ນາຍົກລົງເຄື່ອນໄຫວວຽກຢູ່ເມືອງຫາດຊາຍຟອງ ນະຄອນຫຼວງວຽງຈັນ

0
122

ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍຄະນະໄດ້ລົງເຄື່ອນໄຫວເຮັດວຽກຢູ່ເມືອງຫາດຊາຍຟອງ ນະຄອນຫຼວງວຽງ ຈັນ ໃນຕອນບ່າຍຂອງວັນທີ 5 ສິງຫາ 2019 ພິທີຕ້ອນຮັບໄດ້ຈັດຂື້ນຢູ່ທີ່ວັດປ່າເປົ້າ ບ້ານບໍ່ໂອ ໂດຍມີ ທ່ານ ວົງເດືອນ ບຸນຍະແສງ ເຈົ້າເມືອງຫາດຊາຍຟອງ ພ້ອມດ້ວຍປະຊາຊົນຊາວເມືອງຫາດຊາຍຟອງ ນະຄອນຫຼວງວຽງຈັນເຂົ້າຮ່ວມ.

ທ່ານ ວົງເດືອນ ໄດ້ລາຍງານກ່ຽວກັບສະພາບຈຸດພິເສດ ທີ່ຕັ້ງ ການພັດທະນາວຽກງານວັດທະນະທໍາ-ສັງຄົມ ວຽກງານສາທາລະນະສຸກໂດຍສະເພາະສະພາບການລະບາດຂອງພະຍາດໄຂ້ຍຸງລາຍ ວຽກງານການຜະລິດກະສິກໍາ ການພັດທະນາເສດຖະກີດ-ສັງຄົມ ພ້ອມທັງວຽກງານປີ່ນອ້ອມຈໍານວນໜຶ່ງພາຍໃນເມືອງ ໃນໄລຍະຜ່ານມາເຫັນວ່າມີຫລາຍອັນຈັດຕັ້ງປະຕິບັດສໍາເລັດຕາມລະດັບຄາດຫມາຍທີ່ວາງໄວ້ ພາຍຫຼັງໄດ້ຮັບຟັງການລາຍງານໂດຍຫຍໍ້ກ່ຽວກັບການຈັດຕັ້ງປະຕິບັດວຽກງານຕ່າງໆໂດຍຫຍໍ້ຈາກ ທ່ານ ບຸນຍະແສງ ເຈົ້າເມືອງໆຫາດຊາຍຟອງເເລ້ວ ທ່ານ ທອງລຸນ ສີສຸລິດ ນາຍົກລັດຖະມົນຕີໄດ້ສະແດງຄວາມຍ້ອງຍໍຊົມເຊີຍ ແລະ ຕີລາ ຄາສູງຕໍ່ການຈັດຕັ້ງປະຕິບັດວຽກງານຕ່າງໆຂອງເມືອງຫາດຊາຍຟອງໃນໄລຍະຜ່ານມາ ພ້ອມທັງໃຫ້ທິດຊີ້ນໍາຕໍ່ອົງການປົກຄອງເມືອງກໍຄືປະຊາຊົນພາຍໃນເມືອງຫາດຊາຍຟອງເອົາໃຈໃສ່ຈັດຕັ້ງປະຕິບັດທຸກຂົງເຂດວຽກງານທີ່ຕົນເອງຮັບໃຫ້ສໍາເລັດຜົນ ໂດຍສະເພາະການຜະລິດກະສິກໍາເປັນສີນຄ້າ ການປ້ອງກັນ ແລະ ສະກັດກັ້ນການລະບາດຂອງພະຍາດໄຂ້ຍຸງລາຍ ພະຍາດອາຫິວາໝູອາຟຣິກາ ພ້ອມທັງກະກຽມຄວາມພ້ອມດ້ານຕ່າງໆໃຫ້ແກ່ກອງປະຊຸມໃຫຍ່ສາມຂັ້ນຂອງເມືອງໃຫ້ປະສົມຜົນສໍາເລັດ.

ໂອກາດດຽວກັນນີ້ ທ່ານນາຍົກລັດຖະມົນຕີພ້ອມດ້ວຍຄະນະຍັງໄດ້ໄປເບິ່ງການປູກຜັກເປັນສິນຄ້າຂອງກຸ່ມປູກຜັກສະອາດຂອງປະ ຊາຊົນບ້ານຫາດກັນຊາ ເມືອງຫາດຊາຍຟອງຕື່ມອີກ ໂອກາດນີ້ທ່ານນາຍົກໄດ້ຮັບຟັງການລາຍງານຫຍໍ້ປະຫວັດຄວາມເປັນມາຂອງກຸ່ມປູກຜັກສະອາດ ຮັບຟັງການສະເໜີ ຂໍໃຫ້ລັດຖະບານຊ່ວຍເຫຼືອ ຊອກຫາຕະຫຼາດ ການສ້ອມແປງທາງ ການປັບປຸງ ຕາຂ່າຍໄຟ ຟ້າ ແລະ ອື່ນໆ ຈາກນັ້ນທ່ານນາຍົກກໍໃຫ້ກຽດໂອລົມ ແລະ ແນະນຳໃຫ້ປະຊາຊົນຫັນມາປູກຜັກປອດສານພິດໃຫ້ຫຼາຍຂຶ້ນເພາະຕະ ຫຼາດຍັງມີຄວາມຕ້ອງການຫຼາຍ.

ໂອກາດໄປຢ້ຽມຢາມເບິ່ງການປູກຜັກຂອງກຸມປູກພັກສະອາດບ້ານຫາດກັນຊາ ທ່ານນາຍົກລັດຖະມົນຕີພ້ອມດ້ວຍຄະນະຍັງໄດ້ມອບເງິນຈຳນວນ 50.000.000 ກີບ ເພື່ອສົມທົບທຶນໃຫ້ກຸ່ມປະຊາຊົນປູກຜັກສະອາດເປັນທືນປູກຜັກສະອາດໃຫ້ຫຼາຍຂຶ້ນກວ່າເກົ່າ.

 

 

 

ໂດຍ: ສະຫະລັດ ວອນທິວົງໄຊ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.