ຕຶກເກົ່າອາຍຸ 100 ປີໃນມຸມໄບໃນອິນເດຍຖະຫຼົ່ມ

0
75

ສຳນັກຂ່າວຕ່າງປະເທດລາຍງານເມື່ອວັນທີ 16 ກໍລະກົດຜ່ານມາວ່າ ເຫດຕຶກ 4 ຊັ້ນໃນນະຄອນມຸມໄບໃນອິນເດຍຖະຫຼົ່ມ ເຮັດໃຫ້ມີຜູ້ເສຍຊີວິດແລ້ວຢ່າງໜ້ອຍ 10 ລາຍ ໃນນັ້ນ 3 ລາຍແມ່ນເດັກນ້ອຍ ບາດເຈັບ 8 ຄົນ ຂະນະທີ່ຄາດຄະເນວ່າຍັງມີຜູ້ຕິດຢູ່ໃຕ້ຊາກອາຄານອີກຈຳນວນຫຼາຍ.

ໂດຍທີມກູ້ໄພຈາກສຳນັກງານດັບເພີງທ້ອງຖິ່ນ ແລະ ກອງກຳລັງຕອບສະໜອງໄພພິບັດແຫ່ງຊາດຮ່ວມກັນຄົ້ນຫາຜູ້ປະສົບເຫດທີ່ຄາດວ່າຍັງຕິດຢູ່ໃນຊາກອາຄານທີ່ພັງຖະຫຼົ່ມ ທັງນີ້ ມີລາຍງານລະບຸວ່າໃນເວລາທີ່ເກີດເຫດມີປະຊາຊົນຢູ່ໃນອາຄານເຖິງ 15 ຄອບ ຄົວ.

ທັງນີ້ ມີການຄາດຄະເນວ່າໜຶ່ງໃນສາເຫດທີ່ເຮັດໃຫ້ຕຶກຖະຫຼົ່ມອາດເປັນຍ້ອນນ້ຳຖ້ວມຊຶ່ງເກີດຈາກພະຍຸມໍລະສຸມລວມເຖິງອາຄານມີອາຍຸເກົ່າແກ່ ຊຶ່ງໃນແຕ່ລະປີອິນເດຍມີຜູ້ເສຍຊີວິດຍ້ອນຕຶກຖະຫຼົ່ມປະມານ 2.000 ລາຍ ອີກໜຶ່ງສາເຫດສຳຄັນກໍຄື ມາດຕະ ຖານການກໍ່ສ້າງທີ່ບໍ່ໄດ້ມາດຕະຖານ ແລະ ການປ່ອຍໃຫ້ອາຄານຊຸດໂຊມໂດຍບໍ່ມີການປັບປຸງ-ສ້ອມແປງ.

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.