ທູດອັງກິດປະຈຳນະຄອນຫຼວງວໍຊິງຕັນປະກາດລາອອກແລ້ວ

0
373

ເຊີ ຄິມ ດາຣຣອຄ ເອກອັກຄະຣາຊະທູດອັງກິດປະຈຳນະຄອນຫຼວງວໍຊິງຕັນໄດ້ປະກາດລາອອກຈາກຕຳແໜ່ງພາຍຫຼັງຖືກປະທານາ ທິບໍດີ ໂດນັລ ທຣັມ ຂອງອາເມຣິກກ່າວຕຳນິວ່າ “ໂງ່ ແລະ ບ້າ” ຫຼັງຈາກມີການເຜີຍແຜ່ບັນທຶກລັບທາງການທູດເມື່ອບໍ່ດົນມານີ້.

ສຳນັກຂ່າວຕ່າງປະເທດລາຍງານເມື່ອວັນທີ 10 ກໍລະກົດຜ່ານມາວ່າ ບັນທຶກລັບທາງການທູດຂອງ ເຊິ ຄິມ ດາຣຣອຄ ຖືກນຳໄປເປີດເຜີຍໃນໜັງສືພິມໃນປະເທດອັງກິດ ໂດຍມີເນື້ອຫາກ່ຽວພັນເຖິງປະທານາທິບໍດີຂອງອາເມຣິກາພ້ອມຄະນະໃນທາງເສື່ອມເສຍ ສົ່ງຜົນໃຫ້ຜູ້ນຳອາເມຣິກາເກີດຄວາມບໍ່ພໍໃຈຢ່າງຮຸນແຮງແລ້ວກໍອອກມາຂຽນໂຈມຕີ ເຊີ ຄິມ ແລະ ຮັກສາການນາຍົກລັດຖະ ມົນຕີແຫ່ງອັງກິດ (ເທເຣຊ່າ ເມ) ຜ່ານທະວິຕເຕີ.

ທັງນີ້ ເຊີ ຄິມ ໄດ້ປະກາດລາອອກຈາກຕຳແໜ່ງໂດຍຂຽນໃນຈົດໝາຍລາອອກວ່າ ນັບຕັ້ງແຕ່ມີຂໍ້ມູນຮົ່ວໄຫຼອອກໄປຈາກສະຖານ ທູດອັງກິດຈົນເກີດການຄາດເດົາຢ່າງກວ້າງຂວາງກ່ຽວກັບຕຳແໜ່ງໜ້າທີ່ຂອງຕົນເອງ ແລະ ໄລຍະເວລາທີ່ເຫຼືອຂອງການປະຕິບັດໜ້າທີ່ໃນຕຳແໜ່ງເອກອັກຄະຣາຊະທູດອັງກິດ ດັ່ງນັ້ນ ຕົນເອງຈຶ່ງຂໍຍຸຕິການຄາດເດົາຕ່າງໆນາໆ ເພາະວ່າສະຖານະການໃນປັດຈຸ ບັນບໍ່ເອື້ອອຳນວຍສຳລັບຕົນເອງ ແລະ ຕຳແໜ່ງອີກຕໍ່ໄປ ຂະນະທີ່ ທ່ານ ນາງ ເທເຣຊ່າ ເມ ກໍໄດ້ກ່າວໃນທີ່ປະຊຸມສະພາພາຍຫຼັງມີການແຈ້ງເລື່ອງການຂໍລາອອກຂອງ ເຊີ ຄິມ ຊຶ່ງທ່ານ ນາງ ເມ ກ່າວວ່າ ຕົນເອງໄດ້ໂອ້ລົມກັບ ເຊີ ຄິມ ແລ້ວກ່ຽວກັບເລື່ອງດັ່ງກ່າວທັງທີ່ວາລະກຳນົດຂອງ ເຊີ ຄິມ ແມ່ນທ້າຍປີນີ້ ພ້ອມນີ້ ເມ ກໍໄດ້ສະແດງຄວາມເສຍໃຈທີ່ ເຊີ ຄິມ ຮູ້ສຶກວ່າຕົນເອງບໍ່ເໝາະ ສົມກັບໜ້າທີ່ດັ່ງກ່າວ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ:dailynews

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.