ທາງການຍີ່ປຸ່ນສັ່ງອົບພະຍົບເກືອບ 4 ແສນຄົນພົ້ນຈາກໄຕ້ຝຸ່ນຟ້າໃສ

0
325

ລາຍງານຂ່າວຕ່າງປະເທດເມື່ອວັນທີ 9 ກັນຍາຜ່ານມາວ່າ ພະຍຸໄຕ້ຝຸ່ນຟ້າໃສຊຶ່ງມີຄວາມແຮງລົມສູງສຸດ 210 ກີໂລແມັດຕໍ່ຊົ່ວໂມງພັດຖະຫຼົ່ມແຄມຝັ່ງພາກຕາເວັນອອກຂອງປະເທດຍີ່ປຸ່ນ ແລະ ກຳລັງມຸ່ງໜ້າຂຶ້ນສູ່ພື້ນທີ່ພາກຕາເວັນອອກສຽງເໜືອ ໂດຍອິດທິພົນຂອງພະຍຸໜ່ວຍນີ້ກໍ່ໃຫ້ເກີດຝົນຕົກໜັກ ແລະ ລົມພັດແຮງ ຊຶ່ງອາດເຮັດໃຫ້ເກີດນໍ້າຖ້ວມກະທັນຫັນ.

ຂະນະທີ່ທາງການທ້ອງຖິ່ນເຂດເທສະບານນະຄອນໂຕກຽວ ຊຶ່ງຄວບຄຸມແຂວງຄານາງາວະ ແລະ ແຂວງວັດຊິຊູໂອກະ ປະກາດແນະ ນຳໃຫ້ປະຊາຊົນເກືອບ 4 ແສນຄົນອົບພະຍົບອອກຈາກພື້ນທີ່ສ່ຽງໄພທີ່ອາດຈະໄດ້ຮັບຜົນກະທົບຮຸນແຮງຈາກພະຍຸໜ່ວຍນີ້ ພ້ອມນີ້ ບໍລິສັດໂຕກຽວ ເອເລັກໂຕຣນິກ ພາວເວີ ຫຼື ເທບໂກ ເປີດເຜີຍວ່າ ອາຄານທີ່ຢູ່ອາໄສປະມານ 290.000 ຫຼັງບໍ່ມີໄຟຟ້າໃຊ້ ນອກຈາກນີ້ ບໍລິສັດເຈອາຣອີສ ກໍໄດ້ອອກມາຖະແຫຼງວ່າຈະໂຈະການບໍລິການລົດໄຟຫົວລູກປືນ 100 ຖ້ຽວຊົ່ວຄາວ ເຊັ່ນດຽວກັບຖ້ຽວບິນ 100 ຖ້ຽວທັງຂາເຂົ້າ-ຂາອອກໃນພູມີພາກຄັນໂຕ.

ເຫດການດັ່ງກ່າວເກີດຂຶ້ນຕໍ່ເນື່ອງຈາກພະຍຸໄຕ້ຝຸ່ນແຫຼ່ງເຫຼັງທີ່ພັດຜ່ານຄາບສະໝຸດເກົາຫຼີໃນຊ່ວງທ້າຍອາທິດຜ່ານມາ ສົ່ງຜົນໃຫ້ມີຜູ້ເສຍຊີວິດຢ່າງໜ້ອຍ 1 ລາຍໃນ ສ.ເກົາຫຼີ ແລະ ອີກ 5 ລາຍໃນ ສປ ເກົາຫຼີ ທີ່ຜະເຊີນກັບນ້ຳຖ້ວມພື້ນທີ່ກະສິກຳເປັນບໍລິເວນກວ້າງ ແລະ ກ່ອນໜ້ານີ້ເກາະຄິວຊູຂອງຍີ່ປຸ່ນກໍປະສົບກັບວິກິດນ້ຳຖ້ວມສູງຈົນຕ້ອງສັ່ງອົບພະຍົບປະຊາຊົນຫຼາຍລ້ານຄົນເມື່ອເດືອນສິງຫາຜ່ານມາ.

 

 

ຮຽບຮຽງ: ພ.ສະຫວັນ

ຮູບພາບ: khaosod

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.