ນັກດຳນໍ້າຜະເຊີນໜ້າກັບງູຍັກຍາວ 7 ແມັດ

0
2688

ກາຍເປັນເລື່ອງທີ່ເຮັດໃຫ້ຫຼາຍໆຄົນທີ່ໄດ້ຮັບຊົມຄລິບວິດິໂອຕ້ອງຕົກໃຈໄປຕາມໆກັນ ເມື່ອນັກດຳນໍ້າຊຶ່ງດຳນໍ້າຢູ່ໃນ Formoso ໃນປະເທດບຣາຊິນເມື່ອເຂົາເຈົ້າໄດ້ພົບກັບ Green Anaconda ຊຶ່ງເປັນງູທີ່ຍັງມີຊີວິດທີ່ໃຫຍ່ທີ່ສຸດໃນໂລກຢູ່ໃຕ້ນໍ້າ.

ທັງນີ້ ນັກດຳນໍ້າໄດ້ຖ່າຍຄລິບດັ່ງກ່າວໄວ້ ໂດຍໃນຄລິບເຫັນວ່າງູໂຕດັ່ງກ່າວມີຄວາມຍາວປະມານ 7 ແມັດ (23 ຟຸດ) ດັ່ງທີ່ເຫັນໃນຄລິບ ຊຶ່ງຄາດວ່າງູໂຕດັ່ງກ່າວອາດມີນໍ້າໜັກກວ່າ 90 ກີໂລກຣາມ.

ຂະນະທີ່ນັກດຳນໍ້າກ່າວຕື່ມວ່າ “ແມ່ນໍ້າທີ່ຢູ່ໃນເຂດບໍລິເວນ Bonito ແມ່ນສະຖານທີ່ດຽວໃນອາເມຣິກາໃຕ້ທີ່ສາມາດພົບເຫັນ Anacondas ໃນນໍ້າໄດ້ຢ່າງຊັດເຈນ.

ດັ່ງທີ່ສະແດງໃນພາບຖ່າຍທາງ Anaconda ໂຕນີ້ລອຍນໍ້າຢ່າງສະຫງົບ ໂດຍບໍ່ໄດ້ສົນໃຈກັບນັກດຳນໍ້າທີ່ພວມຜະເຊີນໜ້າກັບມັນເລີຍ ຊຶ່ງໃນຄວາມເປັນຈິງ ຄົນທົ່ວໄປຄິດວ່າພຶດຕິກຳຂອງ Anaconda ແມ່ນເປັນສັດທີ່ດຸຮ້າຍ ແລະ ເປັນອັນຕະລາຍທີ່ສຸດ ທັງນີ້ The Green Anaconda ຖືເປັນສັດປະເພດງູທີ່ໃຫຍ່ທີ່ສຸດໃນໂລກ ຊຶ່ງມັນສາມາດເຕີບໂຕໄດ້ສູງເຖິງ 9,1 ແມັດ (30 ຟຸດ) ແລະ ມີນໍ້າໜັກຫຼາຍກວ່າ 250 ກີໂລກຣາມ ຫຼື ຫຼາຍກວ່ານັ້ນ.

 

 

 

 

ພາບຈາກ : Newsflare

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.