ນາຍົກເອທິໂອປີ… ຄວ້າໂນເບລສາຂາສັນຕິພາບປະຈຳປີ 2019

0
28

ນາຍົກລັດຖະມົນຕີຂອງເອທິໂອປີຄວ້າລາງວັນໂນເບລສັນຕິພາບປະຈຳປີ 2019 ຈາກການຊຸກຍູ້ສັນຕິພາບ ແລະ ຄວາມຮ່ວມມືລະຫວ່າງປະເທດ ໂດຍສະເພາະການຍຸຕິຂໍ້ພິພາດຕາມເຂດຊາຍແດນກັບເອຣິເທຣຍ (ປະເທດເພື່ອນບ້ານ).

ສຳນັກຂ່າວຕ່າງປະເທດລາຍງານເມື່ອບໍ່ດົນມານີ້ວ່າ ປະທານຄະນະກຳມາທິການລາງວັນໂນເບລໄດ້ປະກາດໃຫ້ ທ່ານ ອາເບຍ ອາເໝັດ ນາຍົກລັດຖະມົນຕີແຫ່ງເອທິໂອປີເປັນຜູ້ທີ່ໄດ້ຮັບລາງວັນໂນເບລສາຂາສັນຕິພາບປະຈຳປີນີ້ ແລະ ຖືເປັນຜູ້ຄວ້າລາງວັນໂນເບລສັນຕິພາບຄົນທີ 100 ຈາກຄວາມພະຍາຍາມຊຸກຍູ້ໃຫ້ເກີດສັນຕິພາບ ແລະ ຄວາມຮ່ວມມືລະຫວ່າງປະເທດ ໂດຍສະເພາະການເລີ່ມຕົ້ນທີ່ນຳໄປສູ່ການແກ້ໄຂບັນຫາຄວາມຂັດແຍ່ງຕາມຊາຍແດນກັບປະເທດເພື່ອນບ້ານໃນທະວີບອາຟຣິກາ.

ລາງວັນດັ່ງກ່າວນັບເປັນໜຶ່ງໃນຄວາມສຳເລັດທີ່ຍິ່ງໃຫ່ຂອງນາຍົກລັດຖະມົນຕີ ອາເບຍ ອາເໝັດ ຫຼັງຈາກເຂົ້າຮັບຕຳແໜ່ງນາຍົກລັດຖະມົນຕີເມື່ອເດືອນເມສາ 2018 ຊຶ່ງຫຼັງຈາກນັ້ນພຽງ 3 ເດືອນ ທ່ານ ອາເໝັດ ໄດ້ມີການຮ່ວມລົງນາມສັນຕິພາບກັບຜູ້ນຳຂອງເອຣິເທຣຍ ຍຸຕິຄວາມຂັດແຍ່ງທີ່ຍືດເຍື້ອຍາວນານເກືອບ 20 ປີ ຫຼັງຈາກເກີດການສູ້ຮົບຢູ່ເຂດບໍລິເວນຊາຍແດນໃນຊ່ວງປີ 1998-2000.

ທັງນີ້ ມີຜູ້ຖືກສະເໜີຊື່ເຂົ້າຊີງລາງວັນສາຂາໂນເບລສັນຕິພາບປະຈຳປີ 2019 ທັງໝົດ 301 ບຸກຄົນ ແລະ ອົງກອນ ຊຶ່ງໃນຈຳ ນວນນີ້ປະກອບດ້ວຍລາຍບຸກຄົນ 223 ຄົນ ແລະ ອົງກອນ 78 ແຫ່ງ ໂດຍຜູ້ໄດ້ຮັບການຕັດສິນໃຫ້ໄດ້ຮັບລາງວັນໂນເບລສັນຕິ ພາບຈະໄດ້ຮັບເງິນລາງວັນປະມານ 900.000 ໂດລາ.

 

 

 

 

ຮຽບຮຽງ: ເພັງສະຫວັນ

ຮູບພາບ: thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.