ຕົ້ນກຳເນີດ ແລະ ຄວາມເຊື່ອຂອງປະເພນີແຫ່ຜະສາດເຜິ້ງ

0
346

ເພາະສາສະໜາພຸດມີຄວາມເຊື່ອຂອງບຸນກຳ, ເຊື່ອໃນນະລົກສະຫວັນ ແລະ ການວຽນວ່າຍຕາຍເກີດ, ພຸດທະສາສະນິກະຊົນຈຶ່ງເຊື່ອໃນການເຮັດຄວາມດີວ່າຈະຊ່ວຍສົ່ງຜົນໃຫ້ຕົນໄດ້ມີຊີວິດຢູ່ໃນພົບພູມທີ່ດີໃນອະນາຄົດ ແລະ ຄວາມເຊື່ອນີ້ສົ່ງຜົນມາເຖິງປະ ເພນີເກືອບທຸກຢ່າງໃນພຸດທະສາສະໜາ ບໍ່ວ່າຈະເປັນການເຮັດບຸນຕັກບາດ ແລະ ບຸນປະເພນີຕ່າງໆ.

ປະເພນີແຫ່ຜະສາດເຜິ້ງຂອງຊາວລາວໄດ້ມີຄວາມເຊື່ອມາຈາກເມື່ອພຣະພຸດທະເຈົ້າສະເດັດລົງມາຈາກສະຫວັນຊັ້ນຟ້າ, ຫຼັງຈາກສະເດັດໄປໂປຣດພະມາດາໃນວັນຂຶ້ນ 15 ຄໍ່າ ເດືອນ 11 ເມື່ອສະເດັດລົງມາຈາກສະຫວັນພຣະພຸດທະເຈົ້າໄດ້ສະແດງປະຕິຫານດ້ວຍການເປີດໂລກທັງສາມຄື: ສະຫວັນ, ມະນຸດ ແລະ ນະລົກ ໃຫ້ເຫັນເຖິງກັນໄດ້, ຈຶ່ງເຮັດໃຫ້ຜູ້ທີ່ໄດ້ເບິ່ງເຫັນວິມານເທິງສະຫວັນເກີດຄວາມຕ້ອງການທີ່ຈະໄດ້ຢູ່ສະຖານທີ່ສວຍງາມແບບນັ້ນ ແລະ ຮູ້ວ່າການທີ່ຈະໄດ້ຢູ່ສະຖານທີ່ແບບນັ້ນ, ຈະຕ້ອງສ້າງບຸນສ້າງກຸ ສົນ, ສ້າງຜະສາດກອງບຸນໃນຂະນະທີ່ເປັນມະນຸດຢູ່ເສຍກ່ອນຈົນເປັນທີ່ມາຂອງການສ້າງຜະສາດເຜິ້ງ.

ອີກຄວາມເຊື່ອໜຶ່ງແມ່ນມີຄວາມເປັນມາຕັ້ງແຕ່ພຸດທະການ, ພຣະພຸດທະເຈົ້າສະເດັດໄປຈຳພັນສາຢູ່ໃນປ່າຮັກຂິດວັນ ມີຊ້າງ ແລະ ລິງຄອຍຮັບໃຊ້, ຊ້າງໄດ້ນຳໝາກໄມ້ ແລະ ນໍ້າມາຖວາຍພຣະພຸດທະເຈົ້າ ສ່ວນລິງໄດ້ນຳຮັງເຜິ້ງມາຖວາຍເມື່ອພຣະພຸດທະເຈົ້າສະເຫວີຍຮັງເຜິ້ງ ລິງກໍດີໃຈກະໂດດໂລດເຕັ້ນຈົນພັດຕົກກົກໄມ້ລົງມາຕາຍ ແລະ ເມື່ອຮອດວັນອອກພັນສາພຣະພຸດທະເຈົ້າຈະສະເດັດອອກຈາກປ່າກັບເຂົ້າເມືອງ ຊ້າງກໍຫົວໃຈສະລາຍດ້ວຍຄວາມອາໄລໃນພຣະພຸດທະເຈົ້າ, ພຣະອົງຊົງລະນຶກເຖິງຄຸນງາມຄວາມດີຂອງຊ້າງ ແລະ ລີງ ຈຶ່ງໄດ້ນຳເອົາຮັງເຜິ້ງນັ້ນມາເຮັດເປັນດອກໄມ້ປະດັດໃນໂຄງະະສາດເພື່ອອຸທິດກຸສົນໃຫ້ທັງຄູ່.

ເຊື່ອກັນວ່າການແຫ່ະະສາດເຜິ້ງຖືເປັນການສ້າງບຸນກຸສົນທີ່ແຮງກ້າ, ເປັນການອຸທິດສ່ວນກຸສົນໃຫ້ແກ່ບັນພະບູລຸດຜູ້ທີ່ລ່ວງລັບໄປແລ້ວ ແລະ ກຸສົນນັ້ນຈະເຮັດໃຫ້ສິ່ງທີ່ຕົນປາຖະໜາສາມາດເກີດຂຶ້ນໃນໂລກໜ້າໄດ້.

ຢ່າງໃດກໍ່ຕາມ, ສິ່ງສຳຄັນຂອງການແຮ່ະະສາດເຜິ້ງ ນອກຈາກເປັນການອຸທິດສ່ວນບຸນກຸສົນໃຫ້ແກ່ບັນພະບູລຸດ ແລະ ເປັນການສ້າງກຸສົນໃຫ້ແກ່ຕົນເອງແລ້ວ, ມັນຍັງມີຄວາມໝາຍເຖິງການສ້າງຄວາມສາມັກຄີ ແລະ ການເຮັດບຸນຮ່ວມກັນຂອງຄົນໃນຊຸມ ຊົນ. ນອກຈາກນີ້, ໃນຂະບວນແຫ່ກໍຈະມີການສະແດງພືນເມືອງທີ່ເປັນເອກະລັກຂອງແຕ່ລະທ້ອງຖິ່ນ ຊຶ່ງມັນໄດ້ສ້າງຄວາມປະທັບໃຈ ແລະ ຄວາມຊົງຈຳທີ່ດີໃຫ້ແກ່ຜູ້ໄດ້ພົບເຫັນ ແລະ ເຊື່ອວ່າປະເພນີດີງາມນີ້ຈະຍັງຄົງສືບຕໍ່ໄປຕາບເທົ່າທີ່ສັດທາໃນພຣະພຸດທະສາ ສະໜາ ແລະ ພຣະພຸດທະເຈົ້ານັ້ນຍັງຄົງຢູ່.

ບົດໂດຍ: ພຸດສະດີ ລາວລີ
ແຫຼ່ງຂໍ້ມູນ: mgronline

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.