ທໍລະນີວິທະຍາອາເມຣິກາປະຕິເສດຂ່າວລື “ແຄລິຟໍເນຍຈະຈົມຢູ່ໃຕ້ມະຫາສະໝຸດ”

0
856

ນັກທໍລະນີຈາກສຳນັກສຳຫຼວດທາງທໍລະນີວິທະຍາຂອງອາເມຣິກາ (USGS) ໄດ້ອອກມາປະຕິເສດກະແສຂ່າວທີ່ວ່າ ລັດແຄລິຟໍເນຍຈະຈົມຢູ່ໃຕ້ມະຫາສະໝຸດ ຖ້າຫາກເກີດເຫດການແຜ່ນດິນໄຫວຄັ້ງໃຫຍ່ທີ່ອາດຈະເກີດຂຶ້ນອີກຫຼາຍຄັ້ງໃນອະນາຄົດ.

ກະແສຂ່າວລືດັ່ງກ່າວເກີດຂຶ້ນເມື່ອວັນທີ 4 ແລະ 5 ກໍລະກົດຜ່ານມາ ຂະນະທີ່ລັດແຄລິຟໍເນຍໄດ້ເກີດເຫດແຜ່ນດິນໄຫວລະດັບ 6,4 ແລະ 7,1 ແມັກນີຈູດໃນພື້ນທີ່ຫ່າງໄກທາງຕອນໃຕ້ຂອງລັດ ການສັ່ນສະເທືອນຂອງເຫດການທັງສອງຄັ້ງສົ່ງຜົນໃຫ້ແຮງສັ່ນສະເທືອນສາມາດຮັບຮູ້ເຖິງນະຄອນລອສແອງເຈລິສ ແຕ່ກໍບໍ່ໄດ້ສ້າງຄວາມເສຍຫາຍຮຸນແຮງ ແລະ ບໍ່ມີລາຍງານຜູ້ເສຍຊີວິດ ດ້ວຍກະແສດັ່ງກ່າວໂດຍນັກທໍລະນີສາດຈຶ່ງໄດ້ອອກມາຢັ້ງຢືນວ່າ “ເປັນໄປບໍ່ໄດ້ແນ່ນອນ ເພາະບໍ່ມີເຂດໃດໃນແຄລິຟໍເນຍທີ່ຈະຈົມຫາຍ ໄປ” ແຄລິຟໍເນຍຕັ້ງຢູ່ຢ່າງໝັ້ນຄົງຢູ່ດ້ານເທິງສຸດຂອງແຜ່ນດິນເປືອກໂລກ 2 ແຜ່ນ.

ສຳລັບຮອຍເລື່ອນຊານແອນດຽດສ (San Andreas Fault) ທີ່ພາດຜ່ານລັດແຄລິຟໍເນຍຈາກຊອລຕັນຊີ (Salton Sea) ທາງຕອນໃຕ້ສູ່ເຄບເມນໂດຊິໂນ (Cape Mendocino) ທາງຕອນເໜືອຖືເປັນເສັ້ນແບ່ງລະຫວ່າງແຜ່ນເປືອກໂລກແປຊິຟິກ ແລະ ແຜ່ນເປືອກໂລກອາເມຣິກາເໜືອ (ຈຸດທີ່ລັດແຄລິຟໍເນຍຕັ້ງຢູ່).

ຢ່າງໃດກໍດີ ນັກທໍລະນີຈາກ USGS ອະທິບາຍຕື່ມວ່າ ແຜ່ນເປືອກໂລກທັງສອງກຳລັງເຄື່ອນຕົວສວນທາງກັນຢ່າງຊ້າໆໃນແນວນອນ ການເຄື່ອນຕົວລັກສະນະດັ່ງກ່າວຂອງແຜ່ນ ເປືອກໂລກທັງສອງຈຶ່ງສົ່ງຜົນໃຫ້ເກີດແຜ່ນດິນໄຫວຕາມແນວລະດັບ (strike-slip) ເທິງຮອຍເລື່ອນຊານແອນດຽດສ.

ທັງນີ້ ສຳນັກງານທໍລະນີວິທະຍາຊີ້ວ່າ ເຖິງຈະບໍ່ມີສ່ວນໃດຂອງແຄລິຟໍເນຍຈົມລົງສູ່ໃຕ້ມະຫາສະໝຸດ ມີແຕ່ນະຄອນລອສແອງເຈີລິສ ຊຶ່ງຕັ້ງຢູ່ທາງໃຕ້ຂອງລັດ ແລະ ນະຄອນຊານຟຣານຊິສໂກ ທີ່ຕັ້ງຢູ່ທາງເໜືອ ຊຶ່ງຈະເຄື່ອນຕົວເຂົ້າມາຕິດກັນໃນມື້ໃດມື້ໜຶ່ງ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.