ນັກວິທະຍາສາດຈີນເລັ່ງສ້າງໂຊລາຟາມອາວະກາດ ສົ່ງພະລັງງານກັບຄືນໂລກ

0
486

ເມື່ອວັນທີ 27 ກຸມພາ 2019 ສື່ທາງການຈີນລາຍງານວ່າ ຄະນະນັກວິທະນາສາດຈີນກຳລັງສຶກສາຄວາມເປັນໄປໄດ້ຂອງການກໍ່ສ້າງສະຖານີພະລັງງານແສງອາທິດກາງອາວະກາດ ເຊິ່ງຄາດວ່າຈະຊ່ວຍຫຼຸດມົນລະພິດໃນໂລກ ແລະ ບັນເທົາບັນຫາພະລັງງານຂາດແຄນ.

ທ່ານ ເສຍ ເກິງຊິນ ຮອງຫົວໜ້າສະຖາບັນວິໄຈນະວັດຕະກຳຮ່ວມເພື່ອບູລະນະການພົນລະເຮືອນ-ກອງທັບແຫ່ງສົງຊິງ ກ່າວວ່າ ຄະນະວິໄຈໄດ້ເລີ່ມອອກແບບໂຄງສ້າງທົດສອບໃນເຂດປີ້ຊານ ເຊິ່ງຈະຖືກໃຊ້ທົດສອບສະມັດຕະພາບຂອງສະຖານີດັ່ງກ່າວ.

ໂຄງສ້າງທົດສອບຈະໃຊ້ພື້ນທີ່ປະມານ 83 ໄຮ່ ແລະ ງົບລົງທຶນທຳອິດ 100 ລ້ານຢວນ ໂດຍຈະເນັ້ນໃສ່ການສາທິດເຕັກໂນໂລຢີການສົ່ງຜ່ານອາວະກາດ ລວມເຖິງສຶກສາຜົນກະທົບຂອງຄື້ນໄມໂຄຣເວບທີ່ຍິງກັບຄືນສູ່ໂລກ ແລະ ສິ່ງທີ່ມີຊີວິດ.

ການກໍ່ສ້າງສະຖານີພະລັງງານແສງອາທິດກາງອາວະກາດຈະໃຊ້ເວລາ 1-2ປີ ຖ້າຫາກສ້າງສຳເລັດ ແລະ ເລີ່ມຕິດຕັ້ງເຄື່ອງແລ້ວ ຄະນະນັກວິທະຍາສາດ ແລະ ວິສະວະກອນຈະສ້າງບໍລູນຍ່ອນແຜງໂຊລາ ແລະ ໃຊ້ມັນກວດສອບເທັກໂນໂລຢີການສົ່ງຜ່ານຄື້ນໄມໂຄຣເວບ.

ບໍລູນ ຈະສະສົມແສງສະຫວ່າງຈາກດວງຕະເວັນ ແລະ ປ່ຽນພະລັງແສງອາທິດເປັນຄື້ນໄມໂຄຣເວບກ່ອນຍິງກັບສູ່ໂລກ ໂດຍສະຖານີຮັບຮອງທີ່ໂລກຈະປ່ຽນຄື້ນໄມໂຄຣເວບທີ່ຮັບມາເປັນກະແສໄຟຟ້າ ແລະ ຈ່າຍເຂົ້າສູ່ລະບົບໂຄງຂ່າຍການໄຟຟ້າ. ປັດຈຸບັນຍັງບໍ່ມີການກຳນົດຂະໜາດ ແລະ ນໍ້າໜັກຂອງສະຖານີພະລັງງານແສງອາທິດກາງອາວະກາດ ເນື່ອງຈາກການວິໄຈຍັງຄົງຢູ່ໃນຂັ້ນເລີ່ມຕົ້ນເທົ່ານັ້ນ.
ທ່ານ ເສິນ ບອກວ່າ ຫາກທຸກສິ່ງເປັນໄປດ້ວຍດີ ສະຖານີພະລັງງານແສງອາທິດກາງອາວະກາດ ທີ່ເກີດຈາກສີມືການພັດທະນາຂອງຈີນ ຈະລອຍເຂົ້າສູ່ວົງໂຄຈອນເໜືອພື້ນໂລກ 36.000 ກິໂລແມັດ ແລະ ເລີ່ມຜະລິດພະລັງງານກ່ອນປີ 2040.

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: sanook

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.