ຖະແຫຼງຂ່າວຄັດເລືອກນັກກີລາ “e-Sports 2019”

0
41

ເປີດຂຶ້ນຢ່າງເປັນທາງການສຳລັບງານຖະແຫຼງຂ່າວຄັດເລືອກເອົານັກກີລາ ອີ-ສະປອສ (e-Sports) ປະຈຳປີ 2019 ຊຶ່ງຈັດເມື່ອວັນທີ 9 ສິງຫາຜ່ານມາທີ່ນະຄອນຫຼວງວຽງຈັນ ໂດຍການຄັດເລືອກໃນຄັ້ງນີ້ແມ່ນຈະໄດ້ຄັດເລືອກ ແລະ ຄົ້ນຫານັກກີລາລາວເພື່ອເປັນຕົວແທນເຂົ້າຮ່ວມງານມະຫະກໍາກີລາຊີເກມຄັ້ງທີ 30 ທີ່ປະເທດຟີລິບປິນໃນທ້າຍປີ 2019 ຫຼື Road To SEA GAME 2019.

ໂດຍການເຂົ້າຮ່ວມຂອງ ທ່ານ ກະເສມ ອີນທິລາ ຮອງປະທານຄະນະກໍາການໂອແລມປິກແຫ່ງຊາດລາວ ທ່ານ ອິລະວັດ ເທບພິທັກ ຮອງຫົວໜ້າຫ້ອງການກະຊວງສຶກສາທິການ ແລະ ກີລາ ທ່ານ ນາງ ພູໄຊ ແພງພົງ ຮອງຫົວໜ້າກົມກິລາລະດັບສູງ ກະຊວງສຶກສາ ທິການ ແລະ ກີລາ ທ່ານ ໂຈນາທານ ສິລິສັກດາ ປະທານສະຫະພັນກີລາອີ-ສະປອດແຫ່ງຊາດລາວ ທ່ານ ທັນສະໄໝ ຊາມູນຕີ ຫົວ ໜ້າຄະນະພັດທະນາຄຸນນະພາບ ແລະ ການບໍລິການ ບໍລິສັດ ລາວໂທລະຄົມມະນາຄົມ ມະຫາຊົນ ທ່ານ ຂັນຄຳ ບຸຊາຕີ ຜູ້ຈັດການຜະລິດເຄື່ອງມືສະຕິງ ບໍລິສັດເບຍລາວ ຈຳກັດ ທ່ານ ອະພິຊາດ ສະຫວັດມົງຄົນ ຫົວໜ້າຝ່າຍການຈັດງານອີເວັ້ນ ສູນການຄ້າວຽງ ຈັນ ເຊັນເຕີ້ ລວມທັງບັນດາຜູ້ໃຫ້ການສະໜັບສະໜູນ ແລະ ພາກສ່ວນກ່ຽວຂ້ອງເຂົ້າຮ່ວມ.

ປັດຈຸບັນທາງສະຫະພັນກີລາໄດ້ມີ Project Road to sea game ຊຶ່ງເປັນໂປຣເຈັກໄລຍະຍາວ ແລະ ເປັນງານການຄັດເລືອກ ແລະ ຄົ້ນຫານັກກີລາເພື່ອເປັນຕົວແທນຂອງປະເທດເຂົ້າຮ່ວມງານມະຫາກຳຊີເກມຄັ້ງທີ 30 ທີປະເທດຟີລິບປີນ ທັງນີ້ ການຄັດ ເລືອກແມ່ນເລີ່ມມາແຕ່ວັນທີ 1-7 ສິງຫາ (ຮອບອອນລາຍ) ໄປຈົນເຖິງວັນທີ 17-18 ສິງຫາ (ຮອບອອຟລາຍ) ຊຶ່ງຈະຈັດຢູ່ທີ່ສູນການຄ້າວຽງຈັນ ເຊັນເຕີ້ ແລະ ພ້ອມນີ້ ກໍໄດ້ມີການເກັບຕົວນັກກີລາເຂົ້າ Bootscamp ເພື່ອຝຶກຊ້ອມ ແລະ ກຽມຄວາມພ້ອມໃຫ້ກັບນັກກີລາໃນເດືອນກັນຍາ-ຕຸລາ ໂດຍທາງສະຫະພັນກໍໄດ້ມີການຈັດກິດຈະກຳ RoadShow ກໍຄືການລົງເຮັດກິດຈະ ກຳຮ່ວມກັບ 10 ໂຮງຮຽນຂອງຕົວເມືອງເພື່ອສ້າງສີສັນ ແລະ ເຜີຍແຜ່ວັດທະນາທຳຂອງກີລາ e-Sports ໃຫ້ເປັນທີ່ຮູ້ຈັກຢ່າງກວ້າງຂວາງ ສອບຖາມຂໍ້ມູນເພີ່ມເຕີມໄດ້ທີ່ໝາຍເລກ (020) 7687 9933.

 

 

ໂດຍ: ພ.ສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.