ນາຍົກຕ້ອນຮັບອາສາສະໝັກຍີ່ປຸ່ນທີ່ປະຕິບັດໜ້າທີ່ຢູ່ ສປປ ລາວ

0
299

ໃນ​ວັນທີ 10 ກໍ​ລະ​ກົດ 2019 ທີ່​ນະ​ຄອ​ນ​ຫຼວງວຽງ​ຈັນ ທ່ານ ທອງ​ລຸນ ສີ​ສຸ​ລິດ ນາ​ຍົກ​ລັດ​ຖະ​ມົນ​ຕີແຫ່ງ ສ​ປ​ປ ລາວ ໄດ້​ຕ້ອ​ນ​ຮັບ​ການ​ເຂົ້າ​ຢ້ຽ​ມ​ຂ່ຳ​ນັບ​ຂອງອາ​ສາ​ສະ​ໝັກ​ປະ​ເທດ​ຍີ່​ປຸ່ນທີ່​ປະ​ຕິ​ບັດ​ໜ້າ​ທີ່​ຢູ່ ສ​ປ​ປ ລາວ ປະ​ຈຳ​ປີ 2019.

ໃນ​ໂອ​ກາດ​ດັ່ງ​ກ່າວ ທ່ານ ນາງ ສີ​ສົມ​ບູນ ອຸ​ນາ​ວົງ ຫົວ​ໜ້າ​ກົມ​ຮ່ວມ​ມື ກະ​ຊວງ​ແຜນ​ການ ແລະ ການ​ລົງ​ທຶນ ໄດ້​ລາຍ​ງານ​ໃຫ້​ຮູ້​ວ່າ ນັບ​ແຕ່​ປີ 1965 ຈົນ​ເຖິງ​ປັດ​ຈຸ​ບັນອົງ​ການ​ໃຈ​ກາ (JICA) ໄດ້​ສົ່ງ​ອາ​ສາ​ສະ​ໝັກ​ຫຼາຍກວ່າ 1.004 ຄົນທີ່​ໄດ້​ມາ​ປະ​ກອບ​ສ່ວນໃນ​ການ​ຈັດຕັ້ງ​ປະ​ຕິ​ບັດ​ໜ້າ​ທີ່​ວຽກ​ງານ​ຂອງ​ຕົນຢູ່​ໃນ​ຂອບ​ເຂດ​ທົ່ວ​ປະ​ເທດ​ຂອງ ສ​ປ​ປ ລາວ ລວ​ມ​ທັງ​ຢູ່​ຂັ້​ນ​ສູນ​ກາງ ຂັ້ນ​ແຂວງ ​ຂັ້ນ​ເມືອງ ຍົກ​ເວັ້ນ​ແຂວງ​ຜົ້ງ​ສາ​ລີ ແລະ ແຂວງ​ຫົວ​ພັນ ອັນ​ເນື່ອງ​ມາ​ຈາກການ​ຄົມ​ມະ​ນາ​ຄົມ​ບໍ່​ສະ​ດວກ.

ປັດ​ຈຸ​ບັນ ມີ​ອາ​ສາ​ສະ​ໝັກ​ອາ​ວຸ​ໂສ ແລະ ອາ​ສາ​ສະ​ໝັກ​ໜຸ່ມຈຳ​ນວນ 32 ທ່ານ ຍິງ 19 ທ່ານ ແລະ ຈະ​ມີ​ອາ​ສາ​ສະ​ໝັກ​ໜຸ່ມງວດ​ທີ 1 ປະ​ຈຳ​ ປີ 2019 ມາ​ປະ​ຕິ​ບັດ​ໜ້າ​ທີ່​ຢູ່ ສ​ປ​ປ ລາວ ຈຳ​ນວນ 9 ທ່ານ ຍິງ 6 ທ່ານ ແລະ ຈະ​ເດີນ​ທາງ​ມາ ສ​ປ​ປ ລາວ ໃນ​ທ້າຍ​ເດືອນ​ກໍ​ລະ​ກົດ​ນີ້ ເພື່ອ​ໄປະ​ຈຳ​ຢູ່​ຂະ​ແໜງ​ການ​ຕ່າງໆ​ເຊັ່ນ ສຶກ​ສາ​ທິ​ການ ແລະ ກີລາ ສາ​ທາ​ລະ​ນະ​ສຸກ ກະ​ສິ​ກຳ-ປ່າ​ໄມ້ ພັດ​ທະ​ນາ​ຊົນ​ນະ​ບົດ ແລະ ຂົງ​ເຂດ​ອື່ນໆ​ອີກ.

ພ້ອມ​ນີ້ ທ່ານ ທອງ​ລຸນ ສີ​ສຸ​ລິດ ສະແດງຄວາມຍິນດີຕ້ອນຮັບຢ່າງ​ອົບ​ອຸ່ນຕໍ່​ບັນ​ດາ​ອາ​ສາ​ສະ​ໝັກ​ຍີ່​ປຸ່ນ ພ້ອມ​ທັງສະແດງຄວາມຂອບອົກຂອບໃຈຕໍ່ກັບການມາປະກອບສ່ວນປະຕິບັດໜ້າທີ່ຂອງຕົນຢ່າງຫ້າວຫັນ ແລະ ເອົາໃຈໃສ່ ເຮັດວຽກກັບທຸກໆພາກສ່ວນທີ່ກ່ຽວຂ້ອງດ້ວຍຄວາມຮັບຜິດຊອບສູງ ໂດຍສະເພາະກັບພາກສ່ວນທີ່ຕົນສັງກັດຢູ່.

 

 

 

ໂດຍ: ສະຫະລັດ ວອນທິວົງໄຊ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.