ນະຄອນຫຼວງປາຣີປະກາດສະຖານະການສຸກເສີນ

0
671

ປາຣີ ຊຶ່ງເປັນເຈົ້າພາບຈັດການປະຊຸມ ແລະ ເຊັນສັນຍາຂໍ້ຕົກລົງປະຫວັດສາດໃນການຕໍ່ສູ້ກັບພາວະໂລກຮ້ອນເມື່ອປີ 2015 ໄດ້ປະກາດພາວະສຸກເສີນກ່ຽວກັບສະພາບອາກາດເຊັ່ນດຽວກັບຫຼາຍເມືອງໃຫຍ່ໃນທົ່ວໂລກ.

ສຳນັກຂ່າວຕ່າງປະເທດລາຍງານເມື່ອວັນທີ 9 ກໍລະກົດຜ່ານມາວ່າ ທ່ານ ນາງ ເຊເລຍ ໂບລເອລ ຮອງເຈົ້າເມືອງປາຣີຊຶ່ງຮັບຜິດ ຊອບດູແລດ້ານສິ່ງແວດລ້ອມກ່າວຕໍ່ທີ່ປະຊຸມສະພາເມືອງວ່າ ນະຄອນຫຼວງປາຣີໄດ້ປະກາດສະຖານະການສຸກເສີນເຖິງສະພາບອາກາດຄືກັບຫຼາຍໆເມືອງໃນທົ່ວໂລກ ໂດຍຢ້ຳວ່າປາຣີຈຳເປັນຕ້ອງຍຶດໝັ້ນໃນວັດຖຸປະສົງຂອງຂໍ້ຕົກລົງເມື່ອປີ 2015.

ໂບລເອລ ກ່າວອີກວ່າ ສາລາວ່າການນະຄອນຫຼວງປາຣີຈະສ້າງວິທະຍາໄລສະພາບອາ ກາດ ໂດຍມີຈຸດປະສົງໃຫ້ຄວາມຮູ້ ຄວາມເຂົ້າໃຈທີ່ດີກວ່າເກົ່າຕໍ່ເດັກ ແລະ ເຍົາວະຊົນທົ່ວໄປກ່ຽວກັບບັນຫາ ແລະ ຜົນກະທົບຈາກການປ່ຽນແປງຂອງສະພາບພູມີອາກາດໂລກ ຫຼື ບັນຫາພາວະໂລກຮ້ອນ ທັງນີ້ ກ່ອນການເລືອກຕັ້ງສະມາຊິກເທສະບານໃນປີໜ້າ ທ່ານ ນາງ ແອນ ຮິດັລໂກ ເຈົ້າຄອງນະ ຄອນປາຣີກໍມີຄວາມພະຍາຍາມຫາສຽງດ້ວຍການຊູນະໂຍບາຍກ່ຽວກັບສິ່ງແວດລ້ອມ ຊຶ່ງເປັນປະເດັນທີ່ທຸກຄົນໃຫ້ຄວາມສົນໃຈ.

ຈາກຂໍ້ມູນຂອງກຸ່ມ NGO ໃນອາເມຣິກາ The Climate Mobilization ທີ່ປຸກ ລະດົມໃຫ້ທົ່ວໂລກປະກາດສະຖານະການສຸກເສີນ (ພາວະໂລກຮ້ອນ) ຫຼ້າສຸດມີເຈົ້າໜ້າທີ່ທ້ອງຖິ່ນ ແລະ ເມືອງຕ່າງໆທົ່ວໂລກໄດ້ອອກມາປະກາດໄປແລ້ວປະມານ 650 ແຫ່ງ ລວມເຖິງມະຫານະຄອນນິວຢອກຂອງອາເມຣິກາທີ່ປະກາດພາວະສຸກເສີນເມື່ອວັນທີ 26 ມິຖຸນາຜ່ານມາ ແລະ ຖືເປັນເມືອງໃຫຍ່ທີ່ສຸດໃນໂລກທີ່ປະກາດພາວະດັ່ງກ່າວ.

 

 

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: dailynews

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.