ນາຍົກລັດຖະມົນຕີລົງຊີ້ນຳຢູ່ຄຳມ່ວນ ດຶງດູດການລົງທຶນຕາມນະໂຍບາຍ 3 ເປີດ

0
378

ໃນຕອນເຊົ້າວັນທີ 15 ສິງຫາ 2019 ທ່ານ ທອງລຸນ ສີສຸລິດ ນາຍົກລັດຖະມົນຕີ ພອ້ມດວ້ຍຄະນະ ໄດ້ໄປເຄື່ອນໄຫວຢ້ຽມຢາມຢູ່ແຂວງຄຳມ່ວນ ໂດຍມີ ທ່ານ ໂອໄດ ສຸດາພອນ ເຈົ້າແຂວງໆຄຳມ່ວນພ້ອມດ້ວຍຄະນະໃຫ້ການຕ້ອນຮັບຢ່າງອົບອຸ່ນ ຈາກນັ້ນ ທ່ານ ນາຍົກລັດຖະມົນຕີໄດ້ເດີນທາງໄປຢ້ຽມຢາມທ່າຂົນສົ່ງທາງບົກ (ICD) ໂດຍໄດ້ຊີ້ນຳຄະນະຮັບຜິດຊອບຮີບຮ້ອນຮ່າງລະບຽບການໃນການຄຸ້ມຄອງ ແລະ ສືບຕໍ່ດຶງດູດການລົງທຶນເຂົ້າໃນເຂດໃຫ້ຫຼາຍຂຶິ້ນ.

ໃນຂະນະດຽວກັນ ພາກລັດ ແລະ ພາກເອກະຊົນ ກໍຕ້ອງປຶກສາຫາລືຮ່ວມມືຊຶ່ງກັນ ແລະ ກັນ ໂດຍພາກລັດຕ້ອງໃຫ້ຄວາມຊ່ວຍ ເຫຼືອ ແລະ ອຳນວຍຄວາມສະດວກຕາມລະບຽບກົດໝາຍ ສ່ວນພາກເອກະຊົນກໍຕ້ອງໃຫ້ຄວາມຮ່ວມມື ແລະ ດຳເນີນທຸລະກິດ ສອດຄ່ອງຕາມລະບຽບກົດໝາຍ ພ້ອມກັນນີ້ ທ້ອງຖິ່ນກໍຕ້ອງໃຫ້ການສະໜັບສະໜູນ ໂອກາດດັ່ງກ່າວທ່ານນາຍົກລັດຖະມົນຕີໄດ້ຮັບຟັງລາຍງານຫຍໍ້ກ່ຽວກັບສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງຄຳມ່ວນໄລຍະ 6 ເດືອນຕົ້ນປີ 2019 ຈາກເຈົ້າແຂວງໆຄຳມ່ວນ ແລະ ໄດ້ໃຫ້ທິດຊີ້ນຳໂດຍເນັ້ນໜັກໃຫ້ຄະນະນໍາທຸກຂັ້ນພາຍໃນແຂວງສູ້ຊົນເກັບລາຍຮັບໃຫ້ໄດ້ຕາມແຜນ ເອົາໃຈໃສ່ດຶງດູດການລົງທຶນຈາກພາຍໃນ ແລະ ຕ່າງປະເທດເຂົ້າມາໃນແຂວງ ໂດຍປະຕິບັດນະໂຍບາຍ 3 ເປີດ ເອົາໃຈໃສ່ແກ້ໄຂຂອດທີ່ເປັນອຸປະສັກເພື່ອອຳນວຍຄວາມສະດວກໃຫ້ແກ່ຜູ້ລົງທຶນ.

ພ້ອມນີ້, ໄດ້ຊີ້ນຳໃຫ້ແຂວງເອົາໃຈໃສ່ ການສ້າງຂະບວນການຕິດພັນກັບການກະກຽມຮອບດ້ານໃຫ້ແກ່ການດຳເນີນກອງປະຊຸມໃຫຍ່ 3 ຂັ້ນຂອງແຂວງເປັນຕົ້ນດ້ານເນື້ອໃນ ບຸກຄະລາກອນ ສິ່ງສຳຄັນແມ່ນການສ້າງຄວາມເປັນເອກະພາບພາຍໃນ ຍົກສູງຄວາມຮັບຜິດຊອບຄວາມເປັນເຈົ້າການຂອງການນຳແຕ່ລະຂັ້ນ.

 

 

 

ໂດຍ: ອິດສະຫຼະ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.