ທ່ານ ນາງ ພອນວິໄລ ແລະ ໜຸ່ມໆເວທີ ມິສເຕີ ອິນເຕີ ເນເຊິນແນວ ຮ່ວມງານ ລາວ ຊຸບເປີ ໂມເດວ 2019

0
50

ຖືວ່າເປັນໄປຕາມຄາດສຳລັບຜົນການປະກວດເວທີ ລາວ ຊຸບເປີ ໂມເດວ 2019 ຊຶ່ງຈັດຂຶ້ນເມື່ອອາທິດທີ່ຜ່ານມາ ໂດຍມີບັນດາສິລະປິນ-ດາລານັກສະແດງເຂົ້າຮ່ວມຢ່າງຫຼວງຫຼາຍ ພ້ອມນີ້ ນ້ອງໆຈາກເວທີ Mister International Laos 2019 ທີ່ໄດ້ຜ່ານເຂົ້າຮອບ 20 ຄົນສຸດທ້າຍກໍໄດ້ມາຮ່ວມງານເພື່ອເສີມສ້າງທັກສະບໍ່ວ່າຈະເປັນການຕອບຄຳຖາມເທິງເວທີ ການຍ່າງ ການໂພສທ່າ ແລະ ຄວາມຄິດໃໝ່ໆທີ່ຈະນຳໄປໝູນໃຊ້ໃນເວທີ Mister International Laos 2019.

ໂອກາດດັ່ງກ່າວ ທ່ານ ນາງ ພອນວິໄລ ແສນປະເສີດ ຜູ້ສະໜັບສະໜູນກິດຈະກຳຂອງໄວໜຸ່ມຊຶ່ງໄດ້ມາຮ່ວມງານດັ່ງກ່າວກໍໄດ້ໃຫ້ສໍາພາດວ່າ ການທີ່ພາບັນດານ້ອງໆ Mister International Laos 2019 ທີ່ຜ່ານເຂົ້າຮອບ 20 ຄົນສຸດທ້າຍບໍ່ວ່າຈະເປັນ MR01 ທ້າວ ອາລິນ ສຸລິພອນ  MR02 ທ້າວ ວຽງແກ້ວ ໃຈທີວົງ MR16 ທ້າວ ແກ້ວສຸພາ ແກ້ວພິລາ ແລະ MR20      ທ້າວ ຕິ່ງ ລີ ມາຮ່ວມໃນງານຄັ້ງນີ້ກໍເພື່ອໃຫ້ນ້ອງໆໄດ້ເປີດກວ້າງຄວາມຄິດໃໝ່ໆ ທັງເປັນການເພີ່ມທັກສະ ແລະ ປັບໂຕໃນການເຂົ້າກັບຄົນໃນສັງຄົນ ທັງນີ້ ທ່ານນາງບໍ່ພຽງແຕ່ສະໜັບສະໜູນ ແລະ ເປີດໂອກາດໃຫ້ບັນດາໄວໜຸ່ມໃຫ້ມີເວທີ ຫຼື ມີໂອກາດສະ ແດງອອກເຖິງຄວາມສາມາດເທົ່ານັ້ນ ຍັງໄດ້ຊ່ວຍເຫຼືອໄວໜຸ່ມ ຫຼື ເດັກທີ່ດ້ວຍໂອກາດໂດຍໃຊ້ທຶນສ່ວນຕົວໂດຍບໍ່ໄດ້ຫວັງຜົນຕອບ ແທນ ພ້ອມນີ້ ທ່ານ ນາງ ພອນວິໄລ ກໍໄດ້ໃຫ້ການສະໜັບສະໜູນມູນລະນິທິຊ່ວຍເຫຼືອຄົນທຸກຍາກ ແລະ ອື່ນໆ.

ຂະນະທີ່ ທ້າວ ອາລິນ ສຸລິພອນ MR01 ຕົວແທນຂອງນ້ອງໆທີ່ມາຮ່ວມງານໄດ້ກ່າວວ່າ ການມາຮ່ວມງານໃນຄັ້ງນີ້ຖືເປັນໂອກາດທີ່ດີສໍາລັບພວກເຮົາ ເພາະຖືເປັນປະສົບການໃໝ່ໆທີ່ພວກເຮົາຈະນໍາໄປປັບໃຊ້ໃນເວທີປະກວດຮອບສຸດທ້າຍທີ່ຈະຈັດຂຶ້ນໃນໄວໆນີ້ ພ້ອມນີ້ ກໍຂໍຂອບໃຈ ທ່ານ ນາງ ພອນວິໄລ ແສນປະເສີດ ທີ່ໃຫ້ການສະໜັບສະໜູນພວກເຮົາແຕ່ຕົ້ນຈົນໄດ້ຜ່ານເຂົ້າຮອບ 20 ຄົນສຸດທ້າຍ.

ບັນດາທ່ານສາມາດຮ່ວມຊົມຮ່ວມເຊຍ ແລະ ເປັນກໍາລັງໃຈໃຫ້ນ້ອງໆທັງ 20 ຄົນທີ່ຈະຂຶ້ນປະຊັນຄວາມສາມາດໃນຮອບຕັດສິນ ຊຶ່ງຈະຈັດຂຶ້ນໃນວັນທີ 12 ຕຸລາ 2019 ທີ່ໂຮງແຮມ ຄຣາວ ພາຊ່າ ພ້ອມນີ້ ກໍສາມາດຕິດຕາມຄວາມເຄື່ອນໄຫວ ແລະ ກິດຈະກຳຕ່າງໆຂອງກອງປະກວດທາງເຟສບຸ໊ກແຟນເພຊ Mister International Laos 2019.

 

 

 

ໂດຍ: ພ.ສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.