ນ້ຳຖ້ວມອັດຕະປືກະທັນຫັນ ປະຊາຊົນໄດ້ຮັບຄວາມເດືອດຮ້ອນຄາດມີຫຼາຍຮ້ອຍຄົນສູນຫາຍ

0
697

ສຳນັກຂ່າວສານປະເທດລາວລາຍງານໃນວັນທີ 24 ກໍລະກົດ 2018 ວ່າ: ມວນນໍ້າມະຫາສານຈາກເຂື່ອນເຊປຽນ-ເຊນໍ້ານ້ອຍ ໄຫຼລົງຖ້ວມເມືອງສະໜາມໄຊ ແຂວງອັດຕະປື ຢ່າງກະທັນຫັນມາຕັ້ງແຕ່ຄືນຂອງວັນທີ 23 ກໍລະກົດ ທີ່ຜ່ານມານັ້ນ, ຫຼ້າສຸດພາກສ່ວນທີ່ກ່ຽວຂ້ອງຄາດຄະເນວ່າມີຫຼາຍຮ້ອຍຄົນສູນຫາຍ ສະເພາະບ້ານໃໝ່ ມີເກືອບ 50 ຄົນ.

ໂດຍໃນເວລາ 23:00 ໂມງ ຂອງວັນທີ 23 ກໍລະກົດ ທີ່ຜ່ານມາ, ວັດແທກລະດັບນໍ້າເຊປຽນໄດ້ສູງເຖິງ 15 ແມັດ, ເຊິ່ງບໍລິສັດໄຟຟ້ານໍ້າເຊປຽນ-ເຊນໍ້ານ້ອຍ ໄດ້ອອກແຈ້ງເຕືອນວ່າຫາກສັນເຂື່ອນເຊນໍ້ານ້ອຍແຕກ ຈະມີມວນນໍ້າມະຫາສານເຖິງ 5,000 ລ້ານໂຕນ ໄຫຼລົງສູ່ເຊປຽນ.

ຫຼ້າສຸດທາງການແຂວງອັດຕະປື ຕໍ່ໄປປະກາດເປັນໄພພິບັດສຸກເສີນ ພ້ອມທັງສະເໜີໄປຍັງລັດຖະບານ ແລະ ທຸກຫົວໜ່ວຍທາງພາກລັດ ແລະ ເອກະຊົນທຸກຫົວໜ່ວຍ ລວມທັງເພື່ອນມິດສະຫາຍຜູ້ຢູ່ໃກ້ ແລະ ໄກ່ ເພື່ອຂໍຄວາມຊ່ວຍເຫຼືອອັນຮີບດ່ວນໃນຄັ້ງນີ້ແລ້ວ ເປັນຕົ້ນແມ່ນ: ເຄື່ອງນຸ່ງຫົ່ມ, ອາຫານ-ນໍ້າດື່ມ, ຢາປົວພະຍາດ ຫຼື ວັດຖຸເງິນຄຳ ແລະ ອື່ນໆ ເທົ່າທີ່ຈະສາມາດປະກອບສ່ວນໄດ້.

ໃນຂະນະທີ່ເຈົ້າໜ້າທີ່ກ່ຽວຂ້ອງກຳລັງຂຸ້ນຂ້ຽວຊວ່ຍປະຊາຊົນທີ່ຕິດຄ້າງຕາມຕົ້ນໄມ້ ຕາມຫຼັງຄາເຮືອນ, ມີເຮືອນຊານບ້ານຊອ່ງໄຫຼໄປນຳນໍ້າເປັນຈຳນວນຫຼາຍທາງພາກສ່ວນກ່ຽວຂ້ອງຄາດຄະເນວ່າມີຫຼາຍຮອ້ຍຄົນສູນຫາຍ (ໄຫຼໄປຕາມນໍ້າ) ສະເພາະບ້ານໃໝ່ ມີເກືອບ 50 ຄົນສູນຫາຍ (ເມືອງສະໜາມໄຊ ແຂວງອັດຕະປື)

ເວລາປະມານ 16 ໂມງ ຂອງວັນທີ 23/7/2018 ທ່ານ ອຸ່ນຫລ້າ ໄຊຍະສິດ ຮອງເຈົ້າແຂວງອັດຕະປື ພ້ອມດ້ວຍຄະນະຕ້ານໄພພິບັດຂອງແຂວງ ລົງຊີ້ນຳ ການຊ່ວຍເຫລືອປະຊາຊົນເຂດເມືອງສະຫນາມໄຊ ເພື່ອຍົກຍ້າຍໄປຢູ່ບ່ອນປອດໄພ ຕາມການຄາດຄະເນ ຂອງພະແນກຊັບ ຄາດວ່າ ໃນຕອນຄໍ່າມື້ນີ້ ນຳ້ເຊກອງຈະເພີ່ມຂື້ນຕື່ມອີກ ໂດຍສະເພາະແມ່ນສາຍນຳ້ເຊປຽນ ຈະຂື້ນສູງເຖິງຂັ້ນເຕືອນໄພ.

ດັ່ງນັ້ນ ໃຫ້ພໍ່ແມ່ປະຊາຊົນທີ່ອາໃສຢູ່ຕາມສາຍນຳ້ຕ່າງໆ ທີ່ມີຄວາມສ່ຽງ ໃຫ້ຮີບຮ້ອນເກັບມ້ຽນເຄື່ອງຂອງ ແລະ ສັດລ້ຽງໄວ້ບ່ອນສູງທີ່ປອດໄພ ແລະ ຕິດຕາມຂ່າວສານ ພ້ອມທັງປະສານການຈັດຕັ້ງທີ່ຢູ່ໃກ້ຄຽງ ເພື່ອໃຫ້ຄວາມຊ່ວຍເຫລືອ.

ຂະນະທີ່ຂົວເຊປຽນ ບ້ານໃຫມ່ ເມືອງສະໜາມໄຊ ກໍກຳລັງຈະຈົມນໍ້າອີກບໍ່ພໍເທົ່າໃດຊົ່ວໂມງ ເນື່ອງຈາກລະດັບນໍ້າເຊປຽນຍືງຂຶ້ນສູງ; ຈັງໃດກໍເອົາໃນຊ່ວຍຊາວແຂວງອັດຕະປືເດີ.

ສຳລັບຜູ້ທີ່ປະສົງຢາກປະກອບສ່ວນໃນການແກ້ໄຂບັນເທົາທຸກໃນຄັ້ງນີ້ສາມາດປະກອບສ່ວນດ້ວຍຕົນເອງ ຫຼື ປະສານໄປຍັງຫ້ອງວ່າການແຂວງ ໃນນາມກອງເລຂາຄະນະຮັບຜິດຊອບແກ້ໄຂສະພາບສຸກເສີນ (ສຳນັກງານຫ້ອງວ່າການແຂວງ ຕຶກ 5 ຊັ້ນ) ນັບແຕ່ເວລານີ້ເປັນຕົ້ນໄປ ໂທ: 020 5554-3255, 020 5553-6888 ແລະ 020 9109-8888.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.