ທົດສອບເຄື່ອງຈັກປັ່ນໄຟຟ້າໜ່ວຍທີ 5 ຂອງໂຄງການເຂື່ອນໄຟ້ຟານ້ຳຂອງໄຊຍະບູລີ

0
403

ພະແນກພະລັງງານ ແລະ ບໍ່ແຮ່ ແຂວງໄຊຍະບູລີໄດ້ອອກແຈ້ງການເລກທີ 897/ພບຊຍ ລົງວັນທີ 16 ກໍລະກົດ 2019 ວ່າດ້ວຍໂຄງການເຂື່ອນໄຟຟ້ານ້ຳຂອງໄຊຍະບູລີຈະທົດສອບເຄື່ອງຈັກປັ່ນໄຟຟ້າໜ່ວຍທີ 5 ຊຶ່ງຈະເຮັດໃຫ້ເກີດຜົນກະທົບທາງເໜືອເຂື່ອນ ແລະ ໃຕ້ເຂື່ອນ.

ແຈ້ງການດັ່ງກ່າວລະບຸວ່າ ພະແນກພະລັງງານ ແລະ ບໍ່ແຮ່ ແຂວງໄຊຍະບູລີໃນນາມຜູ້ຊ່ວຍກອງເລຂາຄະນະກຳມະການຊີ້ນຳຮ່ວມໂຄງການເຂື່ອນໄຟຟ້ານ້ຳຂອງໄຊຍະບູລີ ຂໍຖືເປັນກຽດແຈ້ງມາຍັງທ່ານຊາບວ່າ ໃນວັນທີ 17 ກໍລະກົດ 2019 ເວລາ 12:00 ໂມງ ເປັນຕົ້ນໄປ ທາງໂຄງການເຂື່ອນໄຟຟ້ານ້ຳຂອງໄຊຍະບູລີຈະທົດສອບເຄື່ອງຈັກປັ່ນໄຟຟ້າໜ່ວຍທີ 5 ໂດຍໃຊ້ເວລາຕໍ່ເນື່ອງ 72 ຊົ່ວ ໂມງ (ຈຳນວນ 3 ວັນ).

ໃນການທົດສອບນີ້ຈະຕ້ອງປ່ອຍນ້ຳຈາກທາງເໜືອເຂື່ອນຫຼາຍກວ່າປົກກະຕິ ຕາມລະດັບການໄຫຼຂອງແມ່ນ້ຳຂອງ ໂດຍຈະສົ່ງຜົນໃຫ້ລະດັບນ້ຳເໜືອເຂື່ອນຂອງໂຄງການຫຸດລະດັບຈາກ 273,3 masl ເປັນ 271 masl ນ້ຳຈະຫຼຸດລົງປະມານ 0,75 ແມັດຕໍ່ວັນ ແລະ ລະດັບນ້ຳທ້າຍເຂື່ອນຈະເພີ່ມຂຶ້ນລະດັບສູງສຸດປະມານ 237,5 masl ຊຶ່ງອາດຈະເຮັດໃຫ້ມີລະດັບນໍ້າບໍ່ປົກກະຕິ   ເໜືອເຂື່ອນ ທ້າຍເຂື່ອນ ແລະ ເມື່ອສິ້ນສຸດການທົດສອບທາງໂຄງການຈະປ່ອຍນ້ຳໃຫ້ໄຫຼເປັນປົກກະຕິ ໂດຍບິດຫຼັກນ້ຳໄຫຼເຂົ້າເຂື່ອນເທົ່າກັບນ້ຳໄຫຼອອກເຂື່ອນເທົ່ານັ້ນ.

 

 

 

ໂດຍ: ສະຫະລັດ ວອນທິວົງໄຊ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.