ຖົ່ວ 5 ສີ.. ທັນຍາພືດປະໂຫຍດດີຊ່ວຍປັບສົມດຸນໃນຮ່າງກາຍ

0
98

ມື້ນີ້ຈະພາທ່ານມາຮູ້ຈັກກັບປະໂຫຍດຂອງຖົ່ວ 5 ສີຊຶ່ງປະກອບມີ ຖົ່ວດຳ ຖົ່ວແດງ ຖົ່ວຂຽວ ຖົ່ວເຫຼືອງ ແລະ ຖົ່ວຂາວ ຊຶ່ງປະໂຫຍດຂອງຖົ່ວແຕ່ລະຊະນິດຕ່າງກໍມີໂປຣຕີນສູງ ມີວິຕາມິນ ແລະ ແຮ່ທາດທີ່ຊ່ວຍບຳລຸງຮ່າງກາຍຂອງເຮົາໆທ່ານໆໃຫ້ມີສຸຂະພາບດີ ແລະ ຖືເປັນອາຫານເພື່ອສຸຂະພາບທີ່ຫາຮັບປະທານໄດ້ງ່າຍ ເຮັດໄດ້ຫຼາກຫຼາຍເມນູ ນອກຈາກນີ້ ສັບພະຄຸນຂອງຖົ່ວທັງ 5 ຊະນິດນີ້ຍັງສາມາດຊ່ວຍບຳລຸງອະໄວຍະວະພາຍໃນ ຊ່ວຍປັບສົມດຸນທາດພາຍໃນຮ່າງກາຍ ຊ່ວຍຫຼຸດນໍ້າໜັກ ຫຼຸດພະຍາດເບົາຫວານ ຊ່ວຍເພີ່ມພະລັງງານໃຫ້ຮ່າງກາຍ ແລະ ອື່ນໆ.

ຖົ່ວດຳ ມີສັບພະຄຸນຊ່ວຍບຳລຸງທາດນໍ້າໃນຮ່າງກາຍ ດີຕໍ່ການເຮັດວຽກຂອງໝາກໄຂ່ຫຼັງ ຊ່ວຍແກ້ອາການວິນຫົວ ອາການອ່ອຍເພຍ ແລະ ຊ່ວຍຂັບນໍ້າສ່ວນເກີນໃນຮ່າງກາຍ.

ຖົ່ວຂຽວ ເຖິງຈະເປັນເມັດນ້ອຍໆແຕ່ສັບພະຄຸນບໍ່ນ້ອຍຄືເມັດເດີ້! ເພາະຖົ່ວຂຽວສາມາດຊ່ວຍບຳລຸງການເຮັດວຽວກຂອງຕັບ ຊ່ວຍແກ້ອາການທ້ອງຍຶ່ງ ປ້ອງກັນພາວະຕິດເຊື້ອ ແລະ ຈັດເປັນອາຫານທີ່ຊ່ວຍລ້າງສານພິດໃນຮ່າງກາຍ.

ຖົ່ວແດງ ເປັນແຫຼ່ງໂປຣຕີນທີ່ດີເລີດ ແລະ ມີໄຂມັນຕໍ່າທີ່ສຸດ ຊ່ວຍບຳລຸງຫົວໃຈໃຫ້ແຂງແຮງ ພ້ອມນີ້ ກໍສາມາດໃຊ້ເປັນຕົວຊ່ວຍໃນການຫຼຸດຄວາມອ້ວຍ ພ້ອມທັງຊ່ວຍບຳລຸງທາດໄຟ ດັ່ງນັ້ນ ຫາກຊ່ວງໃດອາກາດເຢັນຊຸ່ມ ຝົນຕົກ ຊຶ່ງສົ່ງຜົນໃຫ້ຮ່າງກາຍມີຄວາມເຢັນເກີນໄປຖົ່ວແດງສາມາດເຕີມຄວາມຮ້ອນໃຫ້ຮ່າງກາຍໄດ້ເປັນຢ່າງດີ.

ຖົ່ວເຫຼືອງ ມີສັບພະຄຸນຫຼາຍຢ່າງ ຊຶ່ງນອກຈາກຈະມີໂປຣຕີນສູງແລ້ວຍັງຊ່ວຍປ້ອງກັນການເກີດພະຍາດມະເຮັງຕ່ອມລູກໝາກ ແກ້ອາການໄວທອງ ດີຕໍ່ສຸຂະພາບຂອງແມ່ຍິງ ປ້ອງກັນພະຍາດກະດູກຜ່ອຍ ແລະ ສັບພະຄຸນອີກຫຼວງຫຼາຍ.

ຖົ່ວຂາວ ມີສັບພະຄຸນຊ່ວຍຂັບຂີ້ກະເທິ ຊ່ວຍບຳລຸງປອດ ຫຼຸດອາການໄອ ຊ່ວຍຫຼຸດແປ້ງ ຫຼຸດລະດັບນໍ້າຕານ ເພາະໃນຖົ່ວຂາວມີເອນໄຊສະເພາະຕົວຊຶ່ງຊ່ວຍຢັບຢັ້ງການດູດຊຶມແປ້ງ ແລະ ນໍ້າຕານທີ່ເຂົ້າສູ່ຮ່າງກາຍ ນອກນີ້ ຖົ່ວຂາວຍັງເປັນຄາໂບໄຮເດຣດທີ່ຍ່ອຍໄດ້ຊ້າເຮັດໃຫ້ເວລາຮັບປະທານຈະຮູ້ສຶກອີ່ມດົນ ດັ່ງນັ້ນ ຈຶ່ງເໝາະແກ່ກຸ່ມຄົນທີ່ກຳລັງຫຼຸດນໍ້າໜັກ.

 

 

 

ຮຽບຮຽງ: ພ.ສະຫວັນ

ຮູບພາບ: kapook

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.