ຖວທ ເນັ້ນສາລະວັນເອົາໃຈໃສ່ວຽກງານສະກັດກັ້ນ ແລະ ປ້ອງກັນຕ້ານການຄ້າມະນຸດ

0
51

ທ່ານ ສະ​ຫວັນ​ຄອນ​ ລາ​ຊະມຸນ​ຕຣີ ຮອງ​ລັດ​ຖ​ະ​ມົນ​ຕີ​ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ (ຖວທ) ​ໄດ້​ກ່າວ​ໃນການຈັດ​ສຳ​ມະ​ນາວຽກງານສະກັດກັ້ນ ແລະ ປ້ອງ​ກັນຕ້ານການຄ້າມະນຸດທີ່​ແຂວງສາລະ​ວັນໃນ​ວັນ​ທີ 1 ສິງຫາ​ 2019 ວ່າ ໃນໄລຍະ​ທີ່ຜ່ານມາພັກ-ລັດຖະບານ ແລະ ​ບັນ​ດາຂະແໜງການຍາມໃດກໍໃຫ້ຄວາມສຳຄັນ ແລະ ເອົາໃຈໃສ່ຢ່າງຕັ້ງ​ໜ້າໃນການຊຸກຍູ້ ແລະ ສະໜູບສະໜູນວຽກງານສະກັດກັ້ນ ແລະ ປ້ອງກັນຕ້ານການຄ້າມະນຸດໃນ ສປປ ລາວ ຊຶ່ງບັນຫາການຄ້າມະນຸດແມ່ນເກີດຂຶ້ນຢູ່ບັນ ດາແຂວງຕ່າງໆເວົ້າ​ລວ​ມ ​ເວົ້າ​ສະ​ເພາະແຂວງທີ່ມີຊາຍແດນເຊື່ອມຈອດກັບ​ປະ​ເທດ​ໃກ້​ຄຽງແມ່ນ​ຍັງມີຄວາມສ່ຽງ​ສູງ ສາເຫດຕົ້ນຕໍແມ່ນການດຳລົງຊີວິດຂອງປະຊາຊົນຈຳນວນໜຶ່ງຍັງພົບຄວາມຫຍຸ້ງຍາກ ຄອບຄົວທຸກຍາກ ຄວາມແຕກໂຕນລະຫວ່າງຊົນນະບົດ ແລະ ຕົວເມືອງ ບັນຫາເສດຖະກິດ ການສຶກສາ ຄວາມສາມາດທາງດ້ານສີມືແຮງງານບໍ່ຕອບສະໜອງໄດ້ຕາມ​ຄວາມ​ຕ້ອງ​ການຂອງຕະຫຼາດແຮງງານ ບັນຫາໃນຄອບຄົວ ສິ່ງເຫຼົ່ານີ້ກາຍເປັນປັດໄຈໜຶ່ງທີ່ສົ່ງຜົນກະທົບ ແລະ ເປັນ​ອຸ​ປະ​ສັກຕໍ່ຊາວຫນຸ່ມແມ່​ຍິງ-ຊາຍຈຳນວນໜຶ່ງທີ່​ມີ​ຄວາມ​ຕ້ອງ​ກາ​ນ ຢາກ​ມີ​ຊີ​ວິດ​ຄວາມ​ເປັນ​ຢູ່​ທີ່​ດີ ຢາກ​ຊ່ວຍ​ເຫຼືອ​ຄອບ​ຄົວ​ຂອງ​ເຂົາ​ເຈົ້າ ແລະ ມີເດັກນ້ອຍທີ່ຍັງບໍ່ທັນບັນລຸນິຕິພາວະຊຶ່ງຖືກຫຼອກລວງໄປເຮັດວຽກຢູ່ຕ່າງປະເທດດ້ວຍຫຼາຍຮູບການ ແລະ ໄປຊອກຫາວຽກ​ເຮັດງານທຳຢູ່ໃນບັນດາປະເທດໃກ້ຄຽງເພື່ອຫາລາຍໄດ້​ມາຈຸນເຈືອຄອບຄົວ ຈຳນວນໜຶ່ງກໍສະໝັກໃຈ​ໄປເພື່ອຊອກຫາປະສົບການຊີວິດດ້ວຍຕົນເອງ ເພື່ອປັບປຸງຊີວິດຂອງຕົນເອງໃຫ້ດີຂຶ້ນ.

ທ່ານຮອງ​ລັດຖະມົນຕີໄດ້ກ່າວ​ຕື່ມ​ວ່າ ເດັກນ້ອຍ​ຍິງຈຳນວນໜຶ່ງຖືກຫຼອກ ແລະ ບັງຄັບໃຫ້ໄປຄ້າປະເວນີ ແລະ ວຽກບໍລິການຢູ່ຫ້າງຮ້ານຕ່າງໆໃນຕົວເມືອງ ຈຳນວນໜຶ່ງຖືກຫຼອກໄປໃຊ້ແຮງງານ​ໜັກ ແລະ ບັນ​ຫາ​ອື່ນໆ ​ຈາກ​ສະ​ພາບ​ດັ່ງກ່າວຈຶ່ງ​ຈຳ​ເປັນ​ຕ້ອງ​ໄດ້​ມີ​ການ​ຝຶກ​ອົບ​ຮົມ​ໃຫ້​ຄວາມ​ຮູ້ ແລະ ເຂົ້າ​ໃຈແກ່​ຕົນ​ເອງ​ກ່ອນ​ຈະ​ມີ​ການ​ເດີນ​ທາງ​ໄປ​ທ່ອງ​ທ່ຽວ ແລະ ການ​ໄປ​ຊອກ​ຫາ​ວຽກ​ເຮັດ​ງານ​ທຳ​ຢູ່​ຕ່າງ​ປະ​ເທດຕ້ອງ​ສຶກ​ສາ​ຂໍ້​ມູນ ກຳ​ໄດ້​ເນື້ອ​ໃນ​ຢ່າງ​ເລິກ​ເຊິ່ງ​ເພື່ອ​ສາ​ມາດ​ຊ່ວຍ ແລະ ປ້ອງ​ກັນ​ຕົນ​ເອງ​ໄດ້ ການໂຄສະນາເຜີຍແຜ່ຂໍ້​ມູນ ແມ່ນປັດໄຈອັນສຳຄັນໃນການສ້າງຄວາມເຂົ້າໃຈໃຫ້​ຄອບ​ຄົວ ຊຸມ​ຊົນ​ໃນ​ທ້ອງ​ຖິ່ນ ສັງຄົມ ປະຊາຊົນລາວບັນດາເຜົ່າ ເຂດຫ່າງ ໄກສອກຫຼີກ ແມ່ນຕ້ອງໄດ້ເອົາໃຈໃສ່ເປັນພິເສດ​ເພື່ອ​ສະກັດ​ກັນ ແລະ ປ້ອງ​ກັນຕ້ານການຄ້າມະນຸດ.

 

 

ໂດຍ: ສະຫະລັດ ວອນທິວົງໄຊ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.