ທັບນັກກີລາລາວຕັ້ງເປົ້າໝາຍ 2 ຫຼຽນຄຳຈາກຊີເກມ ຄັ້ງທີ 30

0
620

ງານມະຫະກຳກີລາຊີເກມຄັ້ງທີ 30 ລະຫວ່າງວັນທີ 30 ພະຈິກຫາ 11 ທັນວາ 2019 ມີກຳນົດຊີງໄຊ 529 ລາຍການຈາກ 56 ປະເພດກີລາ.

ສປປ ລາວ ສົ່ງຄະນະການນຳ, ກຳມະການຕັດສິນ, ຄູຝຶກ ແລະ ທັບນັກກີລາຈຳນວນ 379 ຄົນ ພ້ອມຕັ້ງເປົ້າໝາຍ 2 ຫຼຽນຄຳ ແລະ ກຳນົດເອົາ 25 ປະເພດກີລາເຂົ້າຮວ່ມການແຂ່ງຂັນ, ສະເພາະນຳໃຊ້ງົບປະມານຂອງລັດຈຳນວນ 18 ປະເພດກີລາຈາກທັງ ໝົດ 230 ຄົນປະ​ກອບ​ມີ:​ ໝາກບູນ, ບິນ​ລຽດ-ສະ​ນຸກ​ເກີ, ວູ​ຊູ, ກະ​ຕໍ້, ປັນ​ຈັກ​ສີ​ລັດ, ລົດ​ຖີບ, ຍິງ​ທະ​ນູ, ຢູ​ໂດ, ມວຍ​ສາ​ກົນ, ມວຍ​ລາວ, ມວຍ​ປ້ຳ, ລອຍ​ນ້ຳ, ແລ່ນ-ລານ, ເທ​ຄວັນ​ໂດ, ກາ​ຣາ​ເຕ​ໂດ້, ຍົກ​ນ້ຳ​ໜັກ, ຄິກ​ບ໋ອກ​ຊິງ ແລະ ພິ​ເສດ​ແມ່ນ​ກີ​ລາ​ຜ່ານ​ສິ່ງກີດ​ຂວາງ (ເປັນ​ກີ​ລາ​ຮູບ​ແບບ​ການ​ທະ​ຫານ).

ເຈົ້າ​ພາບ​ຮຽກ​ຮ້ອງ​ຂໍ​ຄວາມ​ຮ່ວມ​ມື​ໃຫ້​ເຂົ້າ​ຮ່ວມ​ໂດຍ​ເພີ່ມ​ຄວາມ​ຮັບ​ຜິດ​ຊອບ​ຄ່າ​ເດີນ​ທາງ​ໄປ​ກັບ ແລະ ທີ່​ພັກ​, ອາ​ຫານ ສ່ວນ​ໝວດ​ບັນ​ດາ​ສະ​ຫະ​ພັນ​ກີ​ລາ​ແຫ່ງ​ຊາດຮັບ​ຜິດ​ຊອບ​ກຸ້ມ​ຕົນ​ເອງທາງ​ດ້ານ​ງົບ​ປະ​ມານມີ: 6 ປະ​ເພດ​ກີ​ລາຈາກ​ທັງ​ໝົດ 140 ຄົນມີ​ຄື: ກ໋ອບ, ຣັກ​ບີ້, ອີ​ສະ​ປອດ, ບານ​ເຕະ​ຊາຍ, ເທັນ​ນິສ ແລະ ຊ໋ອບ​ເທັນ​ນິສ.

ຊີເກມຄັ້ງຫຼ້າສຸດເມື່ອປີ 2017 ສປປ ລາວ ສາມາດຍາດມາໄດ້ 2 ຫຼຽນຄຳ, 3 ຫຼຽນເງິນ ແລະ 21 ຫຼຽນທອງ ຈັດຢູ່ອັນດັບທີ 9 ຈາກ 11 ປະເທດເຂົ້າຮ່ວມ.

ຮຽບຮຽງຂ່າວ: ພຸດສະດີ ລາວລີ
ແຫຼ່ງຂໍ້ມູນ: Lao su su ລາວ ສູ້ ສູ້

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.