ທາງການອົສຕຣາລີເຕືອນ “ນົກນາງນວນ” ອາດເປັນພາຫະແຜ່ເຊື້ອສູ່ຄົນ

0
39

ນັກວິທະຍາສາດຄົ້ນພົບວ່ານົກນາງນວນທົ່ວປະເທດອົສຕຣາລີເປັນພາຫະຂອງເຊື້ອແບັກທີເຣຍດື້ຢາຕ້ານເຊື້ອທຸກຊະນິດ ຫຼື ຊຸບເປີບັກຢູ່ໃນໂຕ ທັງນີ້ ໄດ້ເພີ່ມຄວາມວິຕົກກັງວົນວ່າ ເຊື້ອດັ່ງກ່າວອາດຈະຕິດຕໍ່ ແລະ ແຜ່ລາມມາສູ່ຄົນ.

ທັງນີ້ ນັກວິທະຍາສາດທີ່ເຮັດການວິໄຈໃຫ້ກັບມະຫາວິທະຍາໄລເມີຣດອຊ ໃນເມືອງເພີຣທຂອງອົສຕຣາລີໄດ້ເຮັດການສຳຫຼວດຊຶ່ງພົບວ່າ ມີນົກນາງນວນຫຼາຍກວ່າ 20% ທີ່ມີເຊື້ອແບັກທີເຣຍເຊັ່ນ ອີ.ໂຄໄລ ຊຶ່ງເຊື້ອດັ່ງກ່າວສາມາດກໍ່ໃຫ້ເກີດການຕິດເຊື້ອໃນທາງເດີນປັດສະວະ ແລະ ອາດເຮັດໃຫ້ເກີດການຕິດເຊື້ອໃນກະແສເລືອດໄດ້ເຊັ່ນກັນ.

ທີມວິໄຈເຊື່ອວ່ານົກນາງນວນເຫຼົ່ານີ້ຕິດເຊື້ອມາຈາກຂີ້ເຫຍື້ອ ແລະ ສິ່ງເສດເຫຼືອທີ່ປົນເປື້ອນຢູ່ໃນທຳມະຊາດ ແລະ ການຄົ້ນພົບດັ່ງກ່າວກໍຖືເປັນສັນຍານເຕືອນໃຫ້ລັດຖະບານ ແລະ ໜ່ວຍງານຕ່າງໆທີ່ເຮັດໜ້າທີ່ກຳຈັດຂີ້ເຫຍື້ອ ແລະ ບຳບັດນ້ຳເສຍຕ້ອງຮ່ວມມືກັນເຮັດວຽກເພື່ອແກ້ໄຂບັນຫາດັ່ງກ່າວ ຂະນະທີ່ມະນຸດກໍສາມາດຕິດເຊື້ອພະຍາດຈາກນົກໄດ້ຖ້າຫາກມີ ການສຳຜັດກັບອາໂຈມຂອງນົກ ຢ່າງໃດກໍຕາມ ຄວາມສ່ຽງຈະຫຼຸດໜ້ອຍລົງຖ້າຫາກທຸກຄົນ ເອົາໃຈໃສ່ເລື່ອງຄວາມສະອາດ ລ້າງມືໃສ່ສະບູທຸກຄັ້ງທີ່ສຳຜັດກັບສິ່ງຕ່າງໆທີ່ກໍ່ໃຫ້ເກີດຄວາມສ່ຽງ.

ທັງນີ້ ຜົນການວິໄຈພົບວ່າ ເຊື້ອແບັກທີເຣຍໃນອາໂຈມຂອງນົກນາງນວນແມ່ນດື້ຢາຕ້ານເຊື້ອທີ່ນຳໃຊ້ໃນທາງການແພດທົ່ວໄປເຊັ່ນ ເຊຟາໂລສປໍຣິນ ຢາຕ້ານຈຸລະຊີບເຊັ່ນ ຟລູໂອໂຣຄວິໂນໂລນເຫຼົ່ານີ້ເປັນຕົ້ນ ຊຶ່ງເຊື່ອວ່າເປັນຢາຕ້ານເຊື້ອທາງເລືອກສຸດທ້າຍໃນການ ປິ່ນປົວການຕິດເຊື້ອທີ່ມີຄວາມສ່ຽງສູງທີ່ສຸດ.

 

 

 

ຮຽບຮຽງ: ສະຫະລັດ ວອນທິວົງໄຊ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.