ທາດຫຼວງ ພລາຊ່າ ຮ່ວມກັບ ພີ-ວັນ ຈັດກິດຈະກຳ “Kpop Fan Party”

0
358

ສຳເລັດລົງດ້ວຍຄວາມປະທັບໃຈ ສຳລັບກິດຈະກຳ “Kpop Fan Party” ຊຶ່ງຈັດຂຶ້ນຢູ່ທີ່ສູນການຄ້າທາດຫຼວງ ພລາຊ່າ ນະຄອນ ຫຼວງວຽງຈັນ ໃຫ້ກຽດເປັນປະທານເປີດງານໂດຍ ທ່ານ ສົມບັດ ສິຣິພອນວິທະຍາ ຜູ້ບໍລິຫານສູນການຄ້າ ທາດຫຼວງ ພລາຊ່າ ທ່ານ ນາງ ສິນປະເສີດ ຈຸນລະມະນີ ຜູ້ບໍລິຫານສູນຄວາມງາມ ພີ-ວັນ ທ່ານ ສຸລິຍະ ຕານຸວັນ ຫຼື ຕ້ອມ ວົງແມັຊ ມີແຂກຖືກເຊີນ ແລະ ບັນດາຜູ້ສະໜັບສະໜູນເຂົ້າຮ່ວມ.

ກິດຈະກຳໃນຄັ້ງນີ້ແມ່ນໄດ້ລວບລວມບັນດາສາວົກທີ່ນິຍົມເຄປ໋ອບ (Kpop) ທັງເປັນການສ້າງໂອກາດໃຫ້ກັບນ້ອງໆມີເວທີສະແດງອອກເຖິງຄວາມສາມາດ ແລະ ທັກສະໂດຍສະເພາະແມ່ນການສະແດງ ການເຕັ້ນ ແລະ ການ Cover ເພງຂອງບັນດາສິລະປິນຊື່ດັງຈາກ ສ.ເກົາຫຼີ ພ້ອມນີ້ ກໍໄດ້ເຊີນເອົາກຸ່ມນັກ Cover ຊື່ດັງທັງພາຍໃນ ແລະ ຈາກປະ ເທດເພື່ອນບ້ານມາຮ່ວມສ້າງສີສັນຢ່າງມ່ວນຊື່ນ.

ໂອກາດດັ່ງກ່າວ ທ່ານ ນາງ ສິນປະເສີດ ຈຸນລະມະນີ ຜູ້ບໍລິຫານສູນຄວາມງາມ ພີ-ວັນ ກໍໄດ້ນຳເອົາຜະລິດຕະພັນຄຸນນະພາບດີ (ລາຄາຖືກ) ມາຫຼຸດແລກແຈກແຖມຫຼາກຫຼາຍລາຍການ.

 

 

 

 

 

ໂດຍ: ພ.ສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.