ທ້າຍອາທິດນີ້ທົ່ວປະເທດຍັງມີຝົນຕົກຕໍ່ເນື່ອງ

0
274

ກົມອຸຕຸນິຍົມ ແລະ ອຸທົກກະສາໄດ້ຄາດຄະເນສະພາບອາກາດໃນໄລຍະວັນທີ 8-11 ສິງຫາ 2019 ວ່າ ຄວາມກົດັນຕໍ່າທີ່ປົກຄຸມຢູ່ບໍລິເວນທະເລຈີນໃຕ້ ຊຶ່ງຈະມີທ່າອຽງເພີ່ມກຳລັງແຮງຂຶ້ນປົກຄຸມຢູ່ທົ່ວທຸກພາກຂອງລາວ ສົມທົບກັບລົມມໍລະສຸມຕາເວັນຕົກສຽງໃຕ້ຍັງຈະມີກຳລັງແຮງພັດປົກຄຸມ ເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍເປັນບໍລິເວນກ້ວາງ ແລະ ຝົນຕົກປານກາງຢູ່ບາງທ້ອງຖິ່ນຂອງແຕ່ລະພາກ ພ້ອມມີລົມພັດແຮງເປັນບາງຄັ້ງ.

ພາກເໜືອດ້ານຕາເວັນອອກ ໃນໄລຍະວັນທີ 8-11 ສິງຫາ 2019 ຈະມີຝົນຕົກຟ້າຮ້ອງຟ້າເຫຼື້ອມຢູ່ໃນລະດັບຄ່ອຍ ພ້ອມມີລົມພັດແຮງເປັນບາງຄັ້ງ.

ພາກເໜືອດ້ານຕາເວັນຕົກ ໃນໄລຍະວັນທີ 8-11 ສິງຫາ 2019 ອາກາດຈະຮ້ອນຂຶ້ນ ແລະ ຝົນຍັງຈະສືບຕໍ່ຕົກໃນລະດັບຄ່ອຍ ຫາປານກາງ ພ້ອມມີລົມພັດແຮງເປັນບາງຄັ້ງຢູ່ໃນບາງທ້ອງຖິ່ນ.

ພາກກາງ ໃນໄລຍະວັນທີ 8-11 ສິງຫາ 2019 ອາກາດຍັງຈະຮ້ອນຂຶ້ນ ແລະ ຝົນຍັງຈະສືບຕໍ່ຕົກໃນລະດັບຄ່ອຍຫາປານກາງ ແລະ ຕົກໜັກໃນບາງທ້ອງຖິ່ນ ພ້ອມມີລົມພັດແຮງເປັນບາງຄັ້ງຢູ່ໃນຫຼາຍເຂດທົ່ວປະເທດ.

ສະເພາະແຂວງໄຊສົມບູນ ເຂດຫຼັກ 20 ເມືອງວຽງທອງ ແລະ ເມືອງນາກາຍ ໃນໄລຍະວັນທີ 8-11 ສິງຫາ 2019 ຝົນຍັງຈະສືບຕໍ່ຕົກໃນລະດັບຄ່ອຍຫາປານກາງ ແລະ ຕົກໜັກໃນບາງທ້ອງຖິ່ນ ພ້ອມມີລົມພັດແຮງ.

ພາກໃຕ້ ໃນໄລຍະວັນທີ 8-11 ສິງຫາ 2019 ຝົນຍັງຈະສືບຕໍ່ຕົກໃນລະດັບຄ່ອຍຫາປານກາງ ພ້ອມມີລົມພັດແຮງບາງຢູ່ບາງທ້ອງຖິ່ນ.

ສະເພາະເຂດພູພຽງບໍລະເວນ ໃນໄລຍະວັນທີ 8-11 ສິງຫາ 2019 ຝົນຍັງຈະສືບຕໍ່ຕົກຟ້າຮ້ອງຟ້າເຫຼື້ອມໃນລະດັບຄ່ອຍຫາ ປານ ກາງ ແລະ ມີລົມພັດແຮງເປັນບາງຄັ້ງຢູ່ບາງບໍລິເວນ.

ນະຄອນຫຼວງວຽງຈັນ ໃນໄລຍະວັນທີ 8-11 ສິງຫາ 2019 ຝົນຍັງຈະສືບຕໍ່ຕົກໃນລະດັບຄ່ອຍຫາປານກາງ ແລະ ຕົກໜັກຢູ່ໃນບາງເຂດ ພ້ອມມີລົມພັດແຮງເປັນບາງຄັ້ງຢູ່ບາງບໍລິເວນ.

ຮຽບຮຽງຂ່າວ: ບຸດສະດີ ສາຍນໍ້າມັດ

ແຫຼ່ງຂໍ້ມູນ: ກົມອຸຕຸນິຍົມ ແລະ ອຸທົກກະສາດ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.