອງສາຍການບິນບຣິຕິຊແອຣເວ ລວມເຖິງການອຸທອນຄຳສັ່ງຖ້າມີຄວາມຈຳເປັນຕໍ່ໄປ.

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.